Gjithçka e kryer tashmë për transferimin e Joao Marios nga Interi te West Hami, në Premier League. Portugezi udhëtoi sot për në Londër dhe mediet angleze raportojnë se sapo ka kryer vizitat mjekësore, të cilat i ka kaluar me sukses.

Joao Mario shkon te West Hami me formulën e huazimit kundrejt 1.2 milionë eurove, me të drejtën e blerjes për 35 milionë të tjera. Portugezi e pati shprehur edhe publikisht se kërkon më shumë hapësira, të cilat te Interi nuk po i gjente, pasi nuk arriti të përshtatet si duhet në Serinë A, pas 1 sezoni e gjysmë.

Largimi i tij pritet t’i hapë rrugën zikaltërve, që të synojnë një tjetër mesfushor, me Ramirez, Pastore dhe Kovaçiç, që duken si synimet kryesore. Nga ana tjetër, mbrëmjen e sotme zikaltrit kanë kontaktuar sërish me Liverpoolin, për të negociuar huazimin e sulmuesit Daniel Sturridge.

LEAVE A REPLY

Please enter your comment!
Please enter your name here