Përjashtimi i Pippo Inzaghit nga lista e Championsit është tema e ditës. Mbreti i Kupave është lënë jashtë garës evropiane nga Rossonerët për shkak të problemeve fizike të cilat vazhdojnë ta përcjellin atë.

Edhe mosha nuk i jep siguri që të luajë sulmuesit të Milanit. Një zgjedhje e vështirë për trajnerin Massimiliano Allegri, i cili me siguri, në zemrën e tij, ka vuajtur shumë para se të marrë vendimin final.

Super Pippo, sigurisht, nuk e ka pritur mirë lënjen jashtë listës Champions, këtë e pranon edhe trajneri toskan, i cili dje në fund të ndeshjes kundër Comos, foli për mikrofonat e Sportmediaset të publikuar në MilanNews.it.

“Kam folur me Pippon ai më tha se nuk e ka pritur mirë këtë vendim por kjo është normale, unë i thashë atij që të pres deri në janar, duke shpresuar që të gjejë kondicionin e duhur”, deklaroi Allegri duke u munduar ta qetësojë bomberin e Milanit.

Numri 9 Rossoner, ende ka shpresë që të kthehet për të luajtur në Europë, ndoshta ky është një ngushëllim i cili për momentin vlenë më shumë se çdo gjë tjetër. Ndërkohë, Milani duhet të mundohet ta kalojë fazën e grupeve ku do të përballen dy herë me fantazistët e Barçës.

Pastaj, në fazën eliminuese, mund t’iu ribashkohet Inzaghi i cili është njeriu që ndoshta më shumë se çdo kush tjetër është i mbushur me krenari në zemrat e tifozëve të Milanit./lajmesport.com/

Mbrojtësi i Real Madridit, Sergio Ramos ka bërë një deklaratë interesante nga Kina ku nga Guangzhou ai foli për sezonin e ardhshëm të Ligës së Kampionëve dhe e dha mendimin e tij për favoritët e kësaj gare.

“Është shumë herët të parashikohet se kush do ta fitojë Ligën e Kampionëve por mendoj se Interi dhe Barcelona janë më kompetitiv. Real Madrid? Jemi një grup i ri dhe ende duhet të njihemi me njëri tjetrin”, precizoi mbrojtësi spanjoll./lajmesport.com/

Mësohet se Uefa është duke konsideruar një rikthim në Londër, pasi këta të fundit kanë qenë të impresionuar me suksesin në finalen e muajit të kaluar mes Manchester United dhe Barcelonës.

Stafi i Wembleyt ishte përgëzuar nga Uefa për profesionalizmin dhe efikasitetin në pritjen e këtij eventi, me ç’rast trupi qeverisës e vlerësoi si finalen më të mirë në Europë, që nga viti 1992 kur kjo garë mori këtë emër që posedon tani.

Finalja e vitit të ardhshëm do të mbahet në Allianz Arena, por sa i përket finales së vitit 2013, FA nuk do të hezitonte asnjë minutë për ta pranuar vendimin, ngase nga kjo finale kishte hiç më pak se 1 milionë £ përfitim.

Foto: Wembley, Londër / lajmesport.com

Mesfushori i Barcelonës, Sergio Busquets e kishte shikuar Manchester United tek fitonte finalen e vitit 1999 në Camp Nou, ku ekipi i Sir Alex Ferguson shënoi fitore kundër Bayern Munich me rezultat 2-1.

“E kujtoj shumë mirë. Isha në stadium dhe dukej se Bayern do të fitonte, por në fund Manchester United riktheu rezultatin me dy gola – ishte një rikthim fantastik”.

“Stili I tyre ndikohet nga trajneri – ai ka qenë atje për shumë vite dhe ka fituar shumë tituj – është admiruese”.

Foto: Busquets, Barcelona / lajmesport.com

Sulmuesi i Schalkes, Raul, është në përkrahje të Manchester United, ekip që do të përballet me Barcelonën në finale të Champions League.

Do të jetë përsëritja e finales në vitin 2009, ku fitoi ekipi i Pep Guardiolas me rezultat 2-0.

Por, legjenda e Real Madrid,Raul – tani te Schalke, deklaroi: Ferguson është legjendë dhe do të dijë saktësisht se çfarë duhet të bëj ekipi i tij për të fituar”.

“United u dëshmua kundër nesh dhe në të kaluarën, duke treguar se mund të garojnë me çdo ekip që përballen”.

Foto: Raul, Schalke / lajmesport.com

Barcelona e bëri përsëri. Vërehet një përmirësim i dukshëm tek Real Madrid dhe tek sistemi i tyre, por ata ende nuk kanë arritur një fitore në Camp Nou.Edhe pse ekipi i Jose Mourinhos arriti një barazim në Kataluni, Barcelona shikoi vetëm ‘biznesin’ e saj, dhe qëllimi i tyre u plotësua tashmë, ku më 28 Maj, sipas të gjitha gjasave do të takohen në Wembley me ekipin e Sir Alex Ferguson, Manchester United.

Edhe pse presioni ishte dukshëm tek Barcelona, duke aluduar një rikthim të Real Madrid, skuadra e Pep Guardiolas nuk bëri asnjëherë panik. Në pjesën e parë ata kishin shtatë goditje, kurse Valdes ishte i papunë. Sugjerohej se Barcelona nuk ka një plan B për kundërshtarët e tyre, por tani u verifikua se mjafton plani A.

Një pasim magjik, një pasim i mrekullueshëm, pasim që mund të realizohet vetëm nga ‘faktori’ Iniesta, bëri që Pedro Rodriguez të shënonte lehtë, duke e mposhtur edhe njëherë San Iker, kurse në anën tjetër, dëshmohet se Marcelo duhet të mësojë ende, sepse ai mbeti duke e shikuar golin e shënuar nga Pedro.Mënyra e posedimit të topit nga ekipi Blaugrana bëri që ata të kontrollojnë takimin, duke bërë kështu që Real Madrid të mos rrezikonte në shumë fraksione të ndeshjes.

Mund të themi se çasti më i rrezikshëm ishte kur Gonzalo Higuain shënoi, gol që u anulua. Ndërhyrja e Ronaldos nuk ishte me qëllim, por kjo mjaftoi që Mascherano të faulohej, lojtar i cili po përpiqej ta ndalte Higuanin.Sidoqoftë, mund të themi se De Bleeckere gaboi duke mos ndëshkuar Carvalhon me karton të kuq, pasi ky i fundit bëri një ndërhyrje të dytë të rrezikshme.

Orari 18 ditor ka përfunduar me nga një fitore secili ekip, dhe dy barazime, por Barcelona ka më shumë përparësi këtu, duke pasur rastin të fitojnë La Ligan dhe janë shumë afër të fitojnë UEFA Champions League.

Pritet që brenda 24 orëve të konfirmohet finalisti i dytë, dhe me siguri do të jetë Manchester United, e kësaj rradhe Ferguson duhet të bëj një goxha plan për të ndalur Lionel Messin dhe bashkëlojtarët e tij.Sidoqoftë pas serisë së mirë në El Clasico, Barcelona meriton të shpallet ekipi më i mirë në Europë.

Foto: Barcelona 1-1 Real Madrid / lajmesport.com

Mesfushori i Real Madrid, Sami Khedira ka bërë të qartë se sezoni nuk ka përfunduar për të dhe ai i ka vënë qëllim vetes që të luaj në finale të Champions League, kuptohet nëse ekipi nga kryeqyteti eliminon Barcelonën në gjysmëfinale.

“Unë mund të siguroj juve se lëndimi im nuk do të thotë se sezoni ka përfunduar për mua.Do të bëj maksimumin që të rikthehem në aksion sa më shpejtë. Dua të jem i gatshëm për finalen e Champions League”.

“Stafi mjekësor i Real Madrid do të bashkëpunoj me Dr. Muller-Wohlfart në Munich për të menaxhuar procesin e rikuperimit. Duhet të presim që të shohim saktësisht se kur do të jem i gatshëm”.

Foto: Khedira, Real Madrid / lajmesport.com

Raul mezi pret të takohet me Manchester United në gjysmëfinale të Champions League, pasi ekipi i Rangnick elimionoi Interin me rezultat final 7-3.

“Jemi të lumtur, tani kemi dy gjysmëfinale të shkëlqyera, ne kundër United dhe Real Madrid kundër Barcelonas”,deklaroi Raul për Sky Sport Italia.

“Ishte e rëndësishme ta mposhtim Interin,tani ëndërrojmë finalen, pas këtij suksesi madhështor”.

“Gjithmonë punoj shumë,jap maksimumin pasi unë gjithmonë dëshiroj të luaj. Ndeshja më dhuron kënaqësi, kur nuk do të jetë kjo,atëherë do të ndalem”.

Foto: Raul, Schalke / lajmesport.com

Bashkohu në Lexo Futboll

Jose Mourinho ka deklaruar se duke fituar Champions League me Real Madridin nuk është një obesesion, por dëshiron ta fitojë këtë sezon.

“Do të kisha dashur ta fitoja, natyrisht, por pa u obsesionuar fare”.

“I pëlqej ndeshjet e nivelit të madh, ndeshje të cilat kurrë nuk mund t’i harroni”.

Ndeshja e ardhshme për ekipin e Mourinhos është kundër Tottenham Hotspur, ndeshje e cila zhvillohet në kuadër të çerekfinales të Champions League në White Hart Lane.

Foto: Mourinho, Real Madrid / lajmesport.com

Ai tha: Ishte e pastër. Edhe nga 50 apo 60 metra larg mund të shihja se Ramires kishte kontakt i pari me topin. Pas ndeshjes ne shikuam videon si çdo kush”.

“Mendoj se gjëja më frustruese për lojtarët është se nuk mund të shprehin mendimin e tyre. Mund të dënoheshim dhe jemi duke parë lojtarë që dënohen për shkak të shprehjes së mendimit”, deklaroi Terry.

Foto: Ramires, Evra / lajmesport.com