Inter do të qëndroj vetëm në Hotel para finales në Madrid

May 22, 2010

Lojtarët e Interit do të qëndrojnë brenda në Hotelin Mirasierra Suites në Madrid dhe nuk do të dalin jashtë tij dy orë para finales në Champions League, që fillon në ora 20:45.

La Repubblica raporton se ekipi do të ketë stërvitje brenda Hotelit, ngase Mourinho dëshiron t’i shmanget problemeve nga jashtë. Pas mëngjesit ekipi do të stërvitet dhe do të ketë një mbledhje brenda Hotelit.

Pas drekës që është kryer në ora 13:00, ekipi do të qëndroj brenda deri në orën 19:00 dhe pastaj me masa sigurie do të përcillet deri në Stadiumin Santiago Bernabeu.

/LajmeSport.com

Written by Mentor · Filed Under Kampionati Italian, Kryesoret | 6 Comments 

Laporta: Lojtarët janë mposhtur

April 29, 2010

Sipas Marcas ,presidenti i Barcelonës, Joan Laporta vizitoi ekipin e tij në stërvitje pas eliminimit në gjysmëfinale të Champions League nga Interi i udhëhequr sipas strategut Jose Mourinho.

“Të fitojmë La Ligan duhet të fitojmë katër ndeshjet e fundit që do të jenë si fanel. Duhet të bazohemi në La Liga sepse përkundër pozitës sonë në tabelë nuk duhet të kemi vetëbesim. Duhet të ngrisim moralin e ekipit”.

Laporta kishte fjalë inkurajuese për ekipin e tij dhe tha:
“Lojtarët duhet të mbajnë kokën lartë sepse janë ekipi më i mirë në botë”.

“Ata dukeshin të mposhtur. Duhet të përmirësohemi dhe të analizojmë gabimet e bëra, t’i përmirësojmë ato dhe të besojmë tek sistemi ynë. Inter meriton lëvdata sepse ata ndaluan stilin tonë”.

/LajmeSport.com

Written by Mentor · Filed Under Kampionati Spanjoll | 1 Comment 

Inter në finale të Champions League

April 28, 2010

Interi është kualifikuar në finale të Champions League, pasi fitorja e Blaugranëve në Camp Nou me rezultat 1-0 nuk ka shërbyer dhe rezultati i përgjithshëm ishte 3-2 në favor të Nerazzurëve.

Ndeshja ishte e dominuar totalisht nga Barcelona, por në anën tjetër Inter tregoi karakterin duke pasur një mbrojtje tejet stabile dhe tregoi lojë të mbyllur.

Në minutat e para të takimit posedimi ishte në favor të Blaugranëve ( 80% ), kurse Inter përbënte (20 %) dhe kjo përqindje u rrit paksa deri në fund të takimit. Një hendikep i madh për Nerazzurët ndodhi në minutën e 28′ kur Motta pas një ndërhyrjeje të ashpër tek Pedro Rodriguez ndëshkohet me kartonin e dytë të verdhë dhe përjashtohet nga ndeshja.

Në pjesën e dytë Guardiola përdori një taktikë sulmuese, por Inter nuk u dorëzua deri në fund të takimit duke mos lejuar aspak hapësira dhe qëllimi për të arritur në finale po afrohej tek Mourinho.

Në minutat e fundit të takimit presioni ishte në maksimum tek Inter dhe 6 minuta para fundit, Gerard Pique me një lëvizje mashtruese shënon për 1-0.

Pas ca minutash, Xavi shënon golin e dytë, por ky gol nuk u pranua për shkak të prekjes me dorë nga Yaya Toure.

Pas 38 viteve Inter kualifikohet në finale dhe festa e Nerazzurëve në Camp Nou ishte e jashtëakonshme,sidomos nga Jose Mourinho.

/LajmeSport.com

Written by Mentor · Filed Under Champions League, Kampionati Italian, Kampionati Spanjoll, Kryesoret | 27 Comments 

van Gaal: Bayern mund të mposht çdo ekip

April 28, 2010



Louis van Gaal ka lavdëruar suksesin e Bayern Munich , i cili është kualifikuar në finalen e Champions League dhe do të takohet me fituesin e ndeshjes Barcelona – Inter.

“Bayern mund të mposht çdo ekip. Ja, pse jemi në finale”,deklaroi van Gaal për ueb-sajtin zyrtar të klubit.

“Kemi bërë punë të mrekullueshme. Ata luajtën shumë mirë. Është e shkëlqyer të jemi në finale”.

Mesfushori Schweinsteiger tha:
“Finalja është e shkëlqyer për të gjithë klubin. Jemi një ekip i mirë me karakter të shkëlqyer. Është mirë të luash në këtë ekip. Gjërat duken mirë, por nuk kemi fituar ende”.

“Jam krenar të jem në këtë ekip dhe me suksesin e arritur sonte. Kjo ishte super-performancë. Kemi një ekip të mirë dhe besojmë në vetvete. Jemi të gjithë të uritur për sukses”.

/LajmeSport.com

Written by Mentor · Filed Under Champions League, Kampionati Gjerman | 15 Comments 

Ribery mungon në finale

April 28, 2010



Lajme të këqija për finalistin e parë në Champions League, Bayern Munich.

Trajneri i Bayern Munich, Louis van Gaal nuk do të llogarisë në anësorin në Francezin Franck Ribery në finalen e UEFA Champions League, pasi ai është dënuar me tre ndeshje moslojë.

10 minuta para fundit të pjesës së parë në Allianz Arena, Ribery humbi kontrollin në mesfushë duke e fauluar Lisandro Lopezin, kurse gjyqtari nuk tregoi mëshirë duke e përjashtuar nga loja francezin.

Karl-Heinz Rummenigge kishte shpresuar se Ribery’s do t’i jepej dënimi për një ndeshja, por doli të ishte krejtësisht ndryshe sepse anësori u ndëshkua me tre ndeshje dënim.

Reprezentuesi Francez ishte ndëshkuar për ndeshjen e së Martës kundër Lyon, që do të thotë se atij i mbeten edhe 2 ndeshje suspendimi. Bayern mund të apelojë brenda tri ditëve për këtë vendim.

/LajmeSport.com

Written by Mentor · Filed Under Champions League, Kampionati Gjerman, Kryesoret | 15 Comments 

Boninsegna: Barcelona është e frikësuar nga Inter

April 28, 2010

Legjenda e Interit, Roberta Boninsegna beson se Jose Mourinho mund ta përfundoj punën e tij në Camp Nou, duke u kualifikuar në finalen e Madridit pas fitores 3-1 në ndeshjen e parë që u zhvillua në Giuseppe Meazza.

“Mendoj se Barcelona frikësohet. Nuk mendoj se ata besojnë se do të jenë të gatshëm të fitojnë 4-0″,deklaroi Boninsegna për Goal.com Italia.

“Shikoni se çfarë ndodhi në San Siro. Kam besim për ndeshjen. Nuk do të jetë e lehtë sepse ata janë si një makinë”.

“Ata duhet të shënojnë dy gola dhe të mos pranojnë ndonjë dhe besoj kjo do të jetë shumë e vështirë sepse ata nuk shihen shumë të fortë në ndeshjen kthyese”.

“Shpresoj se Ibrahimovic nuk do të luaj për shkak të gripit”, bëri shaka Boninsegna.

“Çfarë më brengos më shumë janë gjyqtarët. Shpresoj se nuk do të bëj të njëjtën gjë si në ndeshjen kundër Liverpool [ 2008] kur e përjashtoi nga loja Marco Materazzin”.

Frank De Bleeckere ishte gjyqtar i asaj ndeshje dhe do të jetë edhe sonte në ndeshjen në Camp Nou.

/LajmeSport.com

Written by Mentor · Filed Under Champions League, Kampionati Italian, Kryesoret | 1 Comment 

Zgjidh ekipin e Interit kundër Barcelonës

April 27, 2010



Padyshim që kjo mund të quhet ndeshja më e rëndësishme e Interit në sezonin 2009/2010, por përkundër avantazhit 3-1 asgjë nuk është e pamundur për Barcelonan.

Francesco Toldo ( Këmba ), Santon ( gjuri ), Maicon (dhëmbi), Goran Pandev ( kofsha) dhe Balotelli me siguri se nuk do të përfshihet në skuadrën e Mourinhos pas skandalit në javën e kaluar në Giuseppe Meazza, por si duket Maicon ka më shumë shansa të startojë.

Interi ka ditur të mbajë tempon e lojës në raste të nevojshme dhe këtë e ka treguar në ndeshjen kundër Chelseat, por mbetet të shihen rrethanat në Camp Nou.

Portierë: 12 Julio Cesar, 21 Paolo Orlandoni, 51 Vid Belec.

Mbrojtës: 2 Ivan Cordoba, 4 Javier Zanetti, 6 Lucio, 8 Thiago Motta, 23 Marco Materazzi, 25 Walter Samuel, 46 Luca Caldirola.

Mesfushorë: 7 Ricardo Quaresma, 10 Wesley Sneijder, 11 Sulley Muntari 17 Mariga, 19 Esteban Cambiasso.

Sulmues: 9 Samuel Eto’o, 22 Diego Milito, 89 Marko Arnautovic, Mattia Destro.

LajmeSport.com kërkon mendimin tuaj mbi llojin dhe lojtarët që do të përfshihen në formacionin startues të Mourinhos.

Written by Mentor · Filed Under Champions League, Kampionati Italian, Kryesoret | 48 Comments 

Zamparini ‘krenar’ të jetë në zonën Champions

April 25, 2010

Presidenti i Palermos, Maurizio Zamparini pranon se ai ishte shumë i kënaqur me humbjen 3-1 kundër Milanit, gjë që i mundësoi Palermos vendin e katërt.

“Jam i lumtur që parashikimi im ishte gabim”,deklaroi ai për Tuttomercatoweb.com.

“Nuk kisha besim sepse kam pasur rastin të shoh ngecje në seancën stërvitore”.

“Pashë një Palermo të shkëlqyer. Jemi një ekip dhe shpresojmë të luajmë kështu edhe në ndeshjet e tjera”.

“Të gjitha ndeshjet do të jenë vendimtare që tani e tutje”, theksoi presidenti.

“Do të jetë luftë për kualifikimin në Champions League.Jemi këtu dhe jam krenar. Do të luajmë për t’i mposhtur të gjithë ata, por mendoj se ndeshja kundër Sampdorias më 9 Maj do të jetë vendimtare”.

/LajmeSport.com

Written by Mentor · Filed Under Kampionati Italian | Leave a Comment 

Moratti kërkon hakmarrje ndaj Barcelonës

April 7, 2010

Presidenti i Interit Massimo Moratti thotë se Interi do të ketë për mission që të hakmerren ndaj Barcellonës për humbjen e shkaktuar gjatë fazës së grupeve.

Neroazzurët u kualifikuan më tutje pasi ata arritën që të diskualifikojnë CSKA Moskën me rezultat të përgjithshëm 2-0.

Morrati mendon se skuadra e tij do t’I tregojë dhëmbët e saj në ndeshjen kundër Barcelonës.

“Do të jetë një ndeshje magjike,” tha Moratti për La Gazzetta dello Sport, pasi e pa Messin të shkatërronte Arsenalin.

“Unë mendoj se e gjithë skuadra ime u gëzua pasi që do të kemi rastin të hakmerremi ndaj tyre.”

“Ky Inter i tanishëm dallon shumë nga Interi në fazën e grupeve.” Shtoi ai.

Jose Mourinho ka thënë se Interi tani është i gatshëm që të shkojë deri në Madrid, dhe Moratti shtoi: “Ju nuk mund të besoni se sa i lumtur jam pasi keto ditë i kam pritur me vite të tëra…” Përfundoi Moratti.

/LajmeSport.com

Written by Arianit Elshani · Filed Under Champions League, Kampionati Italian | 6 Comments 

Formacionet: CSKA Moscow-Inter

April 6, 2010

Në prag të fillimit të ndeshjes CSKA Moskcow-Inter janë bërë publike edhe formacionet e të dya skuadrave.

Formacionet janë si në vijim:

CSKA Moscow: Akifeev; A Berezutski, V Berezutski, Ignashevich, Schennikov; Honda, Sembreras; Mamaev, Dzagoev, Mark Gonzalez; Necid                                                                      Rezervistët: Chepchugov, Nababkin, Odiah, Guilherme, Piliev, Rahimic, Oliseh

Inter: Cesar; Maicon, Samuel, Lucio, Zanetti; Stankovic, Cambiasso; Sneijder; Eto’o, Milito, Pandev                                                                                                                                                                              Rezervistët: Orlandoni, Cordoba, Quaresma, Muntari, Materazzi, Chivu, Balotelli

Në rast se Interi kualifikohet kjo do të thotë që Interi kualifikohet për herë të parë në gjysëm-finale që nga stinori 2002-03, në rast kualifikimi Interi do të takohet me fituesin e ndeshjes Barcelona-Arsenal.

/LajmeSport.com

Written by Arianit Elshani · Filed Under Champions League, Futboll, Kryesoret | 7 Comments 

Next Page »