Ribery mund të largohet

March 10, 2010

Trajneri holandez i Bayernit Louis Van Gaal ka deklaruar pas kualifikimit në çerekfinale, se Franck Ribery është i lirë që të largohet pasi që më atij nuk i nevojitet.

“ Nëse Ribery dëshiron të largohet nga Bayern Munchen, le të urdhëroj, edhe ashtu kam nevoj për para.”

Ndërsa vetë Ribery shprehet se do të vendos në fund të Marsit ose në fillim të Prillit.

“ Unë do të vendos në fund të Marsit ose në fillim të Prillit. Është me rëndësi të jem mirë psikologjikisht para botërorit.”

“ Me rëndësi është që të kemi mundësi të fitojmë tituj dhe jam shumë i kënaqur që jam te Bayerni.”

Sidoqoftë, ende asgjë nuk është e qartë, pasi që gazetat flasin më shumë se protagonistët por ju sygjerojmë që javëve në vazhdim të qëndroni me LajmeSport.com për më të rejat rreth çështjes Ribery.

/LajmeSport.com

Written by Arnolld Korenica · Filed Under Kampionati Gjerman, Kryesoret | 14 Comments 

Krkic për Riberyn ?

March 9, 2010

Bayern Munich është tejet i interesuar që të transferoj talentin e ri të Barcelonës Bojan Krkicin në një transferim që do të mund ta shihte Ribyern të shkonte në drejtim të kundërt.

Bojan e ka patur të vështirë të gjejë rregullisht pozitën startuese në Barcelonë këtë sezonë, dhe sidomos pas daljes së Pedros në skenë, Krkic nuk është më ndër zgjedhjet e para të Guardiolës.

Sipas Sport, Bojan është lëkundur për tu larguar nga gjigantët katalanas për të gjetur futboll të rregullt tek skuadrat e Ajax, Marseille, Lyon dhe ndoshta edhe Manchester United.

Sidoqoftë spekulohet për një transferim tek gjigantët e Bundesligës Bayern, meqë rast përpos Krikicit Barcelona duhet të vë në tavolinë edhe para shtesë në mënyrë që Ribery të vijë në Barcelonë.

/LajmeSport.com

Written by Arnolld Korenica · Filed Under Kampionati Spanjoll | 22 Comments 

Van Gaal: Lojë Gladiatorësh në vend të penaltive

March 8, 2010

Trajneri i Bayernit, holandezi Louis Van Gaal ka një ide të jashtëzakonshme për një revolucion për të cilin ai thotë se futbolli ka nevojë urgjente.

Van Gaal ka propozuar ndryshimin e disa regullave në futboll, ndër të cilat është dhe heqja komplete e penaltive dhe vendosja e një regulli që quhet loja e Gladiatorëve, por më ekzaktësisht Van Gaal dëshiron:

Largimin e penaltive…

Për penaltitë Van Gaal thotë se është llotari.

“ Unë jam për lojën e gladiatorëve. Nëse ndeshja shkon në vazhdime dy herë nga 15 minuta, çdo pesë minuta largohet nga një lojtar prej secilit ekip. “

“ Pas 95 minuta lojë, luajnë 10 kundër 10, pas 100 minutave luajnë 9 kundër 9. Pas minutës së 115 luajnë vetëm 6 kundër 6. Tani fiton skuadra më e mirë në fushë, dhe jo një lojtar që vendos fatin e ndeshjes.”

“ Nëse rezultati është i barabartë pas 120 minutave, luhen 10 minuta shtesë ku vendos goli i artë.”

Aplikimin e Teknologjisë në futboll…

“ Është me rëndësi, që njeriu më të mos vendos. Teknika është e pavarur dhe objektive. “

Për chipat në topat e futbollit që përdoren Van Gaal shprehet se është çmenduri që FIFA nuk i shfrytëzon.

“ Është çmenduri, që ne nuk i përdorim ata topa.”

Heqjen e rivënies anësore…

“ Ky duhet të jetë fundi për këtë rregull. Është më mirë, pasi që mbrojtjet e ekipeve e shfrytëzojnë për të mënjanuar rastet. Duhet të bëhet rivënia me goditja me këmbë, do të ishte më atraktive.”

Kërkon vendosjen e Dy gjyqtarëve dhe një gjyqtari kompjuterik në vend të asistentëve…

“ Si në basketboll dhe në Hockey na duhen dy gjyqtarë për secilën pjesë dhe të pozicionuar në diagonale. Ata janë direkt me topin dhe shohin qka po ndodh edhe në shpinën e lojtarëve. Ata janë të lidhur me një gjyqtar tjetër që e përcjell ndeshjen në mënyrë kompjuterike. “ tha Van Gaal.

Çfarë mendoni për këto ide të trajnerit të Bayernit, duhet të aplikohen…?

/LajmeSport.com

Written by Arnolld Korenica · Filed Under Futboll, Kampionati Gjerman, Kryesoret | 22 Comments 

Nurnberg rrënon Leverkusenin

March 7, 2010

Nurnberg ja ka treguar vendin skuadrës që deri para pak ditësh ishte e parë në renditje Bayer Leverkusen duke ja bërë futbollin bajat e njëkohësisht duke ja forcuar rrënimin nga pozitat e para dhe poashtu duke i bërë një të mirë Bayernit që dje barazoi.

Nurnberg përkundër se nuk e kishte posedimin e topit, dhe përkundër se të gjitha statistikat ishin kundër tij, arriti që lehtë të mposhtë skuadrën mysafire që vetëm në minutat e fundit ishte solide.

Ishte Choupo Moting që në minutën e 42 me një asistim të Frantz kalon në epërsi vendasit.

Epërsinë e dyfishon po i njëjti që në në fund të pjesës së parë pas një asistimi të Diekmeier arrin të shënoj.

Me të filluar pjesa e dytë Tavares shënon në minutën e 55 me asistimin e Risse për 3-0.

Të gjithë mendonin se ndeshja përfundoi por nuk ishte ashtu.

Stefan Kiesling shënon për 3-1 në minutën e 66 pas asistimit të Gonzalo Castros.

Patrick Helmes zvogëloi në minutën e 73 për 3-2 dhe detyroi skuadrën e tij të bëj presion, por që nuk u tregua i frytshëm.

Gjendja në Bundesligën Gjermane:

1. Bayern Munchen 53 pikë
2. Schalke 51 pikë
3. Leverkusen 50 pikë
4. Hamburg 43 pikë
5. Dortmund 42 pikë
6. Bremen 39 pikë
7. Stuttgart 35 pikë.

/LajmeSport.com

Written by Arnolld Korenica · Filed Under Kampionati Gjerman, Kryesoret | 1 Comment 

Köln ndal Bayernin

March 6, 2010

Köln ka arritur të nxjerrë një barazim të artë në shtëpi ndaj Bayernit që deri sot po shkelte çdo gjë. Tani Bayerni është më pranë se kurrë rrëzimit nga pozita e parë.

Bayerni ishte skuadra më e mirë gjatë gjithë takimit por mungonte konkretizimi.

Në fakt ishin vendasit që kaluan në epërsi me anë të golit të super sulmuesit Lukas Podolski që shënon ndaj ish skuadrës së tij për 1-0.

Është Shweinsteiger ai që në minutën e 58 të fraksionit të dytë barazon rezultatin me asistimin e Thomas Muller.

Bayerni ende mbetet në pozitën e parë me tri pikë më shumë se Leverkuseni, që nesër zhvillon takimin ndaj Nurnbergut në transfertë.

/LajmeSport.com

Written by Arnolld Korenica · Filed Under Kampionati Gjerman, Kryesoret | 4 Comments 

Editorial: Garat për tituj në Ligat Europiane

March 4, 2010

Me Premier Ligën, Serien A, La Ligën, Bundesligën dhe Ligue 1 në përfundim e sipër, LajmeSport.com analizon gjasat e skuadrave për të fituar titujt në ligat përkatëse, dhe zgjedh nga një favorit për kampionatin e caktuar.

Kampionatet po hyjnë në fazën më inkandeshente të mundshme, është faza e fundit ajo që përcakton fituesit e titujve, dhe në asnjë kampionat të lartpërmendur nuk është vendosur fituesi para kohe, madje madje, gara është me hapur se kurrë në secilin prej kampionateve veq e veq.

Premier Liga

Kandidatët për titull:

1. Chelsea
2. Manchester United
3. Arsenal

Manchester United është favoriti për titull në Premier Ligë, i zgjedhur nga staffi ynë. Jo rastësishtë është bërë kjo zgjedhje, pasi që United kohëve të fundit nuk po njeh kundërshtar, dhe duke parë formën, pozitën, skuadrën, dhe kalendarin në veçanti, United është favoriti numër një. Së shpejti United do të pres Chelsean në Old Trafford, impiant në të cilin United vështirë humb, dhe në të cilin pritet të vendoset titulli

Kur jemi te Chelsea, mbrojtja e Chelseat kohëve të fundit nuk u tregua aspak stabile, sidomos pas takimit ndaj Interit në Ligën e Kampionëve. Skuadra e Ancelottit është në pozitën e parë, por situata pritet të ndryshoj pas udhëtimit të Chelseat në Old Trafford, dhe takimeve tjera të vështira.

Arsenali nuk është outsider total . Arsenali nëse di ta shfrytëzoj kalendarin dhe lëshimin e pikëve nga skuadrat e lartpërmendura, shumë lehtë mund të shpallet kampion, pse jo.

Serie A

Kandidatët për titull:

1. Inter
2. Milan

Interi është favoriti jonë për të fituar Scudetton e pestë me radhë. Nerazzurët janë në rrugë shumë të mirë për ta bërë këtë, sidomos pas ndeshjeve të fundit kur u tregua formë e lartë në mbrojtje dhe në sulm. Interi është një kalibër më i lartë se Milani, dhe dy kalibra më i lartë se Roma, që për ne nuk është as pretendent matematikor për titullin.

Milani mund të jetë befasia e këtij kampionati. Milani duhetë të fitojë disa ndeshje të rëndësishme sikurse që është ajo me Romën, dhe Juventusin, dhe të shpresoj që Interi të humbas në raport me këto dy të fundit, gjë që teorikisht është e pamundur. Skuadra e Milanit nuk krahasohet me atë të Interit, dhe rosonerët ende nuk janë pjekur për të fituar Scudetton, sidomos pas derbit turpërues të 24 Janarit.

La Liga

Kandidatët për titull:

1. Real Madrid
2. Barcelona

Ah sa polemika pritet të zgjoj ky pohim i joni. Real Madridi, shikojeni nga cilido kënd që dëshironi, është favorit për titull, dhe jo kot është zgjedhur nga ne si i tillë.

Real Madridi po kalon formë fenomenale në 7 ndeshjet e fundit, dhe pasi që shënoi 15 gola në tre ndeshje, Reali ka filluar ose më mirë thënë është tmerri numër një i çdo skuadre në Europë. Marrë parasysh se Reali do të pres në Bernabeu Sevillën, e më pas do të tentoj ti hakmirret Barcelonën pikërisht në Bernabeu, Reali ka gjasa reale për të triumfuar në Maj, përkundër dy pikëve dizavantazh në raport me Barcelonën.

Kthehemi te Barcelona. Barcelona në njërën nga editorialet ishte përshkruar si skuadër që ka filluar të humbas shkëlqimin, dhe kjo është absolutisht e vërtetë. Shumë mund të mendojnë se ne jemi tifozë të Realit, por ky nuk është fakt, pasi që ndeshja me Malagën vërtetoi se pas El Classicos të zhvilluar në Camp Nou, e që e fitoi Barcelona, Barcelona njëkohësishtë humbi shumë, pasi që Manuell Pellegrini i mësoi skuadrat e vogla se si ta ndalin Barcelonën. Sidoqoftë, nëse Barcelona mposht Realin, përsëri nuk garantohet titulli. Mos të harrojmë se Barcelona do të duhet të udhëtoj në dy terrenet tradicionalisht të vështira, El Madrigal dhe Ramon Sanchez Pizjuan në javën e fundit, për tu takuar me Villarealin respektivisht Sevillën.

Ligue 1

Kandidatët për titull:

1. Bordeaux
2. Lyon
3. Montepellier
4. Marseille
5. Lille

Siç e shihni më lartë Franca është vendi ku do të luftohet vërtetë me të gjitha armët për titull. Kalendari është i ngjeshur, dhe skuadrat mes veti nga lideri Bordeaux deri te Lille i ndajnë 4 pikë.

Sidoqoftë, Bordeaux është top favorit për titull pasi që ka dy ndeshje më pak të zhvilluara dhe ka traditën, skuadrën, formën dhe gjithçka për të fituar, si në rang vendor ashtu dhe ndërkombëtar.
Montpellier është befasia e këtij kampionati por sipas analistëve kjo skuadër do të bie nga piedestali pasi që Lyon dhe Marseille po vijnë nga seritë prej 5 fitoreve radhazi.

BundesLiga

Kandidatët për titull:

1. Bayern Munchen
2. Bayer Leverkusen

Bayern Munchen menzi riktheu pozitën e parë pas disa muajsh në pozitën e dytë. Pas një serie prej 11 fitoresh që ende vazhdon, Bayerni konsiderohet si i paprekshëm në Gjermani, dhe prandaj i ka të gjitha predispozitat për të fituar titullin e 32 në histori të klubit.

Bayer Leverkusen pas luftës së ashpër, më në fund lëshoi fronin. Sidoqoftë, Leverkusen ende është pranë Bayernit dhe nëse eventualisht ndodhë që Bayern të lëshojë pikë, e që është vështirë e mundur, Leverkusen do të kërcej dhe do të spastroj situatën.

Arnolld Korenica, LajmeSport.com

Written by Arnolld Korenica · Filed Under Analiza Sportive, Kryesoret | 61 Comments 

Bayern lider i BundesLigës

February 28, 2010

Bayern Munchen pas një kohe të gjatë ka arritur të rikthejë pozitën e parë në BundesLigë pas fitores së madhe por minimale ndaj Hamburgut me rezultat 1-0.

Ndeshja ishte e barabartë në të dyja intervalet por Bayerni në fund doli triumfues.

Një gol i Franck Riberys vendosi gjithçka në minutën e 78, për të kaluar Bayernin në pozitën e parë të BundesLigës.

Bayern, siç e kemi përmendur më lartë, është në pozitën e parë me 52 pikë, me dy më shumë se Leverkusen dhe 12 pikë më shumë se Hamburgu që është në pozitën e katërt me 40 pikë.

/LajmeSport.com

Written by Arnolld Korenica · Filed Under Kampionati Gjerman, Kryesoret | 7 Comments 

Derbi i takon Schalkes

February 26, 2010

Derbi i Westfalisë ndërmjet Dortmundit dhe Schalkes i takoi vendasve që në Gelsenkirchen mposhtën 2-1 mysafirët e Dortmund.

Atmosfera në Veltins Arena ishte e flaktë. Dy tifozeritë më të flakta në botë janë takuar në derbin e tyre të përvitshëm.

Pas një pjese të parë tejet të ngurtë, e dyta ishte e jashtëzakonshme.

Sahin në minutën e 47 kalon në epërsi Dortmundin, gol që ndezi dhe lojën.

Hovedes në minutën e 66 barazoi rezultatin në 1-1.

Dilemën e takimit dhe impaktin në Veltins Arena e bën talenti kroat Ivan Rakitiç që në minutën e 83 shënon golin e fitores për të kaltrit e GelsenKirchen.

Schalke tani është në pozitën e tretë me 45 pikë, kurse Dortmund mbetet në pozitën e pestë me 39 të tilla.

/LajmeSport.com

Written by Arnolld Korenica · Filed Under Kampionati Gjerman, Kryesoret | Leave a Comment 

Bayern vazhdon së fituari

February 13, 2010

Bayern Munchen nuk ka të ndalur. Viktima e radhës ishte Borussia Dortmund që u mposht në duelin e javës në Bundesligë me rezultat 3-1.

Dortmund filloi mirë takimin, por në fraksionin e dytë pësoi fiasko.

Mohammed Zidan në minutën e 5 shënoi për 1-0 nga një pozitë tejet e vështirë pasi kali Van Buytenin.

Pas 21 minutash lojë, Van Bommel u tregua i pamëshirshëm për 1-1.

Në pjesën e dytë Bayerni u tregua energjik dhe fatal për mysafirët.

Arjen Robben vazhdon me shkëlqimet e tij, pasi që shënoi në minutën e 50 për 2-1.

Super sulmuesi gjerman Mario Gomez përfundoi dilemën e takimit kur shënon për 3-1.

Bayern Munchen ka pikë të njëjta me Leverkusenin në tabelë, dhe të dyja skuadrat janë në pozitën e parë me nga 48 pikë.

/LajmeSport.com

Written by Arnolld Korenica · Filed Under Kampionati Gjerman, Kryesoret | 6 Comments 

Nistelrooy shënon dy gola në fitoren e Hamburgut

February 13, 2010

Ruud Van Nistelrooy ka shënuar dy golësh në fitoren e madhe të Hamburgut në transfertë ndaj Stuttgartit.

Markus Berg kaloi mysafirët të parët në epërsi pas 23 minutash lojë.

Ishte Trasch ai që barazoi në fraksionin e dytë të takimit.

Dhe papritmas del në skenë i shkatëruari i Real Madridit. Ruud Van Nistelrooy shënon dy herë brenda dy minutave (75-77) duke i detyruar vendasit të nënshkruajnë kapitulimin.

Leverkusen nga ana tjetër po vazhdon me shkeljet, radhën kësaj here e kishte kampioni aktual gjerman.

Leverkusen mbetet në pozitën e parë para Bayernit me tri pikë, para se bavarezët të zhvillojnë derbin e kësaj xhiroje me Borussia Dortmundin në Allianz Arena. Hamburg mbetet ende në garën për titull ashtu si Schalke.

/LajmeSport.com

Written by Arnolld Korenica · Filed Under Kampionati Gjerman | 3 Comments 

Next Page »