Ancelotti: Italia mbështet Chelsean
February 23, 2010
Carlo Ancelotti edhe zyrtarisht i është bashkuar koalicionit Anti-Inter, pas sulmit të radhës që ky i fundit ja bëri Jose Mourinhos, kur tha se Italia do të gëzohet më shumë nëse Chelsea eliminon Interin.
Zhvillimet e fundit në futbollin Italian kanë krijuar një gjendje alarmante nëpër media. Është formuar edhe virtualisht koalicioni Anti-Inter në krye me presidentin e Napolit De Laurentiis që pasohet nga Roberto Bettega i Juventusit, dhe të gjithë presidentët dhe trajnerët tjerë të Series A pa përjashtim. Mourinho thumboi kundërshtarët të shtunën me disa veprime kontraverse, dhe për këtë arsye Ancelotti ka vendosur ti bashkohet koalicionit Anti-Inter.
“ Të gjithë në Itali, përpos tifozëve të Interit, do të mbështesin Chelsean.”
“ Është e vërtetë që Chelsea nuk ka fituar asgjë pas largimit të Mourinhos, edhe pse Avram Grant arriti deri në finale, gjë që nuk e bëri Mourinho.”
“ Mourinho është i mirë në ndezjen e atmosferës dhe moralit në ekip, por kjo është fushë e cila nuk më ka pëlqyer kurrë.” Përfundoi Ancelotti.
Qëndroni me ne për deklaratat e para nga vendi i ngjarjes respektivisht nga San Siro, ku do të zhvillohen konferencat për shtyp për ndeshjen e nesërme Inter – Chelsea…
Vërejtje: Komentet me përmbajtje fyese me tendenca racore, ekipore ose të kombësisë, do të fshihen dhe komentusit nuk do të kenë të drejtë të komentojnë më…
/LajmeSport.com
Ancelotti: Gara për titull e hapur
February 21, 2010
Carlo Ancelotti insiston se gara për titull është më e hapur se kurrë përkundër ikjes së vogël në pikë të Chelseat dje, ndaj rivalëve, pas humbjes së Manchester United nga Everton.
“ Kur hyjmë në këso lloj ndeshjesh të vogla, ne e dijmë se kemi rastin të përmirësohemi në tabelë, pas atij rezultati të arritur nga Manchester United.”
“ Lojtarët e dinin se United ka humbur, dhe ne e shfrytëzuam situatën.”
“ Ne nuk luajtëm shumë mirë, por treguam shpirt të mirë, luftuam për secilin top dhe i merituam pikët.”
“ Por kanë mbetur edhe shumë ndeshje deri në fund të sezonit, dhe asgjë nuk vendoset në këtë moment. Ka ende pikë për të cilat duhet luajtur.”
Chelsea do ti mas forcat të mërkurën me Interin e Jose Mourinhos, në San Siro, në një duel që ka filluar të përshkruhet nga tensione të mëdha, pas deklaratës së Mourinhos që tha se Interi mund të mposhtet vetëm kur është me gjashtë lojtarë.
/LajmeSport.com
Ancelotti lavdëron formën e Drogbas
February 20, 2010
Carlo Ancelotti ka lavdëruar sulmuesin e tij Didier Drogba.
Menaxheri i Chelseat Carlo Ancelotti ka lavdëruar formën e Didier Drogbas pas fitores kundër Wolverhampton Wanderers.
“Ne jemi shume të gëzuar, sepse ajo ishte një ndeshje shumë e rëndësishme pas humbjes së United kundër Evertonit. “
“Ne e kemi përforcuar kreun në tabelën e klasifikimit. “
Carlo Ancelotti e ka lavdëruar Didier Drogban jo vetëm pse shënon gola por ai i jep kurajo ekipit.
“Ai është shumë i rëndësishëm për ne, jo vetëm pse shënon gola, por ai është edhe nje organizator i mirë. “
/lajmesport.com
Ancelotti: Chelsea nuk do të fitoj CL
February 16, 2010
Trajneri i Chelseat Carlo Ancelotti ka deklaruar se trifumfi në Ligën e Kampionëve po bëhet gjithnjë e më i vështirë për shkak se skuadrat tjera janë përforcuar.
“ Ne jemi në fazën e Ligës së Kampionëve që të jep adrenalinë. Liga e Kampionëve më herët ishte më e lehtë për tu fituar, sot është pothuajse e pamundur.”
“ Mourinho pati të drejtë kur tha se ajo është garë e detajeve. Gjithçka varet nga fati.’
“ Por, ne do të hyjmë me ekipe të barabarta ndaj Interit, ashtu si në derbit della Madoninna më herët.”
Ancelotti pajtohet me Mourinhon kur ky i fundit tha se Chelsea është ende i tij.
“ Ai ka të drejtë kur thotë se Chelsea është ende i tij pasi që shumicën e lojtarëve i ka sjellur ai.”
“ Nuk mendoj se beteja do të jetë mes meje dhe Mourinhos, por mes lojtarëve.” Ka thënë Ancelotti.
/LajmeSport.com
Ancelotti: Terry është kapiteni ideal
February 12, 2010
Shiriti i kapitenit do të qëndroj për një kohë të gjatë në krahun e John Terryt pasi që është trajneri Carlo Ancelotti që nuk reflekton në pohimet e Fabio Capellos.
Terryt i është hequr shiriti i kapitenit në kombëtaren angleze, por e njëjta gjë nuk do të ndodhë pasi që Ancelottit nuk i intereson jeta private e tij.
“ Terry ka aftësinë që ti lë gjërat e tij jashtë qendrës stërvitore të Chelseat.”
“ Është një situatë e cila është tejkaluar dhe tani gjithçka është qetësuar.”
“ Ka patur shumë zhurmë nëpër media për këtë, por kjo nuk na brengosi.”
“ Nuk kam patur nevojë të flas me Terryn pasi që ato janë problemet e tij, dhe kjo nuk ka ndikim në profesionizëm.”
“ Terry është lider i cilësisë më të lartë dhe kështu, këto gjëra nuk janë probleme që më përkasin mua.”
“ Ai është kapiteni ideal për këtë ekip. Ai u rrit këtu dhe ka një histori këtu, dhe ai është duke bërë mirë.”
“ Kurrë nuk e kam menduar se ai do të largohet nga Chelsea.”
“ Sa për Capellon, ai i shikon gjërat nga një këndvështrim tjetër e që është kombëtarja angleze, e që natyrisht nuk është pikëvështrim i Chelseat.” Përfundoi Ancelotti.
/LajmeSport.com
CL Debat: Mourinho vs Ancelotti – Kush është më i mirë?
February 12, 2010
LajmeSport.com ju sjell një debat të radhës, njërin prej më intriguesve të kohës, atë të dy gjigandëve të futbollit, Jose Mourinhos dhe Ancelottit, në interakcion me ju, lexues të nderuar.
Nëse ju kujtohet, disa ditë para shortit, unë së bashku me staffin kishim shkruar nëpër disa artikuj se është shumë e mundshme që Interi të takohet me Chelsean, gjë që dhe ndodhi.
Interesante pritet të jetë përballja mes dy skuadrave më kontraverse ndaj njëri tjetrit, për shumë arsyje. Përveç se kemi të bëjmë me nderin e shtetit, ka dhe shumë arsyje tjera pse ky duel quhet nëna e të gjitha dueleve. Ndoshta është dueli më i fortë i sezonit, për vetë faktin që Mourinho do të ketë të bëj me ish klubin e tij, dhe me faktin se Ancelotti do të rikthehet në San Siro.
Mirë, të flasim më shumë për aktualitet dhe se kush ka më shumë gjasa për të triumfuar, e sidomos rëndësi do të ketë në këtë trajtim edhe karakteri i dy strategëve.
Interi ka rritur dukshëm gjasat për tu kualifikuar më tej. PSE? Shumë mund të thonë, së paku nga disa komente që kanë ardhur në adresën time, se Interi nuk ka traditë për Ligën e Kampionëve.
Duhet të sqarohet një gjë. Tradita, luan pak rol në Ligën e Kampionëve. Interi nuk ka arritur të triumfoj në garën më të madhe për shkak se kishte në skuadër një Ibrahimovic. Kur ishte Ibra te Inter, nuk kishte lidhshmëri të mesfushës me sulmin, e poashtu dhe me mbrojtjen. Këtu qëndron esenca, jo te tradita.
Mourinho i ka dhënë një premtim Morattit dhe duket se ai do të shfrytëzoj metoda të njëjta. Interin e ka shëndruar në Chelsean e tij, kurse Chelsea i tij luan ndaj Interit që e ka sot. Praktikisht ndeshen dy super fuqi të barabarta.
Mourinho ka vendosur që njëherë dhe përgjithmonë të mos përdor metodën e Mancinit. Lucio po e kryen rolin e Carvalhos te Chelesea, është duke lëvruar nëpër mesfushë për të sulmuar në sulm. Ndoshta Mou nuk e ka Lampardin apo Ballackun, por ai ka një Zanetti, dhe një Cambiasso që sot lënë shumë pak hapësira për të depërtuar në mbrojtjen e përqëndruar të Interit. Rasti më ideal, ndeshja ndaj Milanit.
Nga ana tjetër Ancelotti njihet në Europë si njeriu i Ligës së Kampionëve. Ancelotti dërgoi tri herë në finale Milanin, duke dështuar një herë, në atë finale historike ndaj Liverpoolit në penalti.
Ancelotti është adaptuar mirë nga Serie A në Premier Ligë. Nëse krahasoni Chelsean para ardhjes së Ancelottit, që ishte një fundërrinë, ose më mirë thënë shtëpi pa zot shtëpie, me Chelsean që është sot, dallimi është shumë shumë i madh.
Qetësia e Ancelottit mund të jetë faktor i madh për epilogun e kësaj supersfide.
Mourinho në Chelsea krijoi një ekip të cilin e trashëgoi nga Claudio Ranieri, pra, Terry dhe Lampard janë nga koha e Ranierit. Mourinho kishte në dispozicion të gjitha fondet e Abramovich, madje duke hedhur para me transferimin 21 milion funta të Shaun Ëright Phillips, që ishte dështim.
Ancelotti nga ana tjetër në Milan krijoi super lojtarë, si Andrey Shevchenko legjendar, dhe Paolo Maldini që s’harrohet lehtë.
Duhet të merret parasysh dhe mardhënia e strategëve me lojtarët. Mourinho nuk ka mërdhënie të mira me Balotellin vetëm për shkak se ky i fundit reagoi si adoleshent ndaj strategut portugez.
Ancelotti është shumë më i qetë. Vetë mënyra se si e trajtoi seks skandalin e Terryt flet më shumë se unë.
Mourinho preferon të luaj (që pas ndeshjes me Milanin) një taktikë defanzivo-ofanzive e përqëndruar me kundërsulme të shpejta dhe mbrojtje të çeliktë. Me formacionin 4-3-1-2 Mourinhos i garantohet interakcioni i mjaftuar mes Sneijderit dhe dy sulmuesve që do të jenë.
Ancelotti ka problemin te sulmi. Drogba është sulmuesi i vetëm i gatshëm, por Drogba ka shpinën plot me mesfushorë të klasit botëror. Me një formacion 4-5-1 në të cilin integrohen pesë mesfushorë, Drogbës i garantohet liri në sulm, dhe shfaqje të klasit të lojtarit që është. Mjafton të analizoni dy ndeshjet e fundit ndaj Arsenalit, kur shkëlqeu. Ancelotti duhet të ketë kujdes dhe për mbrojtjen, pasi që ndërprerjet janë arma më e fortë e Interit, kurse te blutë kjo është pika e dobët.
Një gjë dihet, Mourinho ndoshta mund të ketë më shumë tituj në vitrinë se Ancelotti, por kurrë nuk mund të ketë qetësinë e tij. Retorika e Mourinhos në press konferenca nuk do të ketë rëndësi në fushë, në një betejë historike, që pritet të fillojë në tempullin më të zjarrtë të futbollit europian, San Siro.
Lexues të nderuar, kërkojmë mendimin tuaj. Kush është trajneri më i mirë, Ancelotti apo Mourinho? Shprehuni në hapësirën për komente…
Vërejtje: Nuk pranohen komentet fyese dhe me qëllim reklamimi…
Arnolld Korenica, LajmeSport.com
Ancelotti: Do ta mposhti Mourinhon
February 9, 2010
Carlo Ancelotti edhe zyrtarisht hap luftën e fjalëve me Jose Mourinhon, duke thënë tani se Chelsea do ta mposht Interin.
Ancelotti menzi pret të hesht Mourinhon, i cili kohë më parë deklaroi se “ Natyrisht se Interi do ta mposht Chelsean.”
Kurse Ancelotti kundërpërgjigjet:
“ Interi nuk ka mundur të gjej kundërshtar më të vështirë. Nuk do të jetë Ancelotti vs Mourinho, por do të jetë ndeshje shumë më e vështirë.”
“ As ne nuk kemi mundur të gjejmë kundërshtar më të vështirë, por ne kemi gjithqka: Trupin, kualitetin, ne mund të fitojmë në shumë mënyra.”
“ Premier Liga është më e vështirë në krahasim me Serien A.”
“ Pasues i Lipit? Unë nuk do të bëhem trajner i Italisë pasi që kam kontratë me Chelsean. Unë do të bëhem trajner i Italisë në vitin 2030 kur do ta fitoj prap titullin e botërorit.”
“ Unë i kam studiuar statistikat. Ne e fitojmë atë çdo 24 vite. Çdo 12 vite ne arrijmë në finale dhe humbasim, kështu që do t’ia lë këtë dikujt tjetër.” Përfundoi Ancelotti.
Interi pret Chelsean në Meazza pas dy javësh.
/LajmeSport.com
Ancelotti: Të gjithë jemi me Terryn
February 6, 2010
Menaxheri i Chelseat Carlo Ancelotti ka deklaruar se të gjithë në Stamford Bridge e përkrahin John Terryn përkundër pohimeve të fundit rreth jetës së tij private.
John Terry dje është shkarkuar nga detyra si kapiten i Anglisë, dhe Rio Ferdinand po përgatitet për detyrën e re.
“ John Terry flet me bashkëlojtarët pasi që ai ka qenë është dhe do të mbetet kapiten i këtij ekipi.”
“ Ai fokusohet në punën e tij. Ai po bën më mirë dita ditës, çdo moment. Ai është kapiteni i këtij ekipi kështu që, me sjelljen e tij, ai po bën më të mirën për këtë ekip.”
“ Nuk më intereson jeta private e lojtarëve.”
“ Në të kaluarën disa trajnerë thërrisnin lojtarët për ti kontrolluar, por unë nuk e kam bërë kurrë një gjë të till në karrierën time.” Theksoi Carlito.
Terry do të drejtoj Chelsean të dielën në BlockBusterin e kësaj jave ndaj Arsenalit në Stamford Bridge.
/LajmeSport.com
Ancelotti: Terry mund të ketë pushim
February 3, 2010
Menaxheri i Chelseat Carlo Ancelotti po tregohet solidar me kapitenin e skuadrës së tij John Terry, i cili është përfshirë në një seks skandal të tmerrshëm.
Titujt kryesor të gazetave britanike kishin të bëjnë me skandalin e Terryt, të cilat pohonin se Terry kishte patur një aferë me të dashurën e Wayne Bridge.
“ Kjo është punë e imja dhe e Terryt juve ska çfarë të ju interesoj.” Theksoi para mediave.
“ Për Terryn asgjë ska ndryshuar. Ai nuk është ndoshta në gjendjen më të mirë mentale, dhe nëse dëshiron mund ti jap pushim, por po shoh se ai nuk është ndikuar.”
“ Atmosfera në ekip është e njëjtë. Ska ndryshim.”
“ Asgjë smund të prish disponimin e Chelseat në këtë sezon.”
“ Mendoj se Chelsea po koncentrohet për secilin takim.”
“ Shpeshherë luajmë futboll të mirë dhe shpeshherë jo, por jemi gjithnjë të koncentruar.” Përfundoi Ancelotti.
/LajmeSport.com
Pato në planet e Ancelottit
February 3, 2010
E ardhmja e Patos te Milani mund të vihet në pikëpyetje pasi që Chelsea është duke planifikuar një transferim veror të super yllit brazilian, njofton Sportmediaset.it.
Nuk është e fshehtë që Ancelotti adhuron Paton pas zhvillimit të talentit të tij në Itali. Chelsea është lidhur me Paton rregullisht, dhe blutë janë gati që të bëjnë lëvizjet e duhura.
Një marveshje e lehtë dhe e shpejtë nuk është e mundshme, por duke shikuar dëshirën e Milanit për të transferuar Edin Dzekon, Leonardos i duhen para të cilat mund ti fitoj nga shitja e Patos.
Për më shumë, Milani po kalon nëpër një situatë të vështirë financiare, dhe për këtë arsye spekulohet një operacion i ngjashëm si me atë të Kaka-s që u largua në Real Madrid për hiq më pak se 65 milion euro.
/LajmeSport.com
Lajmet e Fundit
- Përcaktoni fituesin e duelit Slloveni – Angli
- Capello: Nuk jam i çmendur, Anglia mund të fitoj KB
- Mexes refuzon rinovimin e kontratës
- Juventus transferon Marco Storarin
- Argjentina vazhdon aventurën
- Përfundon Botërori për Francën
- Uruguaji dhe Meksika vazhdojnë më tej
- Militos i rritet paga, pengohet largimi i Burdissos
- KB 2010- Revolucion Francez
- Zambrotta: Të eliminohemi – E pamenduar për Italinë
Kategoritë
- Analiza Sportive
- Basketboll
- Boks
- Champions League
- Europa League
- Formula 1
- Futboll
- Kampionati Anglez
- Kampionati Botëror 2010
- Kampionati Francez
- Kampionati Gjerman
- Kampionati Italian
- Kampionati Spanjoll
- Klasifikime
- Komente Live
- Kryesoret
- Parashikime Sportive
- Sporte Të Tjerë
- Sporti Shqiptar
- Tenis
- Video Galeri
