Përfundoi me rrjeta të paprekura sfida e parë gjysmëfinale e e Kupës së Shqipërisë mes Laçit e Kukësit, rezultat që lë gjithçka të hapur në takimin e kthimit që do të zhvillohet në “Zeqir Ymeri”.

Të dyja skuadrat u treguan shumë të kujdesshme për të mos pësuar gol, me lojën që u përqendrua përgjithësisht në mesfushë, ku pati dyluftime të ashpra, që e detyruan kryesorin të nxirrte disa kartonë të verdhë. Nuk munguan edhe hedhjet e mjeteve ndezëse nga tifozët vendas, që ishin të shumtë nga shkallët e stadiumit.

Gjatë pjesës së parë rastet ishte sporadike dhe pa shumë rrezikshmëri, ndërsa në fraksionit e dytë portieri i Laçit Vata reagoi mrekullisht pas goditjes me kokë të Gurit.

Kukësi arriti ta dërgonte topin në rrjetë në minutën e 73-të, por për kryesorin Koçi kishte ndërhyrje të parregullt në sulm. Pak minuta më vonë ishte Koliçi që reagoi në pozicion, duke ruajtur të paprekur portën e Kukësit. Përtej përpjekjeve të të dyja skuadrave, kjo ndeshje përfundoi 0-0, rezultat që në pamje të parë mund të favorizojë Kukësit, por një gol i Laçit në fushën kundërshtare mund të marrë vlerë të dyfishtë.

LEAVE A REPLY

Please enter your comment!
Please enter your name here