Të shënosh nuk është një mision i thjeshtë, edhe pse lojtarët e kalibrit na e bëjnë të duket farë e lehtë. Por 13 gola në 10 ndeshje janë të vështirë për t’u shënuar, gjithsesi kjo ka ndodhur. Seria A duket se i kishte portat të blinduara këtë fundjavë, ku nga 10 ndeshje 5 prej tyre kanë përfunduar në rezultatin e bardhë 0-0, statistikë që nuk ishte shënuar që nga koha kur në fuqi hynë tri pikët për fitore.

Java e 32-të e Serisë A na konfirmon faktin e portave të blinduara, duke hyrë në historinë e këtij kampionati si dita më negative me 13 gola të shënuar gjithsej.  13 gola në një kampionat me 20 skuadra pjesëmarrëse është një statistikë që ka ndodhur edhe më parë në sezonin 2010-2011, por në javën e nëntë të kampionatit.

Nga të 13 rrjetat e realizuara, 4 prej tyre u shënuan në barazimin 2-2 mes Sassuolos e Beneventos, 3 të tjerë nga Juventusi ndaj Sampdorias , 2 nga Bolongna ndaj Veronës, 3 në takimin që përfundoi në shifrat 2-1 mes Cagliarit dhe Udineses dhe 1 tjetër në sfidën Genoa-Crotone. Gjithsesi, jo vetëm që është shënuar, pak por në 5 takime nga 10 nuk është shënuar fare. Në këtë mënyrë kjo fundjavë do të hyjë në historinë e Serisë A.

LEAVE A REPLY

Please enter your comment!
Please enter your name here