Duka fiton mandatin e tretë në FSHF

March 9, 2010

Kreu i Federatës Shqiptare të Futbollit, Armand Duka, rizgjidhet për të tretën herë në këtë detyrë pas votimit të kryer të martën në Asamblenë e FSHF-së.

Me 49 vota pro, Duka rikonfirmohet në krye të Federatës, ndërsa ka premtuar se do të kryejë me përgjegjshmëri detyrat që i dalin përpara.

“Dua të falënderoj Asamblenë, dua të falënderoj konkurrentet që ishin në garë me mua dhe premtoj se do të marr parasysh të gjitha ato vërejtje që dolën në punimet e sotme”, u shpreh Duka për SuperSport.

15 vota të anëtarëve shkuan për kandidatin tjetër Refik Halili dhe vetëm një votë ishte për ish-futbollistin e kombëtares, Rudi Vata.

Sidoqoftë, se ku do të arrij futbolli shqiptar, atë ne nuk e dijmë, por e dini ju ! Shpreheni mendimin tuaj më poshtë…

/LajmeSport.com/TCH

Written by Arnolld Korenica · Filed Under Sporti Shqiptar | 6 Comments 

Shqipëria mposht Irlandën e Veriut (VIDEO)

March 3, 2010

Shqipëria u tregua mjaft stabile në duel me Irlandën e zhvilluar, në sfidën që i takoi këto dy përfaqësuese në Qemal Stafa, sfidë që përfundoi me fitoren tonë.

Shqipëria ishte oustsidere totale në këtë takim por përkundër jofavorizimeve nga bastoret e mëdha ndërkombëtare, Shqipëria u tregua mollë sherri, duke e mposhtur Irlandën, në fraksionin e parë.

Ishte Ervin Skela ai që në minutën e 26 finalizon për golin e parë dhe të fundit në këtë takim për Shqipërinë nga gjuajtja e lirë. Shqiptarët kishin shumë raste tjera por, nuk i shfrytëzuan gjë që konsiston në pikën e dobët aktuale të selekcionit tonë.

Duhet të përmendet mos paraqitja e Lorik Canës që u la në pankinë për shkak të lëndimit.

Ky takim la përsëri hije të keqe për shkak të terrenit katastrofal në Qemal Stafa, i përkufizuar sot paradite nga trajneri i Irlandës së Veriut si “ Nëse hyni në këtë terren, deri në gju do të jenë nëntokë.”.

Sidoqoftë, ky takim nis mbarë Shqipërinë në vitin 2010, që për ne do të jetë vit i zakonshëm pasi që Shqipëria nuk do të marr pjesë në kampionatin botëror Afrika e Jugut 2010.

/LajmeSport.com

Written by Arnolld Korenica · Filed Under Kryesoret, Sporti Shqiptar | 13 Comments 

KF Rahoveci në fazën e fundit të përgatitjeve

February 26, 2010

KF Rahoveci është duke zhvilluar përgaditjet e fundit ashtu si skuadrat tjera para fillimit të pjesës së dytë të sezonit në Ligën e Parë, e që natyrisht është tejet kruciale pasi që në luftë për të hyrë në elitën e futbollit kosovar janë 6-7 skuadra.

LajmeSport.com bëri një vizitë të vogël në qendrën stërvitore të KF Rahovecit dhe ajo çfarë pamë ishte impresionuese.

KF Rahoveci zhvillon stërvitjet intenzivisht nga dy herë në ditë, në mënyrë që klubi të jetë në formë sa më të lartë fizike kur të filloj pjesa pranverore e sezonit në Ligën e Parë.

Rahoveci aktualisht është në pozitën e pestë, por është vetëm tri pikë larg pozitës që dërgon në Play Off.
Lider në Ligën e Parë është Ballkani, që gjithashtu po përgatitet në mënyrë maksimale për të mbrojtur pozitën e parë.

Kapiteni legjendar i KF Rahovecit Fadil Vuçitërna ka besim të madh se skuadra e tij se do të mund të hyjë në superligë, pasi që në pjesën pranverore Rahoveci do të pres liderët e Ligës së Parë, veçanërisht kur kemi të bëjmë me Ballkanin, dhe nëse merret parasysh terreni vendas, në stadiumin modern të qytetit të Rahovecit dhe tifozëve të flaktë ‘’Vreshtarët” është shumë e mundshme që KF Rahoveci sezonin e ardhshëm të garoj në SuperLigë, gjithnjë këto pohime të kapitenit legjendar.

Përforcimet e skuadrës KF Rahoveci si të skuadrave tjera nuk munguan. KF Rahoveci dimrin e shfrytëzoi mjaft mirë, duke sjellur katër përforcime. Klubi riktheu Agim Hotin dhe Gazmend Hamzën, plus përforcoi radhët me dy talentë të Lirisë dhe një të Flamurtarit që do të prezantohen të hënën, pohojnë burime konfidenciale.

Sidoqoftë, pjesa tjetër e sezonit në Ligën e Parë do të jetë tejet e nxehtë, pasi që duelet janë tejet inkandeshente dhe me impenjim të madh në jetën sportive në Kosovë.

Për këtë arsye, LajmeSport.com me fillimin e sezonit të ri do të filloj të përcjell nga pranë ngjarjet në mënyrë ekskluzive në Ligën e Parë dhe Superligën e Kosovës…

/LajmeSport.com

Stadiumi i KF Rahovecit


Written by Arnolld Korenica · Filed Under Sporti Shqiptar | 21 Comments 

Sotir Nini eliminon Romën, Liverpool më tej

February 25, 2010

Roma është eliminuar nga gara e dytë më e madhe europiane në futboll Europa League. Nuk është skuadër angleze, e as spanjolle, por është skuadra tejet e fortë greke Panathinaikos që i ka mbajtur leksion romakëve.

John Arnee Riise kaloi romakët në epërsi në minutën e 11.

Pesë minutat e fundit të pjesës së parë ishin fatale për Romën. Grekët shfrytëzuan mos koncentrimin dhe shënuan tre herë brenda pesë minutave me anë të Djibril Cisse dy herë, dhe kontriboi edhe shqiptari Sotir Nini që fundosi romakët. Sotir Nini është refuzuar nga kombëtarja shqiptare për shkaqe që ende nuk dihen. Në fakt Sotir Nini ishte njeriu kyç. Ai shënoi, nxorri penaltinë, dhe nxorri para golit Cissen në golin e tretë. Thjeshtë talent i madh është ky futbollist, dhe mëkat që Federata Shqiptare e futbollit lë pas dore një diamant të tillë.
Ndoshta shtroni pyetjen se pse nëpër bastoret e mëdha apo në fanelë i shkruan emri Sotiris Ninis? Sotir Nini është emri i vërtetë i këtij talenti që kërkohet nga e tërë bota, por pushteti shovinist megaloideal grek e ka asimiluar dhe ja ka ndëruar emrin. I dëshirojmë suksese Sotir Ninit në të ardhmen.

Epërsinë sa për prestigj e zvogloi Daniele de Rossi në minutën e 67.

Rezultati pas dy ndeshjeve është 6-4 për Panathinaikos dhe ëndrra e Romës për triumf përfundimisht merr fund.

Liverpooli pas dy ndeshjes nxorri rezultat 4-1 në krahasim me Unirean meqë rast kaloi në fazën tjetër.

Liverpooli ishte 10 minuta në dizavantazh pas golit të Fernandes në minutën e 19. Ishte Javier Mascherano që në minutën e 30 shënon për 1-1. Babel kaloi në epërsi të kuqtë, kurse Gerrard në minutën e 57 eliminoi edhe zyrtarisht Unirean.

PSV ka mposhtur Hamburgun në shtëpi në një ndeshje tejet interesante. PSV fitoi 3-2, ndër të cilët duhet të përmendim golat e Dzudzsak që lancoi raketë ruse në minutën e 43 për golin e dytë. Ishte Koevermans që në minutën e fundit shënoi për PSV. Sidoqoftë, Hamburgu kualifikohet për shkak të dy golave si mysafir, pasi që rezultati pas dy ndeshjes është 3-3.

Për të gjitha rezultatet tjera në raportin e zgjeruar të ndeshjes Juventus vs Ajax.

/LajmeSport.com

Written by Arnolld Korenica · Filed Under Europa League, Kryesoret, Sporti Shqiptar | 16 Comments 

Behrami në Stuttgart ?

February 19, 2010

Spekulimet ishin të freskëta muaj më parë kur Valon Behrami për pak sa nuk u largua nga West Hami, dhe tabloidi The Sun shkruan se Stuttgart është treguar tejet e interesuar për mesfushorin kosovar.

Tabloidi pohon se Behramit nuk i pëlqen jeta në Londër dhe se familja nuk është përshtatur në qytet.

Palermo dhe Juventus ishin gjithashtu të lidhura me kosovarin, që më parë luajti për Lazion dhe Genoan. Sidoqoftë, një transferim në Stuttgart është i mundshëm.

Thuhet se për Behramin, Stuttgart do të duhej të paguaj hiq më pak se 10 milion euro.

Behrami në të kaluarën ishte pranë kalimit tek Manchester United dhe Arsenal.

/LajmeSport.com

Written by Arnolld Korenica · Filed Under Kampionati Anglez, Kryesoret, Sporti Shqiptar | 7 Comments 

Kosovë 2-3 Shqipëri (B) (VIDEO)

February 17, 2010

Kombëtarja shqiptare ka fituar 3-2 në miqësoren me Kosovën, e cila u luajt sot në Prishtinë në ditën e dy-vjetorit të shpalljes së Pavarësisë së Kosovës.

Edhe pse ndeshja u zhvillua nën rreshjet e dendura të shiut, kjo nuk i pengoi 10 mijë tifozët të mbushnin shkallët e stadiumit të Prishtinës. Qendërmbrojtësi i Tiranës, Ditmar Bicaj, hapi serinë e golave në pjesën e parë, e cila u mbyll me avantazhin minimal të Shqipërisë.

Me fillimin e 45-minutave të dyta ka ardhur barazimi për përfaqësuesen kosovare. Gjergji Muzaka shndërroi më pas në gol një penallti, duke rikthyer në epërsi Kombëtaren e drejtuar nga Josip Kuzhe.

Megjithatë ekipi i Albert Bunjakut nuk dorëzohet dhe barazon shifrat në 2-2. Kur takimi po shkonte drejt barazimit, është sulmuesi i Vllaznisë, Bekim Bala, që në minutat shtesë shënon golin e fitores për Kombëtaren shqiptare.

Miqësorja midis dy përfaqësueseve të të njëjtit komb u luajt në kuadër të manifestimeve me rastin e dy-vjetorit të Pavarësisë së Kosovës dhe të ardhurat do të shkojnë në ndihmë të familjeve të përmbytura në ditët e para të këtij viti në zonën e Shkodrës.

Përkundër humbjes, dhe përkundër se jemi shtet tjetër, natyrisht, se jemi vëllezër, dhe se gjuha, alfabeti dhe historia, ashtu si sporti do të na bashkoj ndonjëherë me vëllezërit tanë nga Shqipëria…

Written by Arnolld Korenica · Filed Under Kryesoret, Sporti Shqiptar, Video Galeri | 8 Comments 

Rahovecasi që po shkëlqen në Shqipëri

January 29, 2010


I riu nga Rahoveci 22 vjeçari Isa Eminazëri po shkëlqen në Ligën e parë të Shqipërise.

Isa Eminazëri po tregon suksese të mëdha në Shqipëri, me vet faktin se e kanë kërkuar dy ekipet e ligës Superiore, Teuta e Durësit dhe Laqi. Eminazeri ka oferta edhe nga disa ekipe të Greqisë, emrat e së cilave ende nuk bëhen publike.

Por ekipi nga Pogradeci po kërkon dëmshpërblim të madh për prishjen e kontratës. Ky mesfushor ofanziv po i ndihmon shumë klubit të tij që të futet në Ligën Superiore. Momentalisht Pogradeci gjindet në vendin e tretë.

Isa Eminazeri është krenaria e futbollit Rahovecas.

/lajmesport.com

Written by Safir Metbala · Filed Under Sporti Shqiptar | 48 Comments 

Ndahet nga jeta Panajot Pano

January 19, 2010

Njëra nga figurat më të spikatura të futbollit shqiptar, Panajot Pano, ndërroi sot jetë në moshën 71 vjeçare.

Legjenda e pavdekshme e futbollit shqiptar lindi më 7 Mars të vitit 1939.

Panajot Pano ka të gravuara në karrierën e tij 24 paraqitje për kombëtaren kuq e zi, dhe luajti një kohë të gjatë për Partizanin, klub me të cilin fitoi 4 kampionate dhe 5 kupa.

Marsin e vitit të kaluar Panajot Pano ishte dekoruar nga Presidenti i Republikës Bamir Topi me titullin “ Nderi i Kombit.”

Me të marrë lajmin tragjik, numri një i shtetit shqiptar shprehu ngushëllimet e tij familjes Pano.

“ Panajot Pano është sportist i rallë, korife i futbollit shqiptar, që me lojën e mahnitshme, shpirtin e tij luftarak dhe sidomos me golat e paharruar do të mbetet ngahera i gdhendur në historinë e futbollit shqiptar dhe në kujtesën e tifozëve dhe sportdashësve, do të vazhdoj ngahera të admirohet nga ata që e njohën personalisht dhe patën fatin të luajnë me të apo kundër tij, por ai do të vazhdojë të kujtohet si legjendë e gjallë e sportit shqiptar.” Citohet të ketë shkruar Bamir Topi në letrën ngushëlluese dërguar familjes Pano.

Staffi i LajmeSport.com i shpreh ngushëllimet më të sinqerta familjes Pano për humbjen e më të dashurit të tyre, njeriut që sdo vdes kurrë në shpirtin tonë sportiv.

/LajmeSport.com

Written by Arnolld Korenica · Filed Under Sporti Shqiptar | 3 Comments 

Gramozi – Real Madrid: Masa të rrepta të sigurisë

January 19, 2010

Nesër do të zhvillohet ndeshja historike mes skuadrës shqiptare nga Erseka, Gramozi, dhe asaj Spanjolle, Real Madrid.

Deri tani janë bërë të gjitha përgatitjet e duhura dhe pritet që së shpejti dhe skuadra mbretërore të vij në Tiranë.

Natyrisht, lojtarët e Realit nuk vijnë dy herë, dhe atyre duhet tu garantohet siguri shumë e lartë.

Për këtë arsyje, policia shqiptare ka lëshuar sot një komunikatë për media ku ka njoftuar për masat që ka marrur për mbarëvajtjen e ndeshjes historike Gramozi – Real Madrid në stadiumin legjendar Qemal Stafa.

“ Policia e Republikës së Shqipërisë njofton se organi më i lartë i sigurisë ka arranzhuar masa të larta të sigurisë me qëllim mbarëvajtjen sa më të qetë të ndeshjes futbollistike.”

“ Nesër që nga ora tetë do të jenë parkimet e mbyllura rreth stadiumit Qemal Stafa.”

“ Poashtu, nuk do të lejohet qarkullimi i automjeteve në rrugën Nënë Tereza për shkaqe sigurie.”

“ Janë reptësisht të ndaluara sjellja e gjësendeve të forta në stadium gjatë kohës kur zhvillohet ky takim.” Përfundon komunikata.

Real Madridi është sjellur në Tiranë nga kompania e multi miliarderit shqiptar Rezart Taçi. Supozohet për një shumë 3 milion euro.

Takimi Gramozi – Real Madrid zhvillohet nesër me fillim nga ora 18:00. Ende nuk është konfirmuar paraqitja e Ronaldos dhe e Kakas.

/lajmeSport.com

Written by Arnolld Korenica · Filed Under Futboll, Sporti Shqiptar | 23 Comments 

Guardiola trajneri më i mirë në botë

January 9, 2010

Strategu i Barcelonë Josep Guardiola është shpallur trajneri më i mirë në botë nga instituti gjerman për histori të futbollit dhe statistika (IFFHS) në Koln.

Guardiola pati më shumë se gjysmën e votave më shumë se veterani Sir Alex Ferguson në pozitën e dytë.

Në pozitën e tretë gjdnet Jose Mourinho kurse ne pozitën e katërt është trajneri i skuadrës argjentinase Estudiantes Alejandro Sabella.

LajmeSport.com konstaton se ky titull i është dhënë me plot meritë Pep Guardiolës për shkak të sukseseve të tij të mëdha me Barcelonën.

Lista trajnerëve më të mirë të vitit 2009 shpallur nga IFFHS:

1. Josep Guardiola (Barcelona) – 300 pikë
2. Alex Ferguson (/Manchester Utd) – 137 pikë
3. Jose Mourinho (Inter) – 66 pikë
4. Alejandro Sabella (Estudiantes) – 54 pikë
5. Mircea Lucescu (Shakhtar Donetsk) – 50 pikë
6. Arsène Wenger (Arsenal) – 44 pikë
7. Guus Hiddink (Chelsea) – 38 pikë
8. Laurent Blanc (Bordeaux) – 34 pikë
9. Jorge Daniel Fossatti (LDU de Quito) – 16 pikë
10. Felix Magath (VfL Wolfsburg/Schalke) – 15 pikë
13. Rafael Benítez (Liverpool) – 9 pikë
14. Sérgio Ricardo Farias (Pohang Steelers) – 8 pikë
16. Unai Emery (Valencia) – 5 pikë.

/LajmeSport.com

Written by Arnolld Korenica · Filed Under Futboll, Kampionati Spanjoll, Kryesoret, Sporti Shqiptar | 15 Comments 

Next Page »