Lajme Sport » Sporte Të Tjerë

Hendboll: Danimarka mposhtë Serbinë, shpallet kampione midis Beogradit

A.B.C — Sun, 29 Jan 2012 17:30:47 +0000

Danimarka ka shënuar fitore midis Beogradit duke e mposhtur Serbinë në finale të Kampionatit Europian në Hendboll me rezultat 21-19.

Danezët ishin më të mirë në qdo repart të këtij takimi duke mos i lënë Serbët që të kënaqen për asnjë minutë pasi ata ishin në epërsi që nga minuta e parë e deri te ajo e fundit në këtë takim.

Pjesa e parë përfundoi me shumë pak gola, pra 9-7 në të mirë të Danimarkës ndërsa ajo e dyta përfundoi baraz 12-12.

Padyshim lojtari kryesor për Danimarkën në këtë takim pa të cilin nuk do të mund të bënin ata asgjë ishte Mikkel Hanssen i cili shënoi 10 gola në momentet më të duhura.

Kroacia në anën tjetër ka mposhtur Spanjën, 31-27 në ndeshjen e zhvilluar për vendin e tretë të kësaj gare ku kjo ishte njëkohësisht medalja e 11 e Kroacisë në garat e rëndësishme.

S.Metbala / lajmesport.com

Kampionati Europian në Hendboll: Danimarka dhe Serbia në finale

A.B.C — Fri, 27 Jan 2012 21:07:36 +0000

Tashmë janë vërtetuar dhe emrat e dy finalistëve të cilët do të luajnë në finale të Kampionatit Europian në Hendboll.

Danimarka në gjysmëfinale ka mposhtur Spanjën me rezultat tejet të ngushtë prej 25-14 ku pjesa e parë përfundoi 10-12 në të mirë të Danezëve ndërsa ajo e dyta 1-13 në të mirë të spanjollëve.

Në anën tjetër Serbia ka mposhtur Kroacinë me rezultat 26-22 dhe kështu ka hyrë në finale të garës.

Sidoqoftë, për Spanjën dhe Kroacinë ende nuk ka përfunduar kampionati pasi ata do të luajnë përballë për vendin e tretë.

S.Metbala / lajmesport.com

MotoGP:Ekipi i Simoncellit nuk udhëton në Spanjë

A.B.C — Tue, 25 Oct 2011 10:42:31 +0000

Ekipi i Marco Simoncelli, pilotit që humbi jetën tragjikisht në garën e Malajzisë të dielën, nuk do të garojë në Cheste të Valencias, në garën e ardhshme të botërorit të Moto GP.

Skuadra “San Carlo Gresini Honda” nuk do të jetë e pranishme në garën që do të zhvillohet në datën 6 nëntor në Spanjë.“Ekipi im nuk do të jetë në garën e radhës në Valencia dhe në provat që janë të parashikuara në ditët pas garës”, theksoi Fausto Gresini, pronari i ekipit.

Tragjedia e 24-vjeçarit Simoncelli nuk është e para për Gresinin. Në vitin 2003, një tjetër pilot i tij, Daijiro Kato, vdiq në një aksident të rëndë në garën e Suzukës.

Postuar nga : Z.M / LajmeSport.com

Vancouver 2010 – ceremonia hapëse

admin — Sat, 13 Feb 2010 16:34:41 +0000

Lojërat Olimpike Dimërore Vancouveri 2010 kanë filluar mbrëmë nën hijen e vdekjes tragjike të sportistit gjeorgjian, Nodar Kumaritashvili.

Ceremonia madhështore e hapjes së Olimpiadës së 21-të dimërore u zhvilluara para 55 mijë të pranishmëve në stadiumin BC Place në Vancouver, edhe pse e gjithë mbrëmja ka kaluar me atmosferë emocionuese.

Mbrëmja nuk la shumë hapësirë për festë, pasi 22-vjeçari Nodar Kumaritashvili dje humbi jetën tragjikisht gjatë provave me sajë.

Në mesin e afro 2500 sportistëve që parakaluan në stadium, ishin edhe ata të përfaqësueses së Gjeorgjisë, të cilët dolën para publikut me shirita të zeza në krahë, ndërsa për herë të parë në historinë e hapjes së lojërave olimpike, flamuri është ngritur në gjysmështizë.

Lojërat olimpike i shpalli të hapura Guvernatorja Gjenerale e Kanadasë, Michaelle Jean, ndërsa zjarrin e kanë ndezur katër sportistë kanadez, që u shoqërua edhe me probleme teknike, kur njëri nga katër pishtarët nuk u ndez.

Në vazhdim disa pamje nga ceremonia e hapjes:

/LajmeSport.com/Telegrafi

Vancouver 2010: Kumaritashvili vdes në aksident të tmershëm

admin — Fri, 12 Feb 2010 23:13:49 +0000

Vetëm disa orë para hapjes zyrtare të lojërave olimpike dimërore Vancouver 2010, sajuesi në akull, Nodar Kumaritashvili ka humbur jetën pas një ndeshjeje katastrofike me mjetin e tij.

21 vjeçari ishte duke e mbajtur provën e dytë dhe përfundimtare, kur në një shpejtësi prej 90 km/h doli nga pista dhe u ndesh në mënyrë të tmershme në një shtyllë të metalt. Ky kolizion nuk kaloi lehtë dhe Gjeorgjiani morri lëndime të rënda.

Ai u dëgua në spital, por nuk dha shpresa jete.

Incidenti i ndodhur në Whislter Sliding Center ka lënë gjurmë tek shumë personalitete që i kanë shprehur ngushëllime familjes së të ndjerit.

/LajmeSport.com

Urime festën e Kurban Bajramit !

admin — Fri, 27 Nov 2009 08:29:07 +0000

Të nderuar lexues të LajmeSport

Me rastin e festës së Kurban Bajramit, staffi i LajmeSport i uron të gjithë besimtarëve musliman këtë festë me dëshirë që në familjet tuaja të mbretëroj, harmonia, lumturia dhe mirëqenia.

Për shkak të kësaj feste të madhe të Islamit, sot do të jeni të limituar në lajme.

Me respekt

Staffi i LajmeSport.com

Rossi perandorizohet 9 herë

admin — Sun, 25 Oct 2009 10:51:36 +0000

Valentino Rossi eshte shpallur kampion i Moto GP nje gare perpara fundit te kampionatit edhe pse ne garen e Malajzise ka zene vetem vendin e trete.

Ky eshte boterori i nente per italianin e Yamaha-s, i cili ka zhvilluar nje gare jo shume te mire diten e sotme pasi u nis nga vendi i pare por menjehere humbi shume pozicione.

Gara nisi 40 minuta me vonese per shkak te shiut te rrembyer qe permbyti pisten e Sepangut dhe kjo ka bere qe Stoner te perfitoje duke e kryesuar garen qe nga fillimi deri ne fund. Kjo eshte gara e dyte rresht qe fiton pas rikthimit ne Moto GP per shkak te nje semundjeje.

Vendi i dyte i takon spanjollit Dani Pedrosa, ndersa Jorge Lorenzo ka zene vendin e katert pasi u parakalua ne mesin e gares nga “Doktori”. Gara e ardhshme do zhvillohet ne Valencia, por ajo nuk ka ndonje rendesi te vecante, duke pare se boterori i ketij viti tashme eshte hipotekuar nga kampioni ne fuqi.

/LajmeSport.com/TCH

Valentino Rossi afër të shpallet Kampion

admin — Thu, 15 Oct 2009 19:22:46 +0000

Ngasësi i Yamaha italiani Valentino Rossi është shumë afër që të shpallet kampion në Moto GP për vitin 2009.

“Doktori” kryeson në renditjen e përgjithshme tabelare me 250 pikë 18 më shumë se Spanjolli Jorge Lorenzo.

Ja dhe tabela :

1 – Valentino Rossi ITA / Yamaha 250 pikë
2 – Jorge Lorenzo SPA / Yamaha 232 pikë
3 – Dani Pedrosa SPA / Honda 173 pikë
4 – Casey Stoner AUS / Ducati 170 pikë
5 – Andrea Dovizioso ITA / Honda 142 pikë

www.lajmesport.com

Mayer penzionohet nga Skijimi

admin — Tue, 13 Oct 2009 15:49:55 +0000

Kampioni austriak në skijim dhe fituesi i medaljes së artë olimpike, ka vendosur ta përfundojë karrierën e tij 13 vjeçare në Skijim, duke thënë se ai e bën këtë për shëndetin e tij.

Myer është i njohur për aksidentet e tija spektakolare në pistat e ndryshme njëra prej të cilave e la atë pa këmbë në vitin 2001, mirëpo u rikthye në mënyrën senzacionale.

Ai fitoi medaljen e parë olimpike në vitin 1998 në Nagano të Japonise, vetëm tre ditë pasi që ai është aksidentuar po në atë pistë mirëpo me lëndime të lehta.

Mayer, talenti i të cilit është zbuluar vonë, në moshën 23 vjeçare, fitoi 54 gara të kampionatit botëror, duke e bërë atë skijuesin e dytë më të mirë të të gjitha kohërave pas suedezit Ingemar Stenmark.

/LajmeSport.com

Rio De Janeiro mikëpritëse e LO verore 2016

admin — Fri, 02 Oct 2009 17:34:21 +0000

Rio De Janeiro është zgjedhur fituese për mbajtjen e lojrave olimpike verore të vitit 2016 pas një votimi të komitetit ndërkombëtar olimpik në Kopenhagen.

Brazili mundi Madridin për të marrë të drejtën e pritjes së këtyre lojrave, pasi që Chicago dhe Tokyo ishin eliminuar më herët.

Carlos Osorio sekretari gjeneral i LO në Rio tha : “ Fantastike, spektakolare, e pabesueshme.”

Rio mposhti Chicagon përkundër mbështetjes së Barack Obamas dhe first lady Michel Obamas.

Rio De Janeiro është vendi i parë Latino Amerikan që fiton kandidaturën e organzimit të lojërave olimpike.

/LajmeSport.com