Lajme Sport » Kryesoret

Editorial: Rikthim i Kampionëve – Pesë gjëra që kemi mësuar nga derbi anglez

A.B.C — Mon, 06 Feb 2012 20:56:15 +0000

LajmeSport.com i është kthyer një editoriali mjaftë të fortë për Kampionatin Anglez ku në radarin tonë këtë javë ka qenë kryendeshja e kësaj jave ndërmjet Chelsaet dhe Manchester United që përfundoi në barazim epik 3-3.

Me anë të një analize ne ju sjellim pesë gjëra që kemi mësuar pas këtij derbi i cili ishte dramatik deri në fund.

United do të luftojë deri në fund për titull

Me këtë barazim, Manchester United ka treguar se ka një shpirt luftarak dhe se do të rivalizojë deri në fund Manchester Cityn për titullin e kampionit të Premier League.

Speciale këtë ndeshje e bën rikthimi sensacional i Manchester United ku pas 3-0 në disavantazh arriti të barazojë rezultatin në 3-3.

Padyshim ndeshja City-United pritet të jetë vendimtare në garë për titull.

Premier League edhe një herë e tregon ‘fytyrën’ e saj

Kjo ndeshje dramatike me plotë pasion dhe fundi tensionues dhe emocionues i saj na tregon se Premier League është largë liga më e mirë në botë edhe pse La Liga mban këtë epitet.

Çdo javë deri në fund të sezonit Premier League na sjellë disa ndeshje nga të cilët mund të mbesësh gojëhapur teksa edhe kur luan një klub në vendin e fundit emocionet janë të mëdha dhe stadiumet janë pothuajse të stërmbushura.

Kësi ndeshjesh, këto rikthime mund t’i shohim vetëm në Premier League pasi në ligat tjera rrallë ndodhin këto befasira.

‘Fluturimet’ e De Geas sapo kanë filluar

David De Gea në këtë takim tregoi se pritet të jetë një portier i cili do të mbrojë shumë gjatë portën e Manchester United. Dy fluturimet e tij të bëra në fundin e takimit sidomos pas goditjes së Matës kanë treguar fytyrën e vërtetë të tij.

Ai ishte thjeshtë fantastik në atë takim dhe tashmë ai ka filluar të tregojë pikat e forta të tij dhe ka filluar të adaptohet me këtë fanellë.

Gary Cahill nuk është John Terry

Cahill bëri disa gabime në këtë takim. I pari ishte që në minutën e 10 kur ai nuk e mori topin pastër nga Welbeck por shkakton një penalti të pastër te ai penalti kjo e paakorduar nga gjyqtari kryesor i atij takimi. Sidoqoftë, një mbrojtës klasi duhet të veprojë ndryshe në kësi raste.

Gjithashtu ai ka mundur të bëj një intervenim shumë më të mirë gjatë golit të barazimit të shënuar nga Javier Hernandez.

Ferguson është ‘baba’ i Villas-Boas

Pas këtij takimi kemi mësuar se Ferguson me të vërtetë është një trajner i cili duhet marrë shembull pasi ishte pikërisht ai me zëvendësimet kruciale i cili e ndryshoi rrjellën e takimit.

Ai e inkuadroi në lojë në minutën e 53 Chichariton për të larguar Da Silvan. Hernandez shënoi golin e barazimit dhe ndryshoi tërësisht lojësn e Djajve. Në minutën e 64 futi në lojë edhe Paul Scholes i cili i dha një ritëm të madh të skuadrës së tij.

Padyshim ishin pikërisht zëvendësimet e të madhit Ferguson që e barazuan këtë rezultat.

Çka mendoni cilat nga këto pikat janë të sakta? Keni për të shtuar ndonjë pikë tjetër? Shprehuni në hapësirën për komente…

S.Metbala / lajmesport.com

Lojtari i botës për këtë javë

A.B.C — Mon, 06 Feb 2012 20:41:41 +0000

Lojtari i Chelseat i cili këtë javë shkëlqyer me fanellën e kombëtares së tij, Didier Drogba ka fituar çmimin si lojtari më i mirë i Botës për këtë Javë.

Ai ka shënuar dy gola në ndeshjen e Bregut të Fildishtë kundër Guinesë Ekuatoriale ndeshje e cila përfundoi 3-0 në të mirë të kombëtares së tij. Bregu i Fildishtë me këtë fitore arriti në gjysmëfinale të garës më të madhe të Afrikës.

Paraqitje të mirë shfaqën edhe:

Fabio Borini – Roma
Eamon Zayed – Persepolis
Theoganis Gekas – Samsunspor
Fernando Llorente – A.Bilbao
Fabrizio Miccoli – Palermo
Van Persie – Arsenal

Çka mendoni ju, cili nga këta pati paraqitje më të mirë në këtë javë? Shprehuni në hapësirën për komente…

S.Metbala / lajmesport.com

Lojtarët që janë në garë për Këpucën e Artë, prinë Ronaldo

A.B.C — Mon, 06 Feb 2012 20:27:16 +0000

Këtu më poshtë keni listën prej lojtarëve të cilët janë në garë për të fituar Këpucën e Artë në këtë sezon ku listës i prinë portugezi i Real Madridit, Cristiano Ronaldo.

Pas Ronaldo vjen Messi i cili është i ndjekur nga Robin Van Persie.

Vërejtje: Golat e shënuara në ligat më të mëdha si p.sh La Liga, Serie A, Premier League vlejnë më shumë pikë sesa golat e shënuara në ligat më të dobëta si Turqi, Estoni etj.

Lista e lojtarëve favorit për Topin e Artë

1- Cristiano Ronaldo – 24 gola, 48 pikë
2- A Cekulajevs – 46 gola, 46 pikë (Sezoni i Estonisë ka përfunduar)
3- Lionel Messi – 23 gola, 46 pikë
4- Van Persie – 22 gola, 44 pikë
5- B.Yilmaz – 25 gola, 37.5 pikë
6- S.Doumbia – 24 gola, 36 pikë
7- M.Gomez – 17 gola, 34 pikë
8- Huntelaar – 16 gola, 32 pikë
8- Demba Ba – 16 gola, 32 pikë
8- Di Natale – 16 gola, 32 pikë

S.Metbala / lajmesport.com

Ekspertët: Trofeu i Ligës së Kampionëve do qëndrojë në Spanjë

A.B.C — Mon, 06 Feb 2012 20:03:14 +0000

Njerëzit të cilët mirren me parashikime ndeshjes dhe me analiza rreth kampionëve në garat përkatëse kanë thënë se trofeu i Ligës së Kampionëve për edhe një sezon tjetër do të qëndroj në Spanjë pasi do të jetë Barcelona ose Real Madridi ajo që do ta ngrisë titullin në Maj.

Real Madridi dhe Barcelona konsiderohen si favoritë për të fituar titullin e Ligës së Kampionëve në këtë sezon teksa pas tyre është Bayern Munich.

Në vendin e katërt si favoritë për të fituar titullin e Ligës së Kampionëve është Chelsea i përcjellur nga Arsenali dhe Milani teksa Interi dhe disa skuadra tjera nuk janë fare në këtë listë.

S.Metbala / lajmesport.com

Ibrahimovic suspendohet me tri ndeshje

Granit — Mon, 06 Feb 2012 16:57:40 +0000

Sulmuesi Suedez i Milanit Zlatan Ibrahimovic është suspenduar me tri ndeshje mos lojë pas vendimit të gjykates sportive Italiane.

Ai gjatë ndeshjës së djeshme ndaj Napolit goditi në fytyrë Salvatore Aronican ku automatikisht u përjashtua me të kuq.Pas këti suspendimi kjo do të thotë se ai do te humbas tri ndeshjet e ardhshme atë ndaj Udineses,Cesenas dhe derbin me Juventusin.

G.Rr/lajmesport.com

IFFHS: Ja lista e 10 trajnerëve të shekullit

A.B.C — Mon, 06 Feb 2012 14:41:14 +0000

Instituti i Statistikave dhe Historisë së Futbollit (IFFHS) ka formuar një listë prej 10 trajnerëve më të mirë të këtij shekulli të ri i cili ka filluar (Pra duke shikuar nga 2001 deri më 2011)

Në këtë listë padyshim që prin tekniku i Manchester United, Sir Alex Ferguson i cili ka fituar plotë 166 pikë, një më shumë se tekniku i Arsenalit, Arsene Wenger teksa 12 më shumë se Jose Mourinho që është në vendin e tretë.

Lista e 10-trajnerëve të 2001-2011 nga IFFHS:

1- Sir Alex Ferguson – 166 pikë
2- Arsene Wenger 165 pikë
3- Jose Mourinho 154 pikë
4- Fabio Capello – 135
5- Guus Hiddink – 112
6- Carlo Ancelotti – 108
7- Vicente del Bosque – 104
8- Marcelo Bielsa – 101
9- Luis Felipe Scolari – 101
10- Rafael Benitez – 97

Çka mendoni si duhej të ishte rradhitja sipas jush? Shprehuni në hapësirën për komente…

S.Metbala / lajmesport.com

Kempes: Reali shumë më i mirë se Barca

A.B.C — Mon, 06 Feb 2012 14:29:16 +0000

Mario Kempes ka vazhduar me deklarata kontraverse pasi pak më herët ka thënë se Messi ka filluar të mos luaj më mirë tani thotë se Real Madridi është shumë më i fortë se Barcelona.

“Për momentin, Real Madridi është shumë më i fortë se Barcelona, por të thuash se ata janë kampion është një gjë krejtësisht ndryshe”.

“Barcelona ende mund të fitojë La Ligan pasi ka edhe shumë pikë tjera deri në fund. Ata duhet të koncentrohen gjithashtu edhe në Copa del Rey pasi Valencia është mjaftë e fortë”.

“Barcelona nuk është klub i pamposhtur në shtëpi”, tha Kempes.

S.Metbala / lajmesport.com

Kempes: Messi ka filluar të ‘zvogëlohet’

A.B.C — Mon, 06 Feb 2012 14:12:42 +0000

Ish-lojtari i kombëtares argjentinase, Mario Kempes ka thënë se niveli i Lionel Messit në ndeshjet e fundit të Barcelonës ka filluar të zvogëlohet shumë.

“Janë disa lojtarë të cilët kanë ulur nivelin e tyre të lojës e sidomos Messi”.

“Ndoshta atij i duhen pushimet, jo tani, por kur është koha për këtë gjë”.

“Edhe një herë e përsëris, nuk është vetëm atij që i ka rënë niveli”, tha Kempes.

S.Metbala / lajmesport.com

Wenger:Më pëlqen Hazard

Granit — Mon, 06 Feb 2012 13:50:23 +0000

Traineri i Arsenal,Arsene Wenger ka shprehur admirimin e tij për talentin Belg Eden Hazard për të cilin ka thënëse do ta dëshironte ta kishte në skuadrën e tij.

”Unë do ta transferoja që tani pasi më pëlqen shumë për shumë arsyje.Ai është një lojtar me karakteristika kreative do të përshtatej mjaftë mirë dhe ka nje vizion të shkëlqyer të lojës.Hazard është i destinuar që të veshë fanelën e një skuadre të madhe si Arsena’ka thënë në fund Wenger.

G.Rr/lajmesport.com

Dalglish: Suarez ka mësuar diçka

Panndi Shatraj — Mon, 06 Feb 2012 13:25:59 +0000

Kenny Dalglish shprehet i bindur se uruguajani i Liverpool, Luis Suarez ‘ka mësuar diçka’ gjatë kohës që ai ka qënë i suspenduar për ofendime raciste ndaj lojtarit të Manchester United, Evra

Suarez ka përfunduar suspendimin me tetë ndeshje dhe sot pritet të startojë kundër Tottenham në Anfield Road

“Mendoj se ai ka mësuar diçka gjatë gjithë kësaj kohe”

“Jemi shumë të kënaqur që ai rikthehet sërisht të luajë me ne” –përfundoi Dalglish

P.Shatraj / lajmesport.com