Del Piero: EL = asgjë
March 5, 2010
Sipas Alessandro Del Pieros, sezoni i Juventusit ishte aq i keq, sa që edhe një triumf në Europa League nuk do ta zvogëlonte zhgënjimin e bianconerëve.
“ Triumfi në Europa League? Ne nuk mund të shikojmë aq larg, dhe nëse do të bëja ndonjë analizë definitive, mendoj se nuk është e mjaftueshme fitimi i këtij trofeu për të mbuluar zhgënjimin në Serie A.”
“ Tabela e Series A flet më shumë. Ishte një vit katastrofal për ne, por shpresoj se ne jemi pjekur pas gjithë asaj që ndodhi dhe unë shpresoj se këto gjëra nuk do të përsëriten vetvetiu në të ardhmen e Juventusit.”
Ndeshja e nesërme ndaj Fiorentinës është o jetë o vdekje për Juventusin pasi që aty do të mund të shushen dhe të ringjallen gjasat për pozitën e katërt.
“ Serie A është ende e komplikuar pasi që ka ekipe që dijnë të luajnë dhe t’iu vënë në vështirësi.”
“ Është Palermo, Napoli dhe nesër Fiorentina, që nuk meritoi të humbiste ndaj Milanit dhe Romës, dhe të gjithë pamë se çfarë ndodhi me Bayern Munichun. Mendoj se Fiorentina po mendon për Ligën e Kampionëve.”
Dje Del Piero pranoi se ai ende po ëndërron për të shkuar në kampionatin botëror me kombëtaren Azzure.
/LajmeSport.com
Sotir Nini i kënaqur me fitoren ndaj Romës (VIDEO)
February 26, 2010
Panathinaikos ja ka dhënë një leksion Romës dje në Stadio Olimpico në një fitore 3-2, në një ndeshje që përfundoi në pjesën e parë falë involvimit të shqiptarit Sotir Nini në të trija aksionet.
Nini shënoi një gol, nxorri penaltinë dhe përgatiti golin tjetër të Cisses në pesë minutat e fundit të pjesës së parë. Sotir Nini ka filluar të kërkohet nga shumë skuadra europiane.
“ Natyrisht se ishte një ndeshje e jashtëzakonshme dhe jam i lumtur që kam luajtur mirë. Unë isha i përfshirë në të gjithë golat por po qëndroj ende me këmbë në tokë.”
“ Ishte atmosferë e mrekullueshme në stadium opr ishte me rëndësi që të ishim të ftohtë. Unë mendoj se ajo çfarë bëmë sonte ishte arsyeja pse erdhëm këtu.” Tha Nini
Roma vs Panathinaikos – Rastet dhe golat
/LajmeSport.com
Villarreal shkelet, Juventus më tej
February 25, 2010
Juventusi ka arritur të kualfikohet pas një barazimi pa gola në Stadio Olimpico me Ajaxin. Villareali nga ana tjetër është shkatëruar në transfertë nga Wolsfburgu.
Ajaxi ishte skuadra më e mirë gjatë gjithë takimit, por nuk arriti të shënojë. Juventusi kishte avantazh nga ndeshja e parë në Holandë prej 2-1 meqë rast siguroi kualifikimet falë dy golave me kokë të Amaurit.
Wolfsburgu u tregua i pamëshirshëm ndaj Villarrealit. Edin Dzeko në minutën e 10 hapi serinë e golave. Angelnë pesë minuta më vonë me një autogol dyfishoi epërsinë.
Joan Capdevila zvoglon epërsinë në minutën e 30 kurse 11 minuta më vonë Gentner shënon për 3-1. Kapakun takimit ja vuri Grafite në minutën e 64.
Valencia po i zhvillon vazhdimet ndaj Club Brugge pasi që ashtu si në ndeshjen e parë edhe e dyta përfundoi në kohë të rregullt me rezultat 1-0.
Skuadrat që janë kualifikuar për fazën 1/16 të Europa League janë:
Sporting Lisbona
Rubin Kazan
Juventus
Lille
Standard Liege
Werder Bremen
Wolfsburg
Anderlecht
Athletico Madrid
Marseille
Fulham
Hamburg
Benfica
Liverpool
Panathinaikos
/LajmeSport.com
Sotir Nini eliminon Romën, Liverpool më tej
February 25, 2010
Roma është eliminuar nga gara e dytë më e madhe europiane në futboll Europa League. Nuk është skuadër angleze, e as spanjolle, por është skuadra tejet e fortë greke Panathinaikos që i ka mbajtur leksion romakëve.
John Arnee Riise kaloi romakët në epërsi në minutën e 11.
Pesë minutat e fundit të pjesës së parë ishin fatale për Romën. Grekët shfrytëzuan mos koncentrimin dhe shënuan tre herë brenda pesë minutave me anë të Djibril Cisse dy herë, dhe kontriboi edhe shqiptari Sotir Nini që fundosi romakët. Sotir Nini është refuzuar nga kombëtarja shqiptare për shkaqe që ende nuk dihen. Në fakt Sotir Nini ishte njeriu kyç. Ai shënoi, nxorri penaltinë, dhe nxorri para golit Cissen në golin e tretë. Thjeshtë talent i madh është ky futbollist, dhe mëkat që Federata Shqiptare e futbollit lë pas dore një diamant të tillë.
Ndoshta shtroni pyetjen se pse nëpër bastoret e mëdha apo në fanelë i shkruan emri Sotiris Ninis? Sotir Nini është emri i vërtetë i këtij talenti që kërkohet nga e tërë bota, por pushteti shovinist megaloideal grek e ka asimiluar dhe ja ka ndëruar emrin. I dëshirojmë suksese Sotir Ninit në të ardhmen.
Epërsinë sa për prestigj e zvogloi Daniele de Rossi në minutën e 67.
Rezultati pas dy ndeshjeve është 6-4 për Panathinaikos dhe ëndrra e Romës për triumf përfundimisht merr fund.
Liverpooli pas dy ndeshjes nxorri rezultat 4-1 në krahasim me Unirean meqë rast kaloi në fazën tjetër.
Liverpooli ishte 10 minuta në dizavantazh pas golit të Fernandes në minutën e 19. Ishte Javier Mascherano që në minutën e 30 shënon për 1-1. Babel kaloi në epërsi të kuqtë, kurse Gerrard në minutën e 57 eliminoi edhe zyrtarisht Unirean.
PSV ka mposhtur Hamburgun në shtëpi në një ndeshje tejet interesante. PSV fitoi 3-2, ndër të cilët duhet të përmendim golat e Dzudzsak që lancoi raketë ruse në minutën e 43 për golin e dytë. Ishte Koevermans që në minutën e fundit shënoi për PSV. Sidoqoftë, Hamburgu kualifikohet për shkak të dy golave si mysafir, pasi që rezultati pas dy ndeshjes është 3-3.
Për të gjitha rezultatet tjera në raportin e zgjeruar të ndeshjes Juventus vs Ajax.
/LajmeSport.com
EL: Liverpool solid, Roma mposhtet
February 18, 2010
Liverpool dhe Panathinaikos kanë shënuar fitore shumë të rëndësishme në fazën 1/32 të Europa League kundër Unirea Urziceni respektivisht AS Roma.
Liverpool ka shënuar fitore prej 1-0 kundër Unirea Urziceni. Për tu shënuar goli i parë në Anfield është dashur të pritet plot 81 minuta, realizator David Ngog.
Ndeshja tjetër e zhvilluar në stadiumin e Panathinaikos Spiros Louis ka përfunduar me fitoren e vendasve 3-2.
Ishte Mirko Vucinic që e kalon Romën në epërsi në minutën e 29 duke shënuar një gol të bukur. Vendasit barazuan me Salpingidis në minutën e 64.
Roma kaloi edhe një herë në epërsi, David Pizzaro e shndëron një penallti në gol në minutën e 81.
Gjatë dhjetë minutave të ardhshme ndodhi një gjë që askush nuk e priti. Panathinaikos e përmbys rezultatin me Christodoulopoulos (84) dhe me Djibril Cisse (89).
Rezultatet e ndeshjeve tjera të 1/32 të Europa League
Everton 2-1 Sporting Lisbon
Rubin Kazan 3-0 Hapoel Tel Aviv
Ajax 1-2 Juventus
Club Brugge 1-0 Valencia
Lille 2-1 Fenerbahce
Standard Liege 3-2 Salzburg
Twente 1-0 Werder Bremen
Villareal 2-2 Wolfsburg
Athletico Bilbao 1-1 Anderlecht
Atletico Madrid 1-1 Galatasaray
FC Kopenhagen 1-3 Marseille
Fulham 2-1 Shakhtar
Hamburger 1-0 PSV
Hertha 1-1 Benfica
Liverpool 1-0 Unirea Urziceni
Panathinaikos 3-2 AS Roma
Safir Metbala, Lajmesport.com
Amauri bombardon, Valencia pëson (VIDEO)
February 18, 2010
Juventusi ka shënuar fitore të madhe në takim me Ajaxin, kurse Valencia është mposhtur pa fat në transfertë ndaj Club Brugge.
Juventusi shënoi fitore falë dy golave me kokë të Amaurit.
Fillimisht shqiptari nga maqedonia që është produkt i shkollës së Ajaxit Miralem Sulejmani shënon në portën e Juves për 1-0.
Pas 31 minutash lojë Amauri me kokë barazon rezultatin për 1-1.
Ishte përsëri Amauri ai që në minutën e 58 me kokë shënoi për fitoren e madhe të Juventusit, dhe heshtjen e mëse 51,676 spektatorëve në Amsterdam Arena.
Në raundin e 1/32 të Europa League vështirë punët i ka Valencia. Los Che pësuan fatkeqsisht në transfertë ndaj Club Brugge.
Gjithçka u hap kur David Silva u ndëshkua me karton të kuq në minutën e 51.
Pesë minutë më vonë, Kouemaha shënon për fitoren e madhe të Club Brugge para tifozëve të vet.
Qëndroni me raportet dhe golat e ndeshjeve Panathinaikos vs Roma dhe Liverpool vs Unirea Urziceni.
Ajax vs Juventus
Club Brugge vs Valencia
/LajmeSport.com
EL – Benitez: Përvoja do të na dërgoj deri të triumfi
February 16, 2010
Menaxheri i Liverpoolit Rafael Benitez gjendet në një situatë të pazakontë për të pasi që duhet të përgatisë skuadrën e tij për ndeshjet e Europa League, dhe jo për Champions League.
Liverpooli të enjten takohet me Unirea Urzicenin dhe kjo është ndeshja e dytë në këtë kompeticion pas asaj finales me Valencian në 2004, për spanjollin Benitez.
“ Është gjithnjë e vështirë por nëse keni qenë pak kohë menaxher, me ekipe të ndryshme luaje një herë në javë, shpeshherë luaje një herë në javë, duke tentuar ti shmangesh rezultateve të dobëta.”
“ Them se do të kisha patur dëshirë të luftoja për titullin e Premier Ligës dhe atë të Ligës së Kampionëve, por duhet të pranoj situatën aktuale.”
“ Ne duhet të tentojmë të arrijmë pozitën e katërt në Premier Ligë, dhe të fitojmë Europa Ligën, por, mos të harrojmë, ka shumë ekipe të forta edhe në këtë garë.” Përfundoi Benitez.
/LajmeSport.com
Shorti Europa League : Ajax pret Juventusin
December 18, 2009
Shorti për 32 skuadrat e fundit të Europa League ka nxjerrur disa përballje interesante. Juventusi i eliminuar nga Champions League i shkon Ajaxit, kurse Villareali pret kampionët gjerman Wolfsburg. Liverpool do të ketë punë me Unirea Urziceni.
Përballjet:
1. Rubin Kazan vs Hapoel Tel Aviv
2. Athletic Bilbao vs Anderlecht
3. Kobenhavn vs Olympique Marseille
4. Panathinaikos vs Roma
5. Atletico Madrid vs Galatasaray
6. Ajax vs Juventus
7. Club Brugge vs Valencia
8. Fulham vs Shakhtar Donetsk
9. Liverpool vs Unirea Urziceni
10. Hamburg vs PSV Eindhoven
11. Villarreal vs Wolfsburg
12. Standard Liege vs Red Bull Salzburg
13. Twente vs Werder Bremen
14. Lille vs Fenerbahce
15. Everton vs Sporting Clube
16. Hertha Berlin vs Benfica
Sistemi:
Fituesi 10 vs Fituesi 2
Fituesi 1 vs Fituesi 11
Fituesi 5 vs Fituesi 15
Fituesi 16 vs Fituesi 3
Fituesi 4 vs Fituesi1 2
Fituesi 14 vs Fituesi 9
Fituesi 6 vs Fituesi 8
Fituesi 7 vs Fituesi 13
/LajmeSport.com
Tabela përfundimtare – Europa League
December 17, 2009
Te gjitha vendet e para dhe te dyta kualifikohen per fazen e metutjeshme.
Shorti per fazen tjeter mbahet neser ne ora 13:00 pas terheqjes se shortit per Champions League. Gjithashtu dhe shortin per Europa League ashtu si per Champinons League do te mund ti percillni Live ne LajmeSport.com
Valencia eliminon Genoan
December 17, 2009
Valencia është kualifikuar për më tutje në Europa League pasi që eliminoi me një fitore 2-1 në transfertë Genoan që i duhej patjetër fitorja.
Vendasit dominuan gjatë gjithë takimit. Por në fakt mungonte konkretizimi, gjë të cilën e bënë mysafirët nga Spanja.
Në fund të pjesës së parë, Bruno Saltor shënon golin e parë të takimit, për epërsinë e Valencias 1-0.
Me të filluar pjesa e dytë, Italianët shtrëngojnë dhëmbët. Vetëm fitorja nevojitej.
Njëri prej sulmuesve më të mirë në histori të Series A, Hernan Crespo shënon në minutën e 51 golin e barazimit për vendasit.
Genoa bëri përpjekje maksimale për të shënuar golin e fitores por pati fat kur David Villa huqi një penalti në minutën e 85.
Atë që nuk e bëri nga pika e bardhë, Villa e bëri në minutën e 95’ kur shënon për 2-1 dhe eliminimin e Italianëve.
Lille nga ana tjetër ka mposhtur 3-1 Slavia Pragën dhe u kualifikua për më tej së bashku me Valencian me nga 10 pikë.
/LajmeSport.com
Lajmet e Fundit
- Përcaktoni fituesin e duelit Slloveni – Angli
- Capello: Nuk jam i çmendur, Anglia mund të fitoj KB
- Mexes refuzon rinovimin e kontratës
- Juventus transferon Marco Storarin
- Argjentina vazhdon aventurën
- Përfundon Botërori për Francën
- Uruguaji dhe Meksika vazhdojnë më tej
- Militos i rritet paga, pengohet largimi i Burdissos
- KB 2010- Revolucion Francez
- Zambrotta: Të eliminohemi – E pamenduar për Italinë
Kategoritë
- Analiza Sportive
- Basketboll
- Boks
- Champions League
- Europa League
- Formula 1
- Futboll
- Kampionati Anglez
- Kampionati Botëror 2010
- Kampionati Francez
- Kampionati Gjerman
- Kampionati Italian
- Kampionati Spanjoll
- Klasifikime
- Komente Live
- Kryesoret
- Parashikime Sportive
- Sporte Të Tjerë
- Sporti Shqiptar
- Tenis
- Video Galeri
