Lajme Sport » Champions League

Inter kampion i Champions League

Mentor — Sat, 22 May 2010 21:14:40 +0000

Inter është shpallur kampion i Champions League pasi në Santiago Bernabeu ka mposhtur Bayern Munich me rezultat 2-0,ndeshje me një atmosferë dhe koreografi të shkëlqyer.

Bayern Munich dominoi (66%) në pjesën më të madhe të ndeshjes, por Interi(34%) me protagonistin Diego Milito ia arriti të shfrytësoj mundësitë e patura.

Në minutën e 35′ Wesley Sneijder asiston në minutën e 35′ për Militon, i cili në mënyrë perfekte shënon për 1-0.

Në pjesën e dytë, Bayern Munich fillon me kundërsulme,por Interi shfaq edhe njëherë lojë defanzive duke mos lejuar kërcënim në portën e Julio Cesar.

Për kapitulimin e Bavarezëve, përkudeset Milito i cili përsëri mposht portierin Butt duke siguruar titullin e tretë të Interit brenda këtij sezoni.

Edhe nëse largohet Mourinho, Massimo Moratti duhet të mbetet krejtësisht i kënaqur pasi Mourinho është treguar strateg i vërtetë në Giuseppe Meazza.

Qëndroni me ne për deklaratat nga Santiago Bernabeu…

/LajmeSport.com

Ribery nuk luan në finalen e CL ?

Blend Bejta — Wed, 05 May 2010 17:50:11 +0000

Franck Ribery ka humbur ankesën e tij dhe si duket do ta humbas finalen kundër Interit, që zhvillohet me 22 Maj në Santiago Bernabeu

UEFA ka kundërshtuar lutjet e Munchen për të pezulluar kartonin e kuq dhe Ribery të luaj në finalen e CL.

Ribery shpresonte se pezullimi do të ishte vetëm për një ndeshje , gjë që do të mundësonte qe Ribery të luante në finalen e madhe.

Pezullimet e zakonshme janë me nga një ndeshje , mirëpo UEFA ka dalë në përfundim se ndërhyrja e Riberys ndaj Lisandro Lopez ishte shumë e ashpër dhe e qëllimshme…

/LajmeSport.com

Mourinho: Momenti im më i bukur

Mentor — Thu, 29 Apr 2010 15:34:29 +0000

Interi vazhdoi me rrugën drejtë Champions League duke mposhtur Barcelonan në gjysmëfinale me rezultat të përgjithshëm 3-2.

Trajneri i Interit, Jose Mourinho nuk mund të përmbahej nga emocionet e tij pasi skuadra e Interit ka siguruar finalen kundër Bayern Munich në Madrid.

“Ky është momenti më i bukur në karrierën time. Më i miri nga të gjithë”, deklaroi portugezi për Sky Sport Italia.

“Inter nuk ka luajtur në finalen e Champions League për 38 vite dhe kjo ishte ajo çfarë të gjithë prisnin. Kjo nuk është një skuadër fëmijësh e cila mund të pres 15 vite për një finale”.

“Unë jam shumë i lumtur. Të luash me 10 lojtarë për më shumë se një orë në këtë stadium kundër një skuadre të shkëlqyer, do të thotë se lojtarët e mi janë me të vërtetë heronj. Nuk jam duke menduar për problemet e njerëzve, për frustrimet e tyre, por jam duke menduar pozitivisht”.

“Sezoni nuk ka përfunduar sot. Kemi shumë finale që tani e tutje. Nga nesër duhet të mendojmë për ndeshjen kundër Lazios. Tani duhet të mendojmë vetëm për ligën”.

/LajmeSport.com

Inter në finale të Champions League

Mentor — Wed, 28 Apr 2010 20:54:09 +0000

Interi është kualifikuar në finale të Champions League, pasi fitorja e Blaugranëve në Camp Nou me rezultat 1-0 nuk ka shërbyer dhe rezultati i përgjithshëm ishte 3-2 në favor të Nerazzurëve.

Ndeshja ishte e dominuar totalisht nga Barcelona, por në anën tjetër Inter tregoi karakterin duke pasur një mbrojtje tejet stabile dhe tregoi lojë të mbyllur.

Në minutat e para të takimit posedimi ishte në favor të Blaugranëve ( 80% ), kurse Inter përbënte (20 %) dhe kjo përqindje u rrit paksa deri në fund të takimit. Një hendikep i madh për Nerazzurët ndodhi në minutën e 28′ kur Motta pas një ndërhyrjeje të ashpër tek Pedro Rodriguez ndëshkohet me kartonin e dytë të verdhë dhe përjashtohet nga ndeshja.

Në pjesën e dytë Guardiola përdori një taktikë sulmuese, por Inter nuk u dorëzua deri në fund të takimit duke mos lejuar aspak hapësira dhe qëllimi për të arritur në finale po afrohej tek Mourinho.

Në minutat e fundit të takimit presioni ishte në maksimum tek Inter dhe 6 minuta para fundit, Gerard Pique me një lëvizje mashtruese shënon për 1-0.

Pas ca minutash, Xavi shënon golin e dytë, por ky gol nuk u pranua për shkak të prekjes me dorë nga Yaya Toure.

Pas 38 viteve Inter kualifikohet në finale dhe festa e Nerazzurëve në Camp Nou ishte e jashtëakonshme,sidomos nga Jose Mourinho.

/LajmeSport.com

Konfirmohen formacionet startuese

Mentor — Wed, 28 Apr 2010 18:17:16 +0000

LajmeSport.com sjell formacionet startuese në derbin Barcelona – Inter.

FC Barcelona
(4-3-3): Victor Valdes; Dani Alves, Pique, Yaya Toure, Milito;
Xavi, Busquets, Keita; Messi, Ibrahimovic, Pedro.

Internazionale
(4-2-1-3): Julio Cesar; Maicon, Lucio, Walter Samuel, Zanetti;
Cambiasso, Thiago Motta; Sneijder; Eto’o, Milito, Pandev.

/LajmeSport.com

van Gaal: Bayern mund të mposht çdo ekip

Mentor — Wed, 28 Apr 2010 13:19:54 +0000

Louis van Gaal ka lavdëruar suksesin e Bayern Munich , i cili është kualifikuar në finalen e Champions League dhe do të takohet me fituesin e ndeshjes Barcelona – Inter.

“Bayern mund të mposht çdo ekip. Ja, pse jemi në finale”,deklaroi van Gaal për ueb-sajtin zyrtar të klubit.

“Kemi bërë punë të mrekullueshme. Ata luajtën shumë mirë. Është e shkëlqyer të jemi në finale”.

Mesfushori Schweinsteiger tha:
“Finalja është e shkëlqyer për të gjithë klubin. Jemi një ekip i mirë me karakter të shkëlqyer. Është mirë të luash në këtë ekip. Gjërat duken mirë, por nuk kemi fituar ende”.

“Jam krenar të jem në këtë ekip dhe me suksesin e arritur sonte. Kjo ishte super-performancë. Kemi një ekip të mirë dhe besojmë në vetvete. Jemi të gjithë të uritur për sukses”.

/LajmeSport.com

Ribery mungon në finale

Mentor — Wed, 28 Apr 2010 12:56:01 +0000

Lajme të këqija për finalistin e parë në Champions League, Bayern Munich.

Trajneri i Bayern Munich, Louis van Gaal nuk do të llogarisë në anësorin në Francezin Franck Ribery në finalen e UEFA Champions League, pasi ai është dënuar me tre ndeshje moslojë.

10 minuta para fundit të pjesës së parë në Allianz Arena, Ribery humbi kontrollin në mesfushë duke e fauluar Lisandro Lopezin, kurse gjyqtari nuk tregoi mëshirë duke e përjashtuar nga loja francezin.

Karl-Heinz Rummenigge kishte shpresuar se Ribery’s do t’i jepej dënimi për një ndeshja, por doli të ishte krejtësisht ndryshe sepse anësori u ndëshkua me tre ndeshje dënim.

Reprezentuesi Francez ishte ndëshkuar për ndeshjen e së Martës kundër Lyon, që do të thotë se atij i mbeten edhe 2 ndeshje suspendimi. Bayern mund të apelojë brenda tri ditëve për këtë vendim.

/LajmeSport.com

Boninsegna: Barcelona është e frikësuar nga Inter

Mentor — Wed, 28 Apr 2010 11:46:09 +0000

Legjenda e Interit, Roberta Boninsegna beson se Jose Mourinho mund ta përfundoj punën e tij në Camp Nou, duke u kualifikuar në finalen e Madridit pas fitores 3-1 në ndeshjen e parë që u zhvillua në Giuseppe Meazza.

“Mendoj se Barcelona frikësohet. Nuk mendoj se ata besojnë se do të jenë të gatshëm të fitojnë 4-0″,deklaroi Boninsegna për Goal.com Italia.

“Shikoni se çfarë ndodhi në San Siro. Kam besim për ndeshjen. Nuk do të jetë e lehtë sepse ata janë si një makinë”.

“Ata duhet të shënojnë dy gola dhe të mos pranojnë ndonjë dhe besoj kjo do të jetë shumë e vështirë sepse ata nuk shihen shumë të fortë në ndeshjen kthyese”.

“Shpresoj se Ibrahimovic nuk do të luaj për shkak të gripit”, bëri shaka Boninsegna.

“Çfarë më brengos më shumë janë gjyqtarët. Shpresoj se nuk do të bëj të njëjtën gjë si në ndeshjen kundër Liverpool [ 2008] kur e përjashtoi nga loja Marco Materazzin”.

Frank De Bleeckere ishte gjyqtar i asaj ndeshje dhe do të jetë edhe sonte në ndeshjen në Camp Nou.

/LajmeSport.com

Zgjidh ekipin e Interit kundër Barcelonës

Mentor — Tue, 27 Apr 2010 21:45:30 +0000

Padyshim që kjo mund të quhet ndeshja më e rëndësishme e Interit në sezonin 2009/2010, por përkundër avantazhit 3-1 asgjë nuk është e pamundur për Barcelonan.

Francesco Toldo ( Këmba ), Santon ( gjuri ), Maicon (dhëmbi), Goran Pandev ( kofsha) dhe Balotelli me siguri se nuk do të përfshihet në skuadrën e Mourinhos pas skandalit në javën e kaluar në Giuseppe Meazza, por si duket Maicon ka më shumë shansa të startojë.

Interi ka ditur të mbajë tempon e lojës në raste të nevojshme dhe këtë e ka treguar në ndeshjen kundër Chelseat, por mbetet të shihen rrethanat në Camp Nou.

Portierë: 12 Julio Cesar, 21 Paolo Orlandoni, 51 Vid Belec.

Mbrojtës: 2 Ivan Cordoba, 4 Javier Zanetti, 6 Lucio, 8 Thiago Motta, 23 Marco Materazzi, 25 Walter Samuel, 46 Luca Caldirola.

Mesfushorë: 7 Ricardo Quaresma, 10 Wesley Sneijder, 11 Sulley Muntari 17 Mariga, 19 Esteban Cambiasso.

Sulmues: 9 Samuel Eto’o, 22 Diego Milito, 89 Marko Arnautovic, Mattia Destro.

LajmeSport.com kërkon mendimin tuaj mbi llojin dhe lojtarët që do të përfshihen në formacionin startues të Mourinhos.

Zgjedh formacionin e Barcelonës kundër Inter

Mentor — Tue, 27 Apr 2010 21:15:17 +0000

Barcelona udhëtoi 14 orë drejtë Milanos, apo afro 1.000 kilometra në Giuseppe Meazza, por Interi e tregoi karakterin e vërtetë duke e mposhtur ekipin Blaugrana me rezultat të bindshëm 3-1, por ndoshta jo aq komod si kundër një ekipi të fortë si Barcelona.

Ekipi i Pep Guardiolas ka dëshmuar se në Camp Nou nuk njeh kundërshtarë dhe këtë e tregoi kundër Arsenalit, të cilin pas barazimit 2-2 në Emirates, në Camp Nou e mposhti me rezultat 4-1.

Portierë: Victor Valdes, Jose Manuel Pinto.

Mbrojtës: Dani Alves, Gaby Milito, Carles Puyol (Suspenduar ), Gerard Pique, Maxwell, Rafa Marquez, Eric Abidal.

Mesfushorë: Yaya Toure, Seydou Keita, Sergi Busquets, Xavi Hernandez.

Sulmues: Thierry Henry, Pedro Rodriguez, Bojan Krkic, Lionel Messi, Jeffren Suarez, Zlatan Ibrahimovic.

LajmeSport.com kërkon nga ju të lini llojin e formacionit dhe lojtarët që do të përfshihen në të.