Berlusconi ndërroi kanalin në TV pas pjesës së parë Man.Utd vs Milan
Mars 11, 2010
Presidenti i Milanit Silvio Berlusconi ishte tejet i nevrikosur me paraqitjen ndaj Manchester United, sa që e ka ndërruar kanalin e televizionit në të cilin po e shikonte sfidën para mysafirëve në rezidencën e tij, njofton La Repubblica.
Berlsuconi shpërtheu pas golit të dytë të Rooneyt dhe e ndërroi menjëherë kanalin e TV para mëse 20 senatorëve mysafir të tij në një darkë speciale.
Berlusconi kërkoi që të mos shikohej ndeshja, duke pohuar se do ishte më mirë të mos shikohej.
Thuhet se qëndrimi i Berlusconit ishte tejet frustrues pasi që ai as që e ka ndërruar kanalin të shoh se sa është rezultati.
Milani u shkatërrua nga Manchester United me rezultat 4-0 në Old Trafford.
/LajmeSport.com
Kaka kërkon falje
Mars 11, 2010
Pas eliminimit të Real Madridit nga Lyoni, Kaka ka kërkuar falje për këtë turpërim.
“ Është një goditje e rëndë kjo për Realin.”
“ Gjëja e vetme që mund të bëjmë është ti kërkojmë tifozëve falje. Të gjithë donim të luanim finalen në Bernabeu. Dhe ne nuk e arritëm.”
“ Unë kam arritur të tejkaloj shumë momente të vështira në karrierën time. Edhe ky moment do të kalohet së bashku.”
“ Ne krijuam shumë raste shënimi, por nuk i shfrytëzuam. “
“ Në Ligën e Kampionëve kjo ju kushton.”
“ Nuk u hidhërova pse u zëvëndësova, por për shkak të rezultatit.”
“ Unë u zëvëndësova nga Rauli, që ka shumë eksperincë shënimi.” Përfundoi Kaka.
/LajmeSport.com
Leonardo: Vështirë të luhet ndaj një Manchesteri të tillë
Mars 10, 2010
Leonardo u shpreh i zhgënjyer me eliminimin nga Liga e Kampionëve duke u deklaruar menjëherë pas ndeshjes.
“ Është vonë ta analizojmë tani ndeshjen. Arsyet e humbjes dihet cilat janë.”
“ Ne e kemi menduar lojën ndryshe, por fatkeqsisht lëndimet kanë ndikuar në këtë ndeshje. Kur keni probleme strukturore është vështirë të luash ndaj një Manchesteri të tillë.”
‘ Ekipi bëri gjëra të veçanta por rezultatet nuk mund ta fshijnë këtë humbje. Gjithashtu nuk do të ishte mirë të mendonim vetëm për sonte.”
“ Për të arritur diçka në Ligën e Kampionëve të duhet kohë dhe balanc gjë që nuk e patëm. “
“ Tani duhet të tregojmë maturi për të mos lejuar që kjo ndeshje të na mposht.” Tha Leonardo.
/LajmeSport.com
Pellegrini: Unë kam faj
Mars 10, 2010
Dështimi i gjashtë me rallë i Real Madridit në të njëjtën fazë e ka prekur thellë Manuelle Pellegrinin duke marrë personalisht përgjegjësinë për eliminimin.
“ Finalja ishte synimi ynë, dhe për këtë asye eliminimi dhemb. “
“ Unë mbaj përgjegjësinë për eliminimin, por ne duhet të këndellemi dhe të vazhdojmë të punojmë në La Liga.”
“ E ardhmja ime varet nga drejtuesit e klubit, dhe gjëja e vetme që mund të bëj është të vazhdoj të punoj si përpara. Është një goditje e rëndë por duhet të vazhdojmë më tutje.”
Guti tha pas ndeshjes se nëse Reali duhet të luaj më shumë individualisht për të arritur sukses kurse Pellegrini ishte skeptic:
“ Secili ka mendimin e tij. Ne patëm një pjesë të parë të madhe, por në të dytën… Në të dytën e lamë Lyonin të hapej dhe ja kemi lehtësuar gjërat. “ Tha duke qajtur Pellegrini për AS pas ndeshjes.
/LajmeSport.com
Galliani: Nuk e kam pritur një humbje të tillë
Mars 10, 2010
Zv. Presidenti i Milanit Adriano Galliani është shprehur i nevrikosur pas takimit me Manchester United duke thënë se ai kurrë nuk e kishte pritur një humbje të tillë, përkundër mungesave të mëdha.
“ Një sukses që pak skuadra si Manchester United mund ta arrijnë. Pa Nestan, Boneran, Antoninin ne ishim pa mbrojtje. “
“ Rooney është fantastik, jo vetëm për golat. Ne nuk patëm mbrojtje në pjesën e dytë. “
“ Tani po mendojmë për Serien A, dhe duhet të ndjekim këtë garë.”
“ Gjithçka ishte paraparë, nuk e kemi menduar kualifikimin me këtë fond të lojtarëve, por të ju them të drejtën kurrë nuk do ta prisja një humbje të tillë.”
“ Unë jam i hidhëuar dhe i kam folur Leonardos dhe lojtarëve pas ndeshjes, dhe i thashë se duhet të përqëndrohen në Serie A.” deklaroi pas ndeshjes për Sky, Galliani.
/LajmeSport.com
Ferguson: Fitore rutinore
Mars 10, 2010
Trajneri i Manchester United Sir Alex Ferguson u shpreh i kënaqur pas turpërimit bërë Milanit në Old Trafford.
” Ishte fitore rutinore.”
” Ishte fundamental ai goli 2-0. Qe prej atij goli gjithqka u vendos dhe ndeshja kishte perfunduar. Rooney eshte ende djalosh dhe duhet te permiresohet, kurse Park ka luajtur rol te madh si playmaker.” Deklaroi Ferguson menjehere pas ndeshjes.
/LajmeSport.com
Eliminohen mbretërit
Mars 10, 2010
Befasia më e madhe e Ligës së Kampionëve këtë sezonë është skuadra franceze Lyon që ka arritur të eliminoj skuadrën e vlefshme 325 milion euro Real Madrid midis Santiago Bernabeut…
Lyonit i nevojitej vetëm një gol për tu kualifikuar dhe duke ditur këtë Real Madridi ndezi motorët me të filluar takimi.
Pas një pasimi të Gutit, Ronaldo tregon shpejtësinë e tij duke shënuar pas një sprintimi për 1-0 dhe gëzimin e tifozëve në Bernabeu (6’).
Real Madridi vazhdoi presionin dhe rastet nuk munguan. Sidoqoftë, edhe Lyoni nuk zbrapsej dhe u tregua i rrezikëm me anë të disa kundërsulmeve.
Pas një aksioni bukur të organizuar, Lisandro Lopez asiston tek Miralem Pjanic që e pati lehtë të eliminoj Realin (75’).
Sevilla e dytë nuk u përsërit dhe Real Madridi nuk arriti të shënoj një herë, e lëre më të kualifikohej.
Pas këtij eliminimi skandaloz të yjeve të Realit, mund të pasojnë shumë ngjarje interesante, siç është pushkatimi i Pellegrinit.
/LajmeSport.com
Milani eliminohet dhe turpërohet
Mars 10, 2010
Manchester United ka arritur të siguroj kualifikimin në çerekfinale pasi që mposhti në ndeshjen kthyese Milanin me rezultat 4-0 duke e dërguar kokëulur skuadrën italiane në shtëpi.
Manchester United ishte skuadra më e mirë që nga fillimi i takimit, dhe Milani kapituloi shumë shpejtë, pasi që u vërejt mungesa e Nestës dhe Patos.
Rooney pas një harkimi të mirë arrin të shënon në stilin e tij me kokë për 1-0 (13’).
Milani u mbajt disi në pjesën e parë dhe nuk lejoi të pranoj më shumë.
Pjesa e dytë ishte katastrofale për rosonerët.
Pas një kundërsulmi të organizuar, Luis Nani shërben bukur Rooneyn meqë rast ky i fundit shënon lehtë për 2-0 dhe golin e tij të katërt në Ligën e Kampionëve (46’).
Ji Sun Park pas një pasimi të bukur në thellësi të zonës arrin të shënoj për 3-0, (59’).
Dhe vetëm Fletcher nënshkroi në fund kapitulimin (87’).
Milani kështu eliminohet nga gara më e madhe europiane duke ja lënë barën për nderin e Italisë Interit që takohet të martën e ardhshme në Stamford Bridge me Chelsean.
Shorti për çerekfinalet tërhiqet më 19 Mars.
/LajmeSport.com
Helton i pikëlluar me eliminimin nga Arsenali
Mars 10, 2010
Porto më mirë e kishte të mos udhëtonte fare në Londër për të zhvilluar ndaj Arsenalit ndeshjen kthyese, meqë rast u shkatërruar me rezultat 5-0 dhe portieri fantastik në ndeshjen e djeshme, përkundër pesë golave, Helton shprehet të jetë i pikëlluar.
“ Ne tentuam të reagojmë pas golit të parë dhe të vazhdojmë ashtu, njësoj siç bëmë në ndeshjen e parë, por fatkeqsisht ne nuk ishim në gjendje. Të humbasim një ndeshje të tillë, në këtë mënyrë, nuk është lehtë për tu pranuar.”
“ Pas kolizionit me Fucilen, që ishte shkak i golit të parë, nuk e di se çfarë shkoi keq. Natyrisht se topi përfundoi në rrejtë, por nuk pashë se çfarë ndodhi.”
“ Është mirë që njerëzit thonë se kam luajtur mirë, por nuk e bëj këtë punë duke menuar për vete. Fatkeqsisht unë ne dolëm jashtë ashtu siç dhe bëmë, dhe unë vetëm mund të them se jam i pikëlluar.” Tha Helton.
/LajmeSport.com
Puel: Do të flasim në fushë
Mars 10, 2010
Lyoni është rrezikuar ndoshta nga deklaratat e fundit të drejtuesve dhe lojtarëve të Real Madridit se do të shkatërrohen në Bernabeu, mirëpo është Claude Puel trajneri i Lyonit, që shuplakën e kthen me shuplakë duke thënë se Lyon do të flas në fushë dhe jo në konferenca për shtyp.
“ Kjo nuk ndikon në mua. Deklaratat para ndeshjeve nuk kanë rëndësi, përgjigja do të gjindet në fushë. Reali beson në vetvete, por ne gjithashtu besojmë në vetvete.”
“ Ne jemi 1-0 në përparësi, dhe ne e dijmë se Reali mund të shënojë shumë gola. Ne duhet të shënojmë për tu kualifikuar.”
“ E vërteta do të gjendet në fushë. Ne kemi menaxhuar më mirë me skuadrën ndërmjet periudhës prej ndeshjes së parë deri tani.”
Puel pushoi shumicën e lojtarëve startues ndaj Bolougne me të cilën barazoi pa gola, dhe gjithashtu mesfushori kryesor Jeremy Toulalan do të mungoj.
/LajmeSport.com
Lajmet E Fundit Në Email
Lajmet e Fundit
- Bayern Munich dhe Wolfsburg stabil
- Bendtner shpëton Arsenalin
- Chelsea leshon sinjale para ndeshjes me Inter
- Tottenham me afer zones Champions
- Obi Mikel: Sulmi i hershëm do të na mundësojë dominimin
- Roma interesohet për Vermaelen e Arsanalit
- City përgatit 50 milionë € për Higuain & Gago
- Kaka` nuk përfshihet në formacion të parë kundër Valladolid
- Zgjidh ekipin e Milanit
- Juventus ka 80 mil. € në dispozicion
Sondazh i LajmeSport
Loading ...Kategoritë
- Analiza Sportive
- Basketboll
- Boks
- Champions League
- Europa League
- Formula 1
- Futboll
- Kampionati Anglez
- Kampionati Botëror 2010
- Kampionati Francez
- Kampionati Gjerman
- Kampionati Italian
- Kampionati Spanjoll
- Klasifikime
- Komente Live
- Kryesoret
- Parashikime Sportive
- Sporte Të Tjerë
- Sporti Shqiptar
- Tenis
- Video Galeri
