Duke na mbetur vetëm edhe 10 Javë para fillimit të Kupes së Botës ne i hedhim një sy Top-10 golashënuesve në Kupen e Botës.

10) Teofilo Cubillas (Peru) – 10 gola (1970, 1978, 1982)

Lojtari më i mirë i të gjitha kohërave për kombëtaren e tij. Ishte inspiruesi i skuadrës së tij që të shkojnë në cerek-finale më 1970. Shenojë një gol të mrekullueshëm kundër Skocisë më 1978.

9) Gary Lineker (England) – 10 gola (1986, 1990)

Top-Golashënuesi më i mirë në Kupën e Botës më 1986 me 6 gola. Shënojë 4 gola në kampionatin e vitit 1990.

8 ) Gabriel Batistuta (Argentina) – 10 gola (1994, 1998, 2002)

Sulmuesi legjendar i Argjentinës. Shënojë gjatë tri Kampionateve 1994,1998 dhe në 2002.

7) Helmut Rahn (West Germany) – 10 gola (1954, 1958)

Njihet më shumë për dy golat e tij të shënuara në finalen e vitit 1954 kundër Hungarisë, por ishte yll edhe në kampionatin radhës në Suedi. Ai këto 10 gola i shënojë në 9 ndeshje.

6) Jurgen Klinsmann (Germany) – 11 gola (1990, 1994, 1998)

Një sulmues tipik i cili shënoi në tri kampionate dhe krijoj nje bashkpunim të shkëlqyer me Rudi Voller.

5) Sandor Kocsis (Hungary) – 11 gola (1954)

Ky lojtar lujati vetëm në një Kampionat Botëror por ishte lojtari kyc i Hungarise më 1954, shënojë në cdo ndeshje përvec se në finale ku u mposhtën nga Gjermania Perëndimore.

4) Pele (Brazil) – 12 gola (1958, 1962, 1966, 1970)

“Mbreti” hyri në skenë që në moshën 17 vjecare më 1958 duke shënuar dy gola në finale kundër Suedisë dhe shënoi sërish në finalen pas 12 viteve kundër Italisë, ndeshje e cila përfundoi 4-1 për Brazilin.

3) Just Fontaine (France) – 13 gola (1958)

Fontaine luajti vetëm në një Kampionat Botëror ashtu si Kocsis, por mbetet edhe në ditet e sotme si i vetmi lojtar që ka shënuar 13 gola në një Kampionat Botëror.

2) Gerd Muller (West Germany) – 14 gola (1970, 1974)

Njihet si sulmuesi më i rezikshëm në 16 metërsh, Muller shënojë 10 gola më 1970 për Gjermaninë Perëndimore, dhe më 1974 shënojë 4 gola.

1) Ronaldo (Brazil) – 15 gola (1994, 1998, 2002, 2006)

Braziliani Legjendar, më shumë njihet për eksplodimin e tij në Kupën e Botës 2002 ku edhe shënoi 8 gola, duke llogaritur 2 gola në finale, e dërgoi kombëtaren e tij drejt suksesit.

LajmeSport parashtron debatin mbi katër ligat më prestigjioze në botë.

Premier Liga Angleze

Lufta për titull në Premier Ligë bëhet dita-ditës më e nxehtë dhe më kulmore. Kanë mbetur edhe 8 javë deri në fund të sezonit dhe pretendentët kryesorë për titull janë gjithnjë e më afër njëri – tjetrit.

Në tabelën e Premier Ligës angleze dominojnë tri-super ekipe. Chelsea dhe Arsenali kanë nga 64 pikë dhe gjinden në dy pozitat e para kurse Manchester United i treti me 63 pikë dhe nëse fiton kundër Fulham me 66 pikë ngritet në pozitën e parë.

Pasi jemi në përfundim të sezonit këto tre ekipe nuk dorëzohen lehtë kurse dëshirë e flaktë për titull mbizotëron tek Arsenali dhe Chelsea , të cilët dëshirojnë trofeun medoemos, mirëpo nuk duhet përjashtuar Manchesterin i cili po kalon formë të jashtëzakonshme.

Në Premier Ligë: Kush do të jetë kampion për këtë sezon?
Manchester United, Chelsea ose Arsenal ?

La Liga Spanjolle

La Liga spanjolle xhiro pas xhiro po bëhet gjithnjë më interesante dhe ekipet që dominojnë janë kush tjetër pos Realit dhe Barcelonës, të cilët kanë nga 62 pikë me nga 25 ndeshje të zhvilluara.

Kanë mbetur edhe 12 javë deri në përfundim të kampionatit spanjoll dhe fituesi akoma mbetet i paqartë.

Mirëpo ndoshta takimi i dytë mes këtyre dy ekipeve që zhvillohet në Santiago Bernabeu mund të përfundojë dilemën e kampionit për këtë sezon dhe njëkohësisht të ndalet Barcelona dhe paratë e shpenzuara të Florentino Perezit të tregojnë rezultat , pasi mbretërit janë eliminuar nga CL dhe nga Copa del Rey.

Në La Liga: Kush do të jetë kampion për këtë sezon ?
Real Madrid apo Barcelona ?

Serie A Italiane

Edhe këtu ende nuk është përcaktuar fituesi i Scudettos. Interi që nga fillimi i sezonit ka kryesuar kurse Milani dhe Roma përkundër startit të dobët , ia kanë arritur qëllimit që të luftojnë për Scudetto.

Nerazzurët kryesojnë në vendin e parë me 59 pikë, por ndeshjen e fundit kundër Catanias ata pësuan humbje me rezultat 3-1. Milani me fitore eventuale do t’i afrohej liderëve për vetëm 1 pikë kurse Roma nëse fiton do të ketë 4 pikë më pak se Inter dhe 3 më pak se Milan.

Në Itali kanë mbetur gjithsej edhe 9 xhiro dhe gara për titull deri në fund të sezonit do të jetë shumë e nxehtë.

Në Serie A: Kush do të jetë kampion për këtë sezon:
Inter , Milan apo Roma?

Bundesliga Gjermane

Në kampionatin atraktiv gjerman lufta për titull mbetet e hapur. Përfundimi i kampionatit është shumë afër dhe pikët mes tre ekipeve pretendente janë shumë të ngjeshura.

Bayern Munich është lider me 56 pikë kurse i dyti është Schalke 04 me 54 pikë dhe i treti është Bayer Leverkusen i cili në rast fitore do të ketë 53 pikë të mbledhura.

Bayern Muncich po kalon formë të mirë duke mos humbur pikët në çdo ndeshje kurse edhe Schalke, Bayer Leverkusen nuk dorëzohen.

Në Bundesligë : Kush do të jetë kampion në këtë sezon:
Bayer Munich, Schalke apo Bayer Leverkusen?

LajmeSport.com ju fton të merrni pjesë në këtë debat. Shprehuni në hapësirën për komente mbi këto të dhëna që i përgatitëm për ju.

Mentor Vuçitërna, LajmeSport.com

Me Premier Ligën, Serien A, La Ligën, Bundesligën dhe Ligue 1 në përfundim e sipër, LajmeSport.com analizon gjasat e skuadrave për të fituar titujt në ligat përkatëse, dhe zgjedh nga një favorit për kampionatin e caktuar.

Kampionatet po hyjnë në fazën më inkandeshente të mundshme, është faza e fundit ajo që përcakton fituesit e titujve, dhe në asnjë kampionat të lartpërmendur nuk është vendosur fituesi para kohe, madje madje, gara është me hapur se kurrë në secilin prej kampionateve veq e veq.

Premier Liga

Kandidatët për titull:

1. Chelsea
2. Manchester United
3. Arsenal

Manchester United është favoriti për titull në Premier Ligë, i zgjedhur nga staffi ynë. Jo rastësishtë është bërë kjo zgjedhje, pasi që United kohëve të fundit nuk po njeh kundërshtar, dhe duke parë formën, pozitën, skuadrën, dhe kalendarin në veçanti, United është favoriti numër një. Së shpejti United do të pres Chelsean në Old Trafford, impiant në të cilin United vështirë humb, dhe në të cilin pritet të vendoset titulli

Kur jemi te Chelsea, mbrojtja e Chelseat kohëve të fundit nuk u tregua aspak stabile, sidomos pas takimit ndaj Interit në Ligën e Kampionëve. Skuadra e Ancelottit është në pozitën e parë, por situata pritet të ndryshoj pas udhëtimit të Chelseat në Old Trafford, dhe takimeve tjera të vështira.

Arsenali nuk është outsider total . Arsenali nëse di ta shfrytëzoj kalendarin dhe lëshimin e pikëve nga skuadrat e lartpërmendura, shumë lehtë mund të shpallet kampion, pse jo.

Serie A

Kandidatët për titull:

1. Inter
2. Milan

Interi është favoriti jonë për të fituar Scudetton e pestë me radhë. Nerazzurët janë në rrugë shumë të mirë për ta bërë këtë, sidomos pas ndeshjeve të fundit kur u tregua formë e lartë në mbrojtje dhe në sulm. Interi është një kalibër më i lartë se Milani, dhe dy kalibra më i lartë se Roma, që për ne nuk është as pretendent matematikor për titullin.

Milani mund të jetë befasia e këtij kampionati. Milani duhetë të fitojë disa ndeshje të rëndësishme sikurse që është ajo me Romën, dhe Juventusin, dhe të shpresoj që Interi të humbas në raport me këto dy të fundit, gjë që teorikisht është e pamundur. Skuadra e Milanit nuk krahasohet me atë të Interit, dhe rosonerët ende nuk janë pjekur për të fituar Scudetton, sidomos pas derbit turpërues të 24 Janarit.

La Liga

Kandidatët për titull:

1. Real Madrid
2. Barcelona

Ah sa polemika pritet të zgjoj ky pohim i joni. Real Madridi, shikojeni nga cilido kënd që dëshironi, është favorit për titull, dhe jo kot është zgjedhur nga ne si i tillë.

Real Madridi po kalon formë fenomenale në 7 ndeshjet e fundit, dhe pasi që shënoi 15 gola në tre ndeshje, Reali ka filluar ose më mirë thënë është tmerri numër një i çdo skuadre në Europë. Marrë parasysh se Reali do të pres në Bernabeu Sevillën, e më pas do të tentoj ti hakmirret Barcelonën pikërisht në Bernabeu, Reali ka gjasa reale për të triumfuar në Maj, përkundër dy pikëve dizavantazh në raport me Barcelonën.

Kthehemi te Barcelona. Barcelona në njërën nga editorialet ishte përshkruar si skuadër që ka filluar të humbas shkëlqimin, dhe kjo është absolutisht e vërtetë. Shumë mund të mendojnë se ne jemi tifozë të Realit, por ky nuk është fakt, pasi që ndeshja me Malagën vërtetoi se pas El Classicos të zhvilluar në Camp Nou, e që e fitoi Barcelona, Barcelona njëkohësishtë humbi shumë, pasi që Manuell Pellegrini i mësoi skuadrat e vogla se si ta ndalin Barcelonën. Sidoqoftë, nëse Barcelona mposht Realin, përsëri nuk garantohet titulli. Mos të harrojmë se Barcelona do të duhet të udhëtoj në dy terrenet tradicionalisht të vështira, El Madrigal dhe Ramon Sanchez Pizjuan në javën e fundit, për tu takuar me Villarealin respektivisht Sevillën.

Ligue 1

Kandidatët për titull:

1. Bordeaux
2. Lyon
3. Montepellier
4. Marseille
5. Lille

Siç e shihni më lartë Franca është vendi ku do të luftohet vërtetë me të gjitha armët për titull. Kalendari është i ngjeshur, dhe skuadrat mes veti nga lideri Bordeaux deri te Lille i ndajnë 4 pikë.

Sidoqoftë, Bordeaux është top favorit për titull pasi që ka dy ndeshje më pak të zhvilluara dhe ka traditën, skuadrën, formën dhe gjithçka për të fituar, si në rang vendor ashtu dhe ndërkombëtar.
Montpellier është befasia e këtij kampionati por sipas analistëve kjo skuadër do të bie nga piedestali pasi që Lyon dhe Marseille po vijnë nga seritë prej 5 fitoreve radhazi.

BundesLiga

Kandidatët për titull:

1. Bayern Munchen
2. Bayer Leverkusen

Bayern Munchen menzi riktheu pozitën e parë pas disa muajsh në pozitën e dytë. Pas një serie prej 11 fitoresh që ende vazhdon, Bayerni konsiderohet si i paprekshëm në Gjermani, dhe prandaj i ka të gjitha predispozitat për të fituar titullin e 32 në histori të klubit.

Bayer Leverkusen pas luftës së ashpër, më në fund lëshoi fronin. Sidoqoftë, Leverkusen ende është pranë Bayernit dhe nëse eventualisht ndodhë që Bayern të lëshojë pikë, e që është vështirë e mundur, Leverkusen do të kërcej dhe do të spastroj situatën.

Arnolld Korenica, LajmeSport.com

Pas marrjes së lajmit se Julio Cesar pësoi aksident pranë San Siros, dhe dyshimit për paraqitjen e tij në super duelin e Interit nesër mbrëma me Chelsean, ka ardhur në shprehje Francesco Toldo si zëvëndësuesi i tij.

Kush është Francesco Toldo ?

Njëri prej portierëve më të mirë të të gjitha kohërave. Francesco Toldo, për ata që e kanë përcjellur futbollin e viteve 95-2000 ka qenë njëri prej portierëve të elitës botërore se bashku me Oliver Kahnin e Gjermanisë.

Kur shkëlqeu Toldo ?

Toldo vitet e arta i pati vitet 98-2004. Në vitin 1998 ai mbrojti ngjyrat e Italisë meqë rast shkëlqeu por kombëtarja Italiane dështoi atë vit. Atë kohë, Toldo luajti për Fiorentinën dhe pas paraqitjeve fantastike Interi e transferoi atë në ekipin e artë të vitit 1999, ku poashtu tregoi performanca të jashtëzakonshme.

Viti 2000 ishte klimaksi i karrierës së Toldos. Më mirë se holandezët Toldon nuk e njohin askush. Në gjysmëfinalen e vitit 2000 të kampionatit europian, Toldo ndaj holandës mbrojti një penalti në sekondat e fundit, meqë rast e dërgoi ndeshjen në vazhdime. Në vazhdime, ai mbrojti edhe një penalti dhe dërgoi takimin në penaltitë. Në penaltitë i ndal edhe dy të tilla, për të hyrë në analet e Uefas, si portieri i parë që ndal katër penalti në një ndeshje.

Toldo sot ?

Vërtetë, Toldo tani është 36 vjeçar por dua të ju kujtoj një Van der Saar që është 39 vjeçar, apo Oliver Kahnin që deri dje mbrojti ngjyrat gjermane, në moshën 40 vjeçare. Toldo nuk është në formën më të mirë, pasi që ai ishte nën hijën e Julio Cesarit. Këtë sezonë ai luajti vetëm tri ndeshje në Coppa Italia ku dhe bëri një gabim trashanik ndaj Juventusit, të cilin më vonë Mario Balotelli e hesht.

Pikat e forta të Toldos ?

Penaltitë dhe gjuajtjet nga distanca. Nga distanca Toldo është edhe aktualisht njëri prej portierëve më të mirë në botë. Nuk ka lojtarë që mund ta mposht aq lehtë këtë portier nga distanca. Gjatësia e tij, e bën të veten.

Pikë tjetër e fortë e këtij gardiani janë dhe penaltitë. Statistika ndaj holandës dhe dhjetra penaltitë të ndalura të Toldos gjatë karrierës për Interin, e bëjnë atë portierin më të mirë të penaltive në histori të futbollit.

Sa do të mund të kishte ndikim ai në ndeshjen ndaj Chelseat?

Relativisht. Francesco Toldo është portier legjendar por nuk mund të krahasohet me të aksidentuarin Julio Cesar, që është dhe portieri më i mirë në botë aktualisht. Toldo mund të jetë kështjellë për Interin nga goditjet nga distanca, të cilat do ti kemi shumë nga Chelsea pasi që mbrojtja e Interit di të mbyllet mirë, dhe do ta detyroj një Didier Drogba apo Michael Essien për ti lancuar raketat.

Penaltitë mund të jenë kruciale për këtë takim, dhe me një Toldo në portë, Interi mund të ndihet i sigurtë edhe në penalti.

Natyrisht, Toldo nuk e ofron sigurinë si Julio Cesar, po padyshim se mund të jetë mjaft i dobishëm.

Për më shumë, ja dhe video-ja e siguruar nga Armir Osa të cilin e falenderojmë përzemërsisht.

Arnolld Korenica, LajmeSport.com

LajmeSport.com, sjell, ekskluzivisht pesë arsyjet pse Interi do të mund të mposhtte Chelsean në Ligën e Kampionëve, në super duelin që zhvillohet të mërkurën në San Siro.

Të mërkurën në ora 20:45, në fushëbetejën e lagjes San Siro, në vendin e quajtur Giuseppe Meazza, takohen dy gjigantët botëror të futbollit, në njërën anë Interi, kampion aktual i Italisë, në anën tjetër Chelsea, një skuadër e çeliktë në Champions.

Nderi i Italisë qëndron në duart e Interit. Nëse rastëisht Interi do të eliminohet nga Chelsea, është e sigurtë se futbolli Italian do të pësonte një goditje që do të mund të shpiente në KO.

Sidoqoftë, shumë ekspertë e përkufizojnë Chelsean favoritë ndaj Interit, por të lësh anash një Inter të këtij kalibri mund jetë një gjë mjaft naive. Prandaj sjellim pesë arsyet pse Interi do ta mposht Chelsean në këtë takim.

1. Jose Mourinho

Shumë persona mund të jenë kritik ndaj Jose Mourinhos, por ata natyrisht se kanë një arsye. Sidoqoftë, Jose Mourinho është njëri prej trajnerëve më të mirë dhe më të mençur sot në botë. Për të arriturat e Mourinhos mos të flasim fare por do të fokusohem pak në praninë e tij në këtë takim.

Prezenca e një Mourinho në Inter, në kohën kur ndeshet me një Chelsea, është garanci se fituesi i këtij dueli nuk do të përcaktohet deri në sekondën e fundit të sfidës, madje edhe nëse Inter humb në San Siro. Mourinho e njeh Chelsean përbrenda, dhe, edhe pse shumë gjëra kanë ndryshuar në Chelsea pas largimit të tij në 2007, shumë lojtarë të tij luajnë ende. Për më shumë, Mourinho nuk ka humbur një ndeshje si vendas që nga viti 2002.

2. Presion i lartë

Shumë prej analistëve të futbollit Italian jashtë Italisë do ta kenë syrin e tyre te Interi në mënyrë që të vendosin arrijnë konkluzat e tyre për futbollin Italian. Fakti që Nerazzurët ishin të tmershëm në vitet e fundit në Ligën e Kampionëve dhe në Serie A ishin të pandalshëm, na thotë se në Serie A nuk ka konkurrencë. Sidoqoftë, Italianët refuzojnë të pranojnë se Interi është superfuqi e vetme në Serie A, pasi që të gjitha titujt u fituan pas Calciopolit.

Interi është eliminuar në vitin 2009 nga United, kurse në vitin 2008 nga Liverpooli. Përsëri Interi ka shortuar një klub anglez. Por, thotë dikush, çfarë ka të bëj presioni këtu? Presioni, është shumë i madh për Interin dhe mund ti detyroj futbollistët të tregojnë se kush janë, si për t’ua mbyllur gojën anglezëve ashtu dhe Italianëve të cilët ashtu ashtu nuk i kanë punët mirë me Mourinhon, sidomos pas ndeshjes së djeshme me Sampdorian.

3. Mbrojtja e hekurt

Interi ka pranuar vetëm 20 gola në 25 ndeshje në Serie A, dhe pësoi gjashtë gola në një grup me Barcelonën. Kjo statistikë tregon se sa e fortë është mbrojtja e Nerazzurëve. Fakt tjetër i mbrojtjes së hekurt është dhe barazimi me Sampdorian me nëntë lojtarë në fushë, për mëse 60 minuta. Kjo tregon karakterin e një Mourinho, që u tregua legjendar pas takimit kur deklaroi se “ mund të na mposhtni vetëm kur do jemi me gjashtë lojtarë.”

Lucio në mbrojtje i ka dhënë Interit një dimenzion tjetër. Julio Cesar është padyshim portieri më i mirë në botë, kurse nga ana tjetër Maicon, edhe pse nuk është ai i sezonit të kaluar, ai mbetet mbrojtësi më i balancuar i krahut të djathtë në botë. Nëse këta më lartë nuk janë në disponim, janë dy njerëz tjerë me përvojë në këtë garë që mund të kryejnë punën, Sulley Muntari dhe Esteban Cambiasso.

4. Faza e vështirë grupore

Interi ishte shortuar në një grup që përbëhej nga katër kampionët e Ligave përkatëse të Italisë, Ukrainës, Rusisë dhe Spanjës, dhe arriti të kualifikohej në pozitën e dytë, vetëm dy pikë prapa Barcelonës. Natyrisht, Interi ishte pa koncept ndaj Barcelonës në San Siro, dhe humbi keq ndeshjen e dytë në Camp Nou, por më pas nuk pësoi asnjë humbje dhe mposhti një Dynamo Kyiev të fortë në shtëpi.

Kundërshtari i vetëm i Chelseat në fazën grupore ka qenë Porto. Në atë kohë Athletico Madridi ishte në krizë dhe vuajti nga rezultatet e dobëta në La Liga, por mos të harrojmë, Aguero vetëm ndali Chelsean në Vicente Calderon. Chelsea ende nuk ka patur konkurencë të vërtetë në Ligën e Kampionëve.

5. Sulmi i Interit – Ibrahimovic = Sulm i klasit botëror

Arsyeja pse Interi nuk arriti të shkëlqejë në Ligën e Kampionëve është e thjeshtë, por aq edhe e komplikuar për ju. Nuk është as tradita, as titujt e fituar, as tabuja gjysmëshekullore, por është Zlatan Ibrahimovic shkaku pse Interi dështoi.

Ibrahimovic luante i vetëm dhe kërkonte topa si në Serie A ku loja ju dërgon në gjumë. Ai dëshmoi talentë në Serie A por dështoi në garën më të madhe. Tani Interi ka Samuel Eto’on, Diego Militon, Goran Pandevin dhe Mario Balotellin të cilët ndihmohen nga mesfushori më në formë sot Sneijder, që është njëkohësisht bossi i repartit qëndroro-ofanziv të mesfushës.

Eto’o është ndoshta njëri prej sulmuesve më të mirë në botë edhe pse ai këtë sezonë nuk shkëlqeu, ndoshta për shkak se luajti larg golit. Mos të harrojmë, Eto’o ka shënuar më shumë, ka luajtur më shumë dhe ka gjithçka më shumë se Didier Drogba në Ligën e Kampionëve.

Diego Milito edhe pse nuk ka përvojë në Europë, ai është shumë i rrezikshëm para portës. Goran Pandev nuk ka luajtur dhe aq shumë jashtë Italisë por tregoi klass në takime të mëdha, si p.sh në turpërimin e Milanit. Balotelli është ujku i ri që 89 minuta nuk luan, por në minutën e fundit hyn në lojë dhe shënon.

Nga gjithë kjo më lartë konkludojmë se – Inter dështoi vitet e kaluara sepse nuk kishte një mesfushor të klasit botëror, por, tani Interi ka Sneijderin. Natyrisht, holandezi nuk është trikuartist por kur ai luan prapa sulmuesve ai është gjeni i vërtetë me passime në thellsi, goditje precize, dhe me aftësi të mëdha nga ndërprerjet.

Çfarë thoni ju lexues të nderuar, pse Interi dështoi vitet e kaluara ndaj skuadrave angleze? A do ta mposht Interi Chelsean të mërkurën në San Siro? Shprehuni…

Arnolld Korenica, LajmeSport.com

LajmeSport.com ju sjell edhe një herë specialet e Ligës së Kampionëve, kësaj radhe me super duelin Inter vs Chelsea pranë zhvillimit, e të cilit natyrisht se do ti hedhim një sy kritik.

Pas masakrës që Manchester United i bëri Milanit pak ditë më parë në San Siro, tani e ka radhën dhe ndeshja e tjetër e luftës Itali vs Angli, e që tashmë në epërsi janë anglezët.

Mourinho di gjithçka për skuadrën e Chelseat pas tri vitesh qëndrimi atje, dhe Ancelotti di shumë për Interin nga betejat e ndryshme me rivalin Milan.

Analistët, ekspertët dhe bastoret botërore favorizojnë lehtë Chelsean për këtë duel dhe ne ju sjellim arsyet se pse Chelsea do të favorizohet në këtë duel.

1. Froma nuk gënjen kurrë

Kontrast i vërtetë. Që pas fillimit të shkëlqimit të Chelseat tetë vite më parë, Chelsea gjithmonë ka arritur së paku deri në qerekfinale të CL. Interi, në anën tjetër, ka dështuar në fazën 1/16 që mëse katër vite radhazi.

Vitin e kaluar Manchester United mposhti Interin e Mourinhos ashtu si Liverpooli dy vite më herët Interin e Mancinit.

Chelsea nga ana tjetër ishte një fije floku larg triumfit në Ligën e Kampionëve kur u mposht nga Manchester United në finale në penalti.

Massimo Moratti dëshiron patjetër Ligën e Kampionëve këtë stinor, pasi që dëshiron të vazhdoj traditën e babait të tij, nën të cilin Inter fitoi dy tituj të Ligës së Kampionëve.

Duke luajtur në një ligë të dobësuar pas Calciopolit nuk i ka ndihmuar aspak Interit në ndeshjet e mëdha në të kaluarën, dhe as që do të ndryshoj në të ardhmen.

2. Stabiliteti në mbrojtje

Po, po, shumë është folur për golat nga ndërprerjet që Chelsea i ka pësuar këtë sezonë.
Mua nuk më befason që Chelsea ka pranuar 16 nga 22 gola (73%) nga ndërprerjet.

Tani mund të më fyeni për atë që thashë më lartë, por nuk besoj se do ta bëni. Nëse shikoni nga ana tjetër, kjo është një statistikë e mirë. Blutë e Londrës kanë pësuar vetëm 6 gola në 26 ndeshje nga loja e hapur. Kjo është statistikë fantastike.

Nëse shtojmë faktin që Inter ka pësuar 20 gola në 22 takime, as edhe super forma e Sneijder nuk do ti ndihmoj Interit të shënoj, pasi që ashtu siç bëri Napoli në fundjavë, ashtu do të bëj dhe Ancelotti.

Sneijder është ekspert i ndërprerjeve dhe Ancelotti gjatë githë javës ka stërvitur vetëm në ndërprerje.

3. Didier Drogba

Ishte Rooney ai që detyroi Milanin të kapituloj të Martën në San Siro, dhe ndoshta njeriu që mund të krahasohet me Rooneyn aktualisht në Premier Ligë është Didier Drogba.

Didier Drogba do të jetë vetëm në sulmin e Chelseat ndaj Interit, dhe forma e tij fenomenale prej 27 golave në 29 paraqitje si për klubin ashtu dhe për kombëtaren është statistikë e frikshme për Nerazzurët.

As Samuel Eto’o as Diego Milito, pa marrë parasysh sa gola kanë shënuar nuk mund të jenë të pandalshëm si Drogba. Drogba ndoshta nuk është në formën jetësore por shënon atëherë kur ekipit të tij i duhet më shumë.

Rreziku permanent për Chelsean pritet të jetë vetëm Goran Pandev që pas ardhjes në Inter është rilindur.

4. Taktikat e Ancelottit

Chelsea ndoshta është më e goditur nga lëndimet, me Ashley Cole dhe Michael Essien që do të mungojnë, e që natyrisht janë lojtarët më me ndikim në lojën e bluve, por, Ancelotti ka dhe shumë opcione të tjera.

Që nga fillimi i sezonit Ancelotti ka aplikuar një taktikë të lojës në krah, dhe ai ishte fleksibil duke vendosur formacione standarde si 4-4-2, 4-5-1 apo 4-3-3, varësisht nga situata dhe kundërshtari.

Mourinho padyshim se i ka shikuar të gjitha ndeshjet e fundit të Chelseat, dhe ai e ka vërejtur këtë fleksibilitet. Nëse është dikush që mund të ndal Ancelottin në San Siro, atëherë ai është Jose Mourinho, por, prap se prap Ancelotti mund ti organizoj një kurth Mourinhos, ashtu siç ja bëri ky i fundit Leonardos më 24 Janar.

5. Chelsea ka mposhtur një herë Interin këtë sezonë

Në rregull, ishte një miqësore parasezonale, por as Inter dhe as Chelsea nuk shkuan në ShBA për tu turpëruar para disa prej skuadrave më të mira europiane.

Ishte Drogba ai që shënoi në pjesën e parë dhe Lampard që shënoi për golin e dytë dhe të fitores nga penaltia.

Situata ka ndryshuar që nga korriku. Mourinho dhe Ancelotti kanë ndryshuar taktikat e tyre. Këto dy ndeshje do të jenë vërtetë një dallim i madh me atë që ndodhi verës, pasi që siç dihet mosha mesatare e Interit në atë takim ishte 20 vjet.

Përparësi për Chelsean mund të jetë dhe relaskimi psikologjik, pasi që njëherë ata kanë mposhtur kundërshtarët. Lampard dhe Drogba do të jenë njerëzit kryesor ndaj Interit, dhe ashtu si teknika edhe forma fizike do të ndikoj në këtë sfidë.

Passon – 5 mënyrat e Interit për të mposhtur Chelsean

/LajmeSport.com

LajmeSport.com pas takimit të djeshëm Milan – United dëshiron të ndaj mendimet me ju vizitorë të nderuar në një debat ku do të elaborohet gjithçka që ndodhi dje në San Siro.

Kjo analizë është ekskluzive nga unë dhe mendimet e mia janë në suazat e LajmeSport.com. Për këtë arsye është në formë të debatit që secili prej jush të shpreh mendimin e tij.

Më poshtë do të shtrohen arsyet e humbjes së Milanit para tifozëve të vet.

Pse humbi Milani ?

Pyetja e parë fillon me një pyetje tjetër. Pse fitoi Manchester United?

Skuadra angleze tregoi dje pjekurinë dhe vendosmërinë për tu rikthyer. Në pah u vë gjithashtu dhe strategjia dinake e Sir Alex Fergusonit. Fati gjithashtu e ndihmoi Unitedin në mposhtjen e Milanit, që nga ana tjetër dështoi të konkretizonte.

Nesta – Silva, çfarë shkoi keq ?

Dyshja Nesta – Silva funksionoi për mrekulli në pjesën e parë, kurse në pjesën e dytë dështoi totalisht. Në fakt kthesa në këtë takim u bë kur u barazua rezultati me atë gol fatlum të Scholes, meqë rast nga loja doli Antonini. Dalja e Antoninit ishte fatale për mbrojtjen e Milanit. Anësorët e United gjetën mjaft hapësira për të depërtuar në thellësi të zonës së Milanit, ku dhe u shpartallua mbrojtja e mrekullueshme e Milanit deri në ato momente.

Ku gaboi Leonardo ?

Leonardo duket se nuk mësoi asgjë nga disfata ndaj Interit, apo thënë më mirë gaboi më rëndë.

Stretegu brazilian gabimin e parë e bëri me të startuar takimi. Pozicionimi i David Beckhamit në qendër të fushës ishte një gabim fatal. Leonardo nuk shfrytëzoi sa duhet harkimet e Beckhamit që siç dihet janë legjendare. E kam përmendur shpeshherë kolaboracionin me Pirlon, që siç u pa dje dështoi. Leonardo, është dashur thjesht ta vendos Gattuson në pozitën ku luan vetë Gattuso, dhe jo Beckhamin në pozitën ku luan Gattuso.

Gabimi i dytë i Leonardos ishte Huntelaar. Unë personalisht nuk e kam parë holandezin të ketë prekur ndonjëherë topin, pos atij rasti ideal të lëshuar. Çdo sulmues tjetër do të shënonte nga ajo pozitë. Do të ishte më mirë që në vend të Huntelaar të luante Inzaghi që është dhe sulmuesi më i mirë i të gjitha kohërave në Ligën e Kampionëve , apo dhe Clarence Seedorf që u inkuadrua vonë dhe shënoi një gol maestral..

Gabimi i tretë dhe më i rëndë i Leonardos ishte zëvëndësimi i Antoninit të lënduar me Favallin. Favalli është një veteran që dje tregoi moshën e tij. Favalli më nuk është për futboll, por është për të luajtur shah në qendrën e penzionistëve. Gabimet e tij dje ishin katastrofike, të cilat rezultuan me një harkim të Valencias që përfundoi sfidën. Favalli ishte fajtori kryesor për dy golat e pësuar në pjesën e dytë.

A i shfrytëzoi Ferguson gabimet e Leonardos ?

Maksimalisht. Ferguson nuk qëndroi kotë në San Siro për të shikuar Milanin në ndeshjen me Udinesen, por për këtë i ndihmoi dhe ndeshja me Interin, sigurisht.

Planet e Leonardos dështuan për të mos pranuar gol, kur Ferguson ashtu siç e parashikova në epilogun e parashikimit Milan – United, shtroi posedimin e topit gjithandej fushës, duke e lodhur, raskapitur dhe sakatosur Milanin që hyri në lojë jo i përshtatur mirë.

Sikurse një roboti kur i vendos ndonjë pjesë në vend të gabuar ashtu u sjell dje dhe Milani. Pasi që lodhi Milanin, Ferguson hoqi nga loja të dështuarin Nani, dhe inkuadroi Valencian, që me një harkim për Rooneyn kreu punën e tij.

Fati ishte gjithashtu në anën e Fergusonit. Milani pati rastet e tij në këtë takim, por shfrytëzoi mos konkretizimin, që ishte maksimal për skuadrën e tij. United mbaroi ndeshjen me tre raste, dhe që të trija i konkretizoi. Thjesht, Ferguson dje aplikoi një strategji të përkryer, por lojë jo të mirë. Kjo dëshmoi se ndeshja e djeshme ishte ndeshje taktike.

A e meritoi Milani fitoren?

Sigurisht. Milani luajti në pjesën më të madhe të kohës më mirë, duke patur më shumë raste. Nga 14 goditjet e Milanit, 5 shkuan në kornizë, duke mos llogaritur dhe atë rast të Huntelaar.

Po ta kishte posedimin Milani më të lartë, atëherë sigurisht se fitorja do të ishte e rosonerëve. Mungoi pak dhe fati, në disa raste të veçanta.

Nuk mund të thuhet se edhe United nuk e meritoi fitoren, por Milani ishte i përkryer në këtë takim, përpos asaj se ju nënshtrua Unitedit në posedimin e topit, gjë që ndikoi në epilogun e takimit.

Këtu shtohet fakti, që Dida nuk ndaloi asnjë goditje, për arsye se nuk pati punë, por edhe kur pati, nuk e kreu punën si duhet, thjesht nuk pati gjasa, e nga ana tjetër Van der Saar vetëm sa nuk është shqyer.

Ronaldinho ?

Ronaldinho ishte fantastik. Ai nuk ishte fajtori për humbjen. Ai ishte fajtor pse nuk shënoi. Samba dhe Rumba në fillim të takimit ishin ekstraordinere. Ato pasimet e klasit dëshmuan se ai është lojtar i madh dhe ende ka diçka nga ai Dinho i vjetër.

Nuk e di sa ju fascinoi ai kalimi i dy lojtarëve të United, por mua thjesht më çmendi. As lojtari më i shtrenjtë në botë nuk do ta bënte atë, më pas, ajo goditje fenomenale që në fillim preku tokën dhe më pas shkoi te portieri ishte…

Van der Saar ishte në nivel të lartë në këtë takim prandaj Dinho nuk shënoi dhe një gol të dytë, pas atij golit të parë që elektrizoi takimin.

Është dhe ajo situatë kontestuese 1 me 1 me Rio Ferdinandin. Nëse shikoni mirë e mirë xhirimet e ngadalsuara do të vëreni që ai rast nuk kishte lidhje me penalti. Aty u vërejt se Ronaldinho po i afrohet penzionimit. Nuk arriti të kaloj një Ferdinand 34 vjeçar në një situatë 1 me 1. Nuk ishte penalti me vetë faktin se Ronaldinho lëshoi topin përpara kurse Ferdinand eliminoi Dinhon kur ky i fundit nuk e kishte pranë topin. Sidoqoftë, është vetëm mendimi im…

Rooney ?

Protagonisti kryesor i takimit. Definitivisht Rooney tregoi klasin e tij dje në atë takim, thjeshtë i parezistueshëm, sulmuesi më i mirë në botë aktualisht.

As një Silva me Nestën nuk arritën ta ndalnin Rooneyn. Në fakt Rooney është për çdo lavdatë për shkak të qëndrueshmëirsë së tij, dhe aftësisë për të shënuar nga pozita të papërshtatshme si goli i parë i tij me kokë pas harkimit të Valencias që ishte gabim i mbrojtjes rosonere.

Goli i dytë ishte fantastik. Mos të zgjas më shumë Rooney merr notën më të lartë nga unë për këtë takim.

Inzaghi, Seedorf dhe gjyqtari ?

Inzaghi është dashur të luaj që nga fillimi. Ai është golashënuesi më i mirë i të gjitha kohërave në Ligën e Kampionëve dhe mos shfrytëzimi i një asseti të tillë është vërtetë turp për Leonardon.
Jam i bindur se Inzaghi do të luante më mirë se Huntelaar, të paktën do ta shfrytëzonte atë rast të humbur. Një Inzaghi nuk i mjaftojnë 10 minuta lojë, por atij i duhet të luaj 90 minuta lojë, dhe në kohën shtesë shënon.

Seedorf tregoi klasin e tij prej një veterani dje. Njeriu që fitoi më shumë trofenjë të Ligës së Kampionëve shtoi shpresat e pashpresë të Milanit me atë gol maestral. Seedorf është dashur të luaj që nga fillimi, sidoqoftë, ai do të luaj në Old Traffod nga fillimi, për këtë jam i sigurtë.

Gjyqtari ishte fantastik. Në asnjë rast nuk gaboi, përpos atyre dy shkeljeve më qëllim të Rooneyt bërë ndaj lojtarëve të Milanit. Rooney duhej të përjashtohej por këtë nuk e vërejtën asnjëri nga katërshja e gjyqtarëve, përderisa futbollistët e Milanit lëngonin në tokë.

Cilat janë gjasat e Milanit për tu kualifikuar ?

Të pakta. Them kështu pasi që tre gola të pranuar si vendas janë shumë. Vetëm imagjinoni ambientin në Old Trafford dy javë më vonë. Old Trafford tradicionalisht ishte treguar terren i vështirë për Milanin.

Sidoqoftë, asgjë nuk është e pamundur. Nëse Leonardo sakrifikon një Huntelaar për një Inzaghi, apo një lojtar tjetër për Seedorfin do të mund të bëhej diferenca. Leonardo duhet të shfrytëzoj përvojën e madhe të lojtarëve të tij për të ndryshuar diçka përndryshe…

Parashikimet ?

Se sa ishte e vështirë për tu parashikuar kjo ndeshje tregon një fakt i nxjerrë nga ne.

Nga 144 komentues të pyetur në parashikim, për të parashikuar vetë vizitorët këtë sfidë është vetëm një që e ka qëlluar atë.

Vizitori Urim me email urimi_x15@………com që tha se ndeshja do të përundonte 2-3 për Manchester United.

Kjo ishte analiza e ime për këtë sfidë. Kërkojmë dhe mendimin tuaj për këtë sfidë, dhe për analizën në fjalë…Shprehuni..

Bashkohu në FaceBook

Arnolld Korenica, kryeredaktor i LajmeSport.com

Tashmë jemi disa orë para fillimit të super-derbit në kuadër të Champions League, AC Milan – Manchester United.
Jeni njoftuar me më të rejat e të dy klubeve në kohët e fundit.

LajmeSport do të tregojë se cilët lojtarë mund të shfaqen të rrezikshëm në ndeshjen e sotme dhe cilët nga ata ndoshta do të befasojnë.

Derbi Milan – Manchester United kësaj rradhe do të zhvillohet pa dy super-yjet, Kaka` dhe Cristiano Ronaldo, pasi që këta janë transferuar tek Real Madrid.

Por Alexandre Pato dhe Wayne Rooney do të jenë protagonistët e kësaj ndeshjeje. Them kështu falë formës së tyre mbresëlënëse.

Rooney i cili është duke mposhtur çdo portier, padyshim se është njëri nga lojtarët më të mirë në botë, por ai do të ketë punë me Nestan, i cili ky i fundit po tregohet i suksesshëm si në ajër, ashtu edhe në luftime një me një.

Pato në anën tjetër përkundër lëndimit,ia doli të rigjejë formën e tij dhe ndoshta mund të ‘eksplodojë’ në ndeshjen kundër Man.UTD, ndërsa pengesë e Brazilianit do të jetë mbrojtësi Patrice Evra.

Ndërsa mesfushorët që do të vrapojnë shumë për të sjellur ndryshime në rezultat , do të jenë Darren Fletcher dhe Massimo Ambrosini, të cilët në derbi si ky që do të jetë , dinë të jenë të rrezikshëm kur më së paku pritet.

Pra, Pato VS Evra , Rooney VS Nesta dhe Ambrosini VS Fletcher.

Por natyrisht, nuk duhet harruar Ronaldinhon, Pirlon dhe në anën tjetër Nanin. Mungesë e madhe për Djajtë e Kuq do të jetë Giggs.

Se çfarë do të ndodh do të verifikohet pas përfundimit të ndeshjes.
Se a mund të tregohet edhe dikush tjetër i rrezikshëm në derbi , shprehuni në hapësirën për komente.

Mentor Vuçitërna, LajmeSport.com

/LajmeSport.com

E gjithë vëmendja e botës së futbollit qëndron nesër në supersfidën Milan – Manchester United dhe LajmeSport.com nuk ka të ndalur me editorialet për këtë sfidë për të ju sqaruar sa më mirë se cilat janë gjasat e skuadrave.

Në analizën time të radhës do të nxjerr në shprehje elementet të cilat mund ta bëjnë Milanin ta mposht Manchester Unitedin në top formë nesër.

A do të ngadhënjej përvoja në CL dhe historia ndaj United, që Milani ta mposht Manchester Unitedin në top formë?

A ka ky Milan kapacitet për të përsëritur fitoret e vitit 2005 dhe 2007 ?

Në aspektet e cilësisë dhe kuantitetit ky Milan është shumë shumë më i dobët se ai në vitet 2005 dhe 2007. E para e punës ëshë se lojtarët janë më në moshë, dhe së dyti rosonerët nuk do të llogarisin në klas të lojtarëve të kalibrit të Kakas.

Por, Manchester Unitedi gjithashtu është shumë më i dobët se sa që ishte në sezonet 2007/2009.

Nëse shikojmë nga ky aspekt, Milani posedon disa top lojtarë, si Ronaldinho, Pato, Nesta dhe Silva që mund të bëjnë diferencën në sfidën e nesërme dhe pse jo, të fitojnë.

A ka besim Milani se mund të mposht një Manchester United në top formë ?

Hmm, tani do të elaboroj si rosonerët. Milani, nëse përjashtohet besimi në Serie A, ka shumë besim të madh kur luan në Ligën e Kampionëve. Statistikat dhe të arriturat tjera flasin më shumë për një dekadë fantastike të kuq e zinjve.

Si do të hyjë Milani në këtë takim ?

Milani nuk po kalon nëpër formën më të mirë. Dy barazime ndaj dy skuadrave të kategorisë së ulët si Livorno dhe Bolonja, kanë lënë një njollë të zezë në formën e Milanit, dhe e gjithë kjo erdhi pas humbjes turpëruese të Milanit nga Interi. Sidoqoftë, Milani mposhti Udinesen të premtën 3-2, por gjithashtu është jashtë garës në Coppa Italia.

Këto rezultate të Milanit mund të them me plotë kuptim të fjalës se e përjashtojnë atë nga gara për titull në Serie A, dhe prandaj besimi për të fituar Ligën e Kampionëve është i madh, sepse Serie A dhe Liga e Kampionëve janë dy gara diametralisht të kundërta.

Beckham ?

Të gjithë e dijmë se përqëndrimi do të jetë në ish assin e United. Ai nuk është në formën më të mirë, por…Beckham skuadrën e ndërron por zakonin se harron.

Milani luan në një sistem 4-2-1-3, dhe unë vë në dyshim kolaboracionin mes Beckhamit dhe Pirlos në këtë formacion. Mirëpo, në këtë taktikë, Beckham mund të jetë i dobishëm nëse luan në krahun e Patos, duke i servuar këtij në tavolinë disa prej specialiteteve të tij.

Rreziku më i madh për Manchester United ?

Ronaldinho dhe Alexandre Pato. Nëse këta dy janë në disponim, unë vërtetë nuk e di se çfarë do të mund ti ndodhë nëser skuadrës angleze.

Darren Fletcher dhe Michael Carrick do të kenë për detyrë të ndalin ujkun e vjetër Andrea Pirlo forma e të cilit nuk është e qëndrueshme, por mjafton të ju kujtoj ndeshjen me Real Madridin dhe të mos vazhdoj më…

Çfarë rëndësi ka rikthimi i Nestës dhe i Patos ?

Kruciale. Nesta do të bëhet së shpejti 34 vjeçar, por, ai është njëri prej mbrojtësve qëndror më të mirë në botë. Sidomos këtë sezonë, Nesta ka treguar formë të lartë në bashkëpunim me Thiago Silvën.

Pato është i rëndësisë së veçantë. Ai plotëson hapësirat në sulm, dhe plotëson dëshirat e Leonardos. Vetëm vëreni fytyrat e mbrojtësve kur janë në duel me Paton.

Dhe një gjë se e harrova. Milani të katër ndeshjet pa fitore duke përfshirë atë me Interin i pësoi pasi që Nesta dhe Pato ishin të lënduar.

Kaka shkatërroi Unitedin në 2007. A ka Milan një lojtar të kalibrit të Kakas që mund përsëris një paraqitje të tillë ?

JO. Ronaldinho nuk është ai që ishte si në të kaluarën kur kalonte nga shtatë lojtarë, përderisa Pato nuk e ka atë elementin e fundit që e kishte Kaka.

Njeriu i vetëm që është në gjendje për të përsëritur paraqitjen e Kakas është Pato, i cili ashtu ashtu nuk është në formën më të mirë fizike.

Pirlo, Nesta dhe Gattuso ishin pjesmarrës në demolimet e Unitedit në të kaluarën. A do të kenë ndikim ata në sfidën e nesërme ?

Nesta, padyshim se do të ketë. Siç thashë dhe më lartë, ai është njëri prej mbrojtëve më të mirë në botë.

Gattuso nuk është më ai i vjetri. Ai nuk ka aftësinë si në të kaluarën për të kositur kundërshtarët, apo më mirë thënë për të gëlltitur gjithçka që gjente përpara.

Sa për Pirlon, shumë varet se në cilën anë të krahut zgjohet nga gjumi. Në të kaluarën ka qenë klasi botëror, kur të tjerët kanë që të dobët. Këtë sezonë ka treguar shenja të një Pirlloje të vjetër, por ai është i paparashikueshëm.

Po Ronaldinho ? Çfarë do të duhet të pres United nga Ronaldinho?

Ronaldinho ishte fantastik që nga Nëntori, dhe aktualisht po luan në nivelin më të lartë. Ai është në krye të listës së asistuesve në Serie A dhe krijoi të tri golat ndaj Udineses të premtën.

Ronaldinho nuk është ai ylli i paprekshëm siç ishte në Barcelonë – ai ka humbur shpejtësinë dhe shkathtësinë për të kaluar nga shtatë lojtarë. Por, ai ka ende teknikën, triqet, dhe pasimet në thellësi të zonës, që askush në botë nuk i ka përpos dyshes së Barcelonës Xavi – Iniesta. Ronaldinho është brengë e vërtetë për Manchester Unitedin.

Rooney ka detyruar mbrojtjet e Premier Ligës të kapitulojnë rend një nga një. A do të mund ta ndal atë mbrojtja e Milanit?

Ndalja e Rooneyt varet nga një gjë – a do të luajnë Nesta dhe Thiago Silva së bashku në të dyja takimet.

Nëse do të luajnë, atëherë Rooney do të mund të ndalet pasi që po shohim partneritetin më të mirë në ndonjë mbrojtje sot në botë. Nëse njëri nuk luan, atëherë mbrojtja e Milanit dorëzohet, kurse Dida hedh peshqirin e bardhë.

Thiago Silva përkundër konfirmimeve jo zyrtare është në dyshim për ndeshjen e parë në San Siro.

Cili është parashikimi juaj për këtë sfidë ?

Për sfidën e parë, të ju them sinqerisht favorizoj Milanin. Ndoshta kjo frazë është e çuditshme duke para analizat e mia të mëhershme, por, ky është fakt.

Për mendimin tim, nëse Nesta dhe Silva luajnë së bashku, edhe po të bashkoheshin zotërat e Ronaldos me Manchesterin nuk do të ketë kush të depërtoj në mbrojtjen rosonere.

Nëse rastësisht Thiago Silva mungon, atëherë Rooney do të ketë se çfarë të lëvroj.

Kërkojmë falje për vonesën në parashikim, i cili do të vjen në mënyrë ekskluzive me konkluzat përfundimtare për sfidën e nesërme, në mënyrë speciale nga unë dhe kolegët e mi në ora 22:00.

/LajmeSport.com

Milani do të takohet përsëri me Djajtë e Kuq në Ligën e Kampionëve, dhe LajmeSport.com rishikon historinë.

Vendosa të rishikoj historinë e takimeve të ndërsjellta mes këtyre dy gjigantëve për shkak të nostalgjisë së madhe të tifozëve rosoner, për historinë dhe traditën e tyre.

Është histori e gjatë e takimeve mes këtyre dy klubeve në garën më të madhe europiane, duke na kthyer kështu në takimin e parë të tyre 52 vite më parë. Ndërmjet atij viti dhe sot, këto klube kanë fituar 10 tituj të Champions League, katër prej të cilëve janë fituar në 10 edicionet e fundit të garës.

Një statistikë e lakmueshmë është se Milani nuk ka humbur asnjë takim ndaj Manchester Unitedit në përballjet me dy ndeshje (si vendas, dhe kthyese). Milani është skuadra e parë europiane që ka rikthyer deficitin nga ndeshja e parë në sezonin 1957/58 pikërisht ndaj Manchester Unitedit, në gjysmëfinale.

E njëjta gjë ndodhi dhe 10 vite më vonë, kur rezultati pas dy ndeshjeve ishte 2-1, dhe përsëri në gjysmëfinale. Pierino Prati do të shënonte hattrick në finale për të fituar titullin e dytë të Milanit në këtë garë.

Së fundmi, djajtë e kuq të Sir Alex Ferguson nuk ishin në gjendje të shënojnë ndaj skuadrës së Carlo Ancelottit në sezonin 2004/05 kur ata u takuan në 1/16. Hernan Crespo shënoi dy gola në dy ndeshjet dhe eliminoi Unitedin.
Ferguson mendonte se kjo tabu do të thehej pas fitores 3-2 të Unitedit në Old Trafford në sezonin 2006/2007 që u karakterizua me atë gol karakteristik të Ricardo Kakas. Sidoqoftë, Milani shkatërroi Manchester Unitedin 3-0 në San Siro, me golat e Kaks, Gilardinos dhe Seedorfit, duke e dërguar Milanin në finale ku hakmerret ndaj Liverpoolit.

Do të diskutohet shumë dhe për paraqitjen e David Beckhamit dhe rikthimin e tij në Old Trafford. 34 vjeçari ka 394 paraqitje për Manchester United prej vitit 1991 deri 2003, dhe tani është duke e kaluar huazimin e dytë te Milani.
Beckham nuk ishte futbollisti i vetëm që luajti për të dyja klubet. Ray Wilkins kaloi tre sezone nga 1980, pas transferimit 1.5 milion nga United në Milan, shumë rekorde transferimi e at’hershme.

Askush më parë nuk stërviti të dyja klubet, edhe pse Herbert Burgess ishte anësor i majtë i United, dhe trajner i Milanit në vitet 1926-1928. Trajneri aktual i Milanit Leonardo u ballafaqua në fushë me dy lojtarë aktual të United, Paul Scholes dhe Gary Nevillë në takimin Brazil – Itali në Le Tournoi më 1997.

Leonardo nuk ishte i vetmi që provoi shijen e të luajturit ndaj lojtarëve të Man.U. Ronaldinho dhe Anderson para se të fillonin karrierën europiane luajtën në Gremio, përderisa Pipo Inzaghi ishte bashkëlojtar me Van der Saarin në Juventus nga 1991 deri 2001. Ishte pikërisht Inzaghi ai që shënoi në Delle Alpi dy gola ndaj Manchester United në gjysmëfinalen e vitit 1999, por, Juventus nuk u kualifikua pas një rikthimi sensacional të United në Old Trafford. Po në finalen e këtij viti kur United u takua me Bayernin, pas dizavantazhit 1-0, ishte David Beckham ai që lansoi dy asistime për 75 sekonda për të mposhtur në mënyrë historike Bayernin.

Natyrisht, asnjë prej statistikave më lart nuk do të ketë rëndësi kur himni i Ligës së Kampionëve të dëgjohet në fushë dhe kur dy skuadrat do të fillojnë luftën e tyre për kalim në fazën tjetër, në njërin prej tempujve më gjigand që njeh bota e futbollit, në skalën e Milanos, San Siro.

Më poshtë do të gjeni të gjitha analizat për ndeshjet Italo-Angleze.

CL Debat: Inter dhe United favorit ndaj Chelseat dhe Milanit ?

10 gjërat në Itali vs Angli

5 Top fitoret e anglezëve ndaj Italianëve

5 Top fitoret e italianëve ndaj Anglezëve

5 Mënyrat e Milanit për të mposhtur United

5 Arsye pse United do ta mposht Milanin

Dhe natyrisht, parashikimi vjen së shpejti vetëm te vendi…

Arnolld Korenica, LajmeSport.com