Atletico e Madridit fitoi derbin e Gadishullit Iberik me Sportingun e Lisbonës, me rezultatin 2-20 në takimin e parë të vlefshëm për çerekfinalet e Europa Leagues.

Në ‘Wanda Metropolitana’, skuadra e Simeones gjeti avantazhin që në minutën e parë, me atë të kapitenit Koke, që shënoi pas një asisti të sulmuesit Diego Costa.

Në minutën e 40’ ishte francezi Antoinne Griezmann, që dyfishoi shifrat dhe vulosi rezultatin 2-0, që mbeti i pandryshuar deri në përfundim të sfidës. Ky rezultat është mjaft i favorshëm për Atleticon e Madridit, që pritet të mos vuajë shumë në Lisbonë, për të siguruar kualifikimin.

Në sfidën mes Leipzigut dhe Marseilles, ishin gjermanët ata që fituan me rezultatin minimal 1-0. Vendimtar ishte goli i shënuar nga Timo Werner në minutë ne fundit të pjesës së parë, ndërsa kjo duket së është e vetmja ndeshje e Europa Leagues, ku kualifikimi do të vendoset në takimin e kthimit.

LEAVE A REPLY

Please enter your comment!
Please enter your name here