Poshtërohen Nerazzurët!

Roma ka shënuar fitore të lartë kundër Interit me rezultat 4-0 duke i shuar kështu të gjitha shpresat e Nerazzurëve për Scudetton edhe pse ata ishin mjaftë të vogla.

Romakët e filluan shumë mirë takimin kur në minutën e 13 Totti i jep një top të mirë Juanit i cili shënon për epërsinë e parë të klubit të tij.

Katër minuta para përfundimit të pjesës së parë, lojtari në top-formë i Romës, Fabio Borini shënon për të dyfishuar epërsinë e klubit të tij dhe për një pushim shumë të qetë she relaksues.

Me të filluar pjesa e dytë saktësisht në minutën e 49, Fabio Borini shënon golin e tij të dytë personal në këtë takim ndërsa të tretin për klubin e tij.

Në vazhdim Nerazzurët ishin të pafuqishëm të bënin diçka dhe kështu ata pësuan një humbje mjaftë turpëruese e cila i shuan të gjitha gjasat për Scudetton.

Në fund të takimit, Bojan Krkic shënon edhe një gol sa për të kompletuar poshtërimin e Interit në këtë takim i cili po tregon se ka një mbrojtje shumë të dobët ku për dy ndeshje pranon tetë gola.

Me këtë fitore Roma arrin në kuotën e 34 pikëve dhe mbetet dy pikë prapa Interit i cili është në vendin e pestë.

S.Metbala / lajmesport.com