Editorial: Rishfaqet Jashtëtokësori – Reali nuk njeh Labilitetin

Java e fundit në La Liga na ka sjellur disa ndeshje të rëndësishme teksa gjigantët, Real Madridi dhe Barcelona kanë shënuar fitore kundër Racing Santanderit respektivisht, Valencias.

Ylli i Barcelonës, Lionel Messi ka shënuar katër gola në fitoren prej 5-1 të Blaugranëve kundër Valencias teksa fjalët e para dhe shumë ironike të Guardiolës pas ndeshjes ishin: ‘Është supozuar që ai do jetë në formë shumë të keqe në këtë takim…”

Messi në këtë takim edhe një herë në mënyrë shumë të mirë dhe të qartë tregoi se epitetin e lojtarit më të mirë në botë e mban ende ai edhe pse në disa ndeshjet e fundit ai ka pasur disa kritika por si duket nuk i ka vërë shumë veshin atyre.

Spektakli dje i bërë nga Barcelona sidomos nga Messi në Camp Nou ishte për tu admiruar ndërsa fatin më të madh e kishin ata tifozë që ishin aty brenda pasi e shijuan në maksimum këtë takim dhe kanë pasur se çfarë të shohin.

Mbarojmë me Barcelonën e Messit dhe fillojmë me Real Madridin e Jose Mourinhos.

Në mënyrë të njëjtë kaloi edhe Real Madridi duke shënuar fitore bindëse në Santiago Bernabeu kundër Racing Santander me rezultat 4-0. Edhe një herë Los Blancos kanë treguar se Labiliteti te ata nuk ekziston dhe se janë duke vazhduar me formën e tyre më të mirë.

Titulli ndoshta për disa të bardhët ka qenë një utopi mirëpo tani çdo ndeshje ata janë afër e më afër titullit të cilin janë duke e kërkuar për disa vite dhe siq duket Mourinho do të jetë ai i cili atë trofe do ta rikthejë përsëri në kabinetin ‘Mbretërve të Bardhë’.

Një gjë e dihet, gara për titullin e La Ligas pritet të jetë interesante deri në fund sidomos nëse Reali bën ndonjë gabim e në anën tjetër Barcelona vazhdon kështu…

Çka mendoni ju për ndeshjet e fundit të Barcelonës dhe Real Madridit? Kush do të fitojë La Ligën? Shprehuni në hapësirën për komente…

S.Metbala / lajmesport.com