Zyrtare:Hasani futbollist i Wolfsburgut

Tani më gjithçka është zyrtare futbollisti tetovar Ferhan Hasani i bashkohet skuadrës gjermane Wolfsburg.

Largimi i tij nga Shkëndija pritet të jetë një humbje e madhe për klubin tetovar.

Ish futbollsiti i Shkëndijës kërkohej nga shum skuadra evropiane por ish-kampionët e gjermanisë në fund fituan luftën për të siguruar shërbimet e tetovarit.

Hasani gjat intërvistës ekskluzive për Alsat M tha:”Po mund të konfirmoj se përfundimisht kam arritur marrëveshje tre vjecare me drejtuesit e Wolfsburgut dhe kjo do të jetë skuadra ime e rradhës. Jam i lumtur që gjithë kjo telenovelë përfundon me sukses dhe unë do të kem rastin të jem pjesë e një kampionati të fortë si që është Bundesliga”,tha ai.

Ai gjithashtu tha se:”Për mua parësore është që më jepet mundësia të luaj në një skuadër me renome si që është Wolfsburgu. Normal që edhe nga ana finansiare jam i kënaqur dhe shpresoj që gjërat të ecin mirë këtu”.

Hasani këto ditë pritet të kthehet në Maqedoni, ndërsa skuadrës së re do t’i bashkohet më 2 janar. Më 4 janar, skuadra gjermane udhëton për në Dubai, ku do të zhvillojë përgatitjet për sezonin pranveror. “Pres të rrikthehem në vendlindje këto ditë, para se t’i bashkohem Wolfsburgut menjëherë pas vitit të ri.Uroj që Shkëndija të vazhdojë të ecë vetëm përpara dhe të arrijë suksese edhe më të mëdha se deri tani”,përfundoi Hasani./lajmesport.com/