Tevez: Nëse nuk do të ishte futbolli unë tani do të isha në burg ose i vdekur

Sulmuesi aktual i Manchester Cityt dhe Argjentinës, Carlos Tevez ka thënë se futbolli i ka shpëtuar atij jetën.

Tevez është lindur në njërën ndër lagjet më të rrezikshme në Argjentinë ndërsa ai ka thënë se po të mos ishte futbolli ai tani do të ishte në burg, do të mirrej me drogë apo do të ishte i vdekur.

“Nëse nuk do të ishte futbollit, unë tani do të kisha përfunduar ashtu siç kanë përfunduar shumë djemtë në lagjen time – të vdekur, në burg ose të droguar në rrugë”.

“Unë nuk mendoj se dikush është lindur për të vjedhur, por gjithë kjo pabarazi në Argjentinë tregon se shumë fëmijë shkojnë në këtë rrugë të keqe. Të jetosh në varfëri është tepër vështirë dhe ju mund të mendoni se shumë lehtë mund të pasuroheni duke vjedhur”, tha Tevez për La Garganta Poderosa. / lajmesport.com

Tags: Man.City, Tevez