Reali vazhdon me fitore

Real Madridi ka shënuar fitore si mysafir i Villarealit në ‘El Madrigal’ me rezultat 3-1.

Në minutën e 17 Kaka pason deri te Marcelo i cili shënon për ta kaluar klubin e tij në epërsi.

Pesë minuta më vonë Ronaldo shënon për ta dyfishuar epërsinë e klubit dhe duke shkuar kështu sigurtë drejt çmimit, ‘Pichichi’.

Deri në fund të pjesës së parë shifrat nuk u ndryshuan dhe kështu kjo pjesë përfundon me epërsi prej dy golave të Real Madridit.

Në minutën e 51 Gaspar shfrytëzon një gabim të Marcelos për të pasuar deri te Cani i cili ngushton epërsinë e klubit të tij.

Reali më pas ishte dominues në tërë ndeshjen dhe kishte shumë raste për shënim duke përfshirë këtu edhe një gol të anuluar të Mesut Ozil.

Në minutën e fundit të takimit Cristiano Ronaldo shënon një supergol nga gjuajta e lirë për rezultatin përfundimtar 3-1.

Me këtë fitore Real Madridi gjindet në vendin e dytë me 89 pikë, katër më pak se Barcelona që është në vendin e parë.

Tags: fitore, La Liga, Real madrid