Bale i gatshëm për Milanin

Fantastiku i Tottenhamit, Gareth Bale mund të shërohet dhe të jetë i gatshëm për ndeshjen e klubit të tij kundër Milanit.

Bale mungoi në ndeshjen e parë e cila u zhvillua në San Siro, ndeshje në të cilën fituan mysafirët nga Anglia, por pritet që Bale të rikthehet në ndeshjen kthyese e cila zhvillohet në White Hart Lane dhe që është vendimtare për kualifikimin e njërës nga këto dy skuadra.

Bale ka munguar për Tottenhamin që nga muaji i kaluar ndërsa ndeshja e fundit që e zhvilloi ai me klubin e tij ishte ndeshja kundër Newcastle.

“Bale mund të jetë i gatshëm për Milanin. Ai dhe Lennon do të bashkëpunojnë mirë”, tha Redknapp.

Foto: Gareth Bale, Tottenham / lajmesport.com

Tags: Bale, Champions League, Liga e kampionëve, Milan, premier league, Tottenham