Benitez: Liverpool nuk dorëzohet

Trajneri i Liverpoolit, Rafael Benitez ka deklaruar se ai beson në aftësitë e Reds` për ta ndalur Chelsean dhe gjasat për një kualikim në CL të mbeten gjallë.

Liverpool u eliminua edhe nga Europa League nga Atletico Madrid në gjysmëfinale dhe tani ata e presin Chelsean në Anfield.

Benitez tha se Chelsea po bën punë të mirë, por po ashtu ai ia përkujtoi Ancelottit shpirtin e Liverpoolit ,ku ata në finalen e vitit 2005 u shpallën kampionë në CL pas një drame të vërtetë kundër Milanit të udhëhequr në atë kohë nga Ancelotti.

“Ai po bën punë të mirë te Chelsea”, tha Spanjolli.

“Në Stamboll Milani bëri gjithçka të mundur, por problemi për ata dhe Ancelottin ishte se ata po luanin kundër Liverpoolit dhe ne nuk dorëzohemi kurrë”.

“Çdo kush është zhgënjyer pas eliminimit nga Europa League por shpresojmë në një reaksion të mirë”.

“Chelsea dallon krejtësisht nga Atletico, por ne duam të fitojmë, kështu që duhet të luajmë me një mentalitet ofanziv”.

/LajmeSport.com

Tags: Benitez, Liverpool