Bayern me helikopter në Madrid ?

Published on May 19, 2010 by A.B.C ·

Bayern Munchen nuk do zgjedh rrugën tokësore për të shkuar në Madrid edhe nëse aeroportet evropiane do mbyllen për shkak të hirit vullkanik.

Nëse Interi do niset një ditë më shpejt (të mërkurën), shoqëria bavareze ka menduar të përdorë një “armatë” të vërtetë helikopterësh për të shkuar në Spanjë.

Sipas gazetës “Sport”, Bayern Munchen mund të ulet në kryeqytetin spanjoll me helikopter, skenë që të kujton filmin “Apocalypse Now”. Këtë ide e ka hedhur drejtori sportiv bavarez, Christian Nerlinger, madje këtë ai e ka bërë që në gjysmëfinalen kundër Lionit.

Gjithsesi, ka pak mundësi që gjermanët të hipin në helikopter, pasi të dhënat më të fundit nga vullkani islandez japin parashikime optimiste. Inter do niset sot në mbrëmje për në Spanjë dhe do stërvitet për dy ditë në lokalitetin “Ciudad Deportiva”.

/LajmeSport.com

Tags: Bayern