Ancelotti: Largimi i ekipeve angleze nga CL nuk na konvenon

Carlo Ancelotti beson se largimi i Manchester United dhe Arsenalit nga Champions League është një lajm i keq për Chelsean, sepse kjo do të thotë se rivalët mund të fokusohen në garën e titullit të Premier League.

Blutë janë lider në tabelë me 74 pikë, 2 më shumë se United dhe 3 më shumë se Arsenal që pocizonohet i treti.

Të dy ekipet janë eliminuar nga CL këtë mesjavë. Gunners’ ishin shkatërruar 4-1 nga Barcelona në Camp Nou kurse United ishte eliminuar për shkak të dy-golëshit të shënuar nga Bayern si mysafir që ishte.

“Mendoj se nuk është lajm i mirë për ne. Champions League është një garë e rëndësishme ku shpenzohet shumë energji”,deklaroi Ancelotti për reporterët.

“Të dy ekipet mund të fokusohen në Premier League. Është e vetmja garë ku mund të luajnë. Duhet t’i kushtojmë vëmendje sepse janë shumë afër dhe ne duhet të jemi të shpejtë për ta arritur vendin e parë”.

“Do të doja që United të kualifikohej më tej në Champions League sepse në këtë mënyrë gjërat do të lehtësoheshin për ne”.

/LajmeSport.com

Tags: Ancelotti, Anglez, CL, Ekip, Konvenon, largim, Nuk