Ronaldinho është duke luftuar për karrierën e tij dhe për një vend në kombëtare, thotë vëllai dhe njëkohësisht agjenti i tij, Roberto De Assis.
Ringjallja e Ronaldinhos tek Milani është anashkaluar nga trajneri Carlos Dunga dhe ai ka qenë i mospërfillur në miqësoren kundër Irlandës.Dunga ka bërë të qartë se vendi i Dinho’s nuk është i garantuar në kombëtare.
Por kjo nuk e ka dëshpëruar asin, i cili si objektiv personal e ka që të tregojë se trajneri kishte gabuar.
“Jam duke e mbështetur Ronaldinhon dhe shpresoj që ai do të merr pjesë edhe në një kampionat botëror”, u shpreh De Assis për SporTV.
“Ai është duke punuar shumë dhe pret thirrje.Çdo sportist në këtë fazë mendon për ndonjë mundësi. Ëndrra e tij ka qenë gjithmonë që ai të bartë fanelën e Brazilit”.
Brazili fillon aventurën në Kampionatin Botëror 2010 më 15 Qershor kundër Koresë së Veriut.Pesë ditë më vonë ata takohen me Bregun e Fildishtë dhe në fund përballen me Portugalinë , më 25 Qershor.
Ndoshta Ronaldinho meriton vendin në kombëtare. Çfarë mendoni ju ? Shprehuni në hapësirën për komente…
/LajmeSport.com