Robinho: Mancini nuk ka aftësi menaxheriale

Robinho ka kritikuar ashpër trajnerin e Manchester Cityt, italianin Roberto Mancinin duke e vënë në pikëpyetje aftësinë e tij si menaxher dhe duke pohuar se italiani e bëri atë të humb besimin duke e zëvëndësuar vazhdimisht.

Pas një sezoni frustrues me City, braziliani shkoi si huazim tek klubi ku filloi karrierën Santos ku shënoi katër herë në gjashtë paraqitje.

“ Tek Manchester City e dija se do të kërcente tabela e zëvëndësimeve dhe unë kam qenë njëri prej tyre, pasi që trajneri nuk ka patur besim në mua.”

“ Më pas, ju filloni të humbni besimin në fushë.”

Pika kyçe e largimit të Robinhos nga City ishte humbja 2-0 nga Evertoni dhe largimi i tij në mes të lojës.

“ Unë fola me menaxherin pas ndeshjes.” Tha Robinho.

“ Ai pranoi se ka gabuar që më largoi nga loja. Ishte hera e parë që unë është dashur për përjetoj diçka të tillë në karrierën time, pasi që është hera e parë.”

“ Nuk ishte mungesë respekti. Mendoj se është mungesë e aftësisë si menaxher.” Përfundoi Robinho.

/LajmeSport.com

Tags: Man.City, Mancini, Robinho