Do të kthehem më i fortë se kurrë

Mesfushori i Arsenalit Aaron Ramsey është shprehur për herë të parë pas thyerjes së këmbës, duke thënë se ai do të kthehet më i fortë se kurrë, dhe se nuk dëshiron të kujtoj më atë që ndodhi.

Aaron Ramsey theu këmbën pas një dueli me një lojtar të Stoke Cityt, që e ka lënë të riun e Arsenalit me një frakturë të dyfishtë.

“ Më kujtohet shumë qartë se çfarë ndodhi dhe pas duelit unë u zgjova të shoh, dhe pashë se këmba ime ishte thyer dhe qëndronte në një kënd.”

“ Unë i kam parë imazhet pasi që ndodhi kolizioni, por unë nuk dua të flas shumë për atë duel pasi që nuk mund të ndryshoj atë që ndodhi.”

“ Është vështirë për mua që të kthehem në momentet më të mira. Mendoja se kam përparuar këtë sezonë, dhe kështu kjo është një goditje e rëndë. Është vështirë për tu përballuar, por jam i ri dhe e kam jetën përpara.” Theksoi Ramsey.

“ Unë u operova javën e kaluar, por do të marr kohë derisa të shërohem, por jam i përkushtuar dhe i fokusuar që të kthehem më i fortë dhe më në formë se kurrë.”

“ Dëshiroj të falenderoj tifozët anë e mbarë botës për mbështetjen. Jam krenar që jam lojtar i Arsenalit, dhe mbështetja juaj më ka bërë të prekem.”

“ Së fundmi, i dëshiroj çdo të mirë bashkëlojtarëve të mi për pjesën tjetër të sezonit. Unë e di se mund të fitojmë titullin dhe do ti mbështes gjatë gjithë kohës për këtë.” përfundoi Ramsey.

/LajmeSport.com

Tags: Arsenal, premier league, Ramsey