Pas Chelseat, viktima e radhës e Evertonit ishte Manchester United. Në takimin e zhvilluar në Godisson Park, Manchester United është shqyer nga Evertoni me rezultat 3-1.
Evertoni ishte skuadra më e mirë gjatë 90 minutave dhe fitorja ishte jashtëzakonisht e merituar.
Dimitar Berbatov kalon në epërsi Manchester United në minutën e 16 pas një goli të lehtë nga 6 metra.
Pa kaluar tre minuta, Dinyar Bilyaletdinov lancon një projektil meqë rast fotografon Van der Saarin në panoramën e Godisson Park, 1-1.
Rooneyt i tregohet një rast i mirë pas një pasimi maestral të Berbatovit, Rooney, nuk shënon.
Landon Donovan lëshon një rast që edhe unë vet do të shënoja. Rast perfekt.
Në pjesën dytë, takticien më i mirë u tregua Devid Moyes.
Pasi që inkuadroi Gosling në lojë, Moyes përgatit pergamenën e kapitulimit të Fergusonit.
Ishte pikërisht Gosling që pesë minuta pas hyrjes së tij në minutën e 76 shënon me të parën pas një harkimi të ulët për 2-1.
Dy minuta para fundit, Jack Rodwell inkuadrohet në lojë. Në minutën e fundit, ky i fundit i dha fundin Manchester Unitedit.
Aktualisht, Manchester United mbetet në kuotën e 57 pikëve, me 5 më shumë se Arsenal që takohet tani me Sunderlandin, kurse Chelsea në anën tjetër ka rast perfekt për të siguruar titullin.
/LajmeSport.com
Tags: Everton, man.utd, premier league