Parashikim: Inter – Chelsea

Të mërkurën me fillim nga ora 20:45, në fushëbetejën gjigande të Giuseppe Meazzas, takohen dy skuadrat më të forta europiane, në duelin më inkandeshent të sezonit, Italia përballet me Anglinë, ose më mirë Interi pret Chelsean.

Koha: E Mërkurë, 24 Shkurt 2010, ora 20:45

Vendi: Giuseppe Meazza, Milano

Inter

Skuadra Nerazzure ka dominuar, apo thënë më mirë ka shkatërruar gjithçka vitet e fundit në Serie A, por në Champions League demonstroi paraqitje katastrofale. Ata ndoshta kanë fituar Scudetton që pesë vite, por ata nuk e kanë kaluar fazën 1/16 për po aq vite.

Interi dalëngadalë po bjen nga froni edhe në Serie A, për shkak të një koalicioni të ashtuquajtur Anti – Inter në krye me Silvio Berlusconin. Këtë e dëshmon edhe deklarata e Leonards që thotë se e përkrah Chelsean. Ndonëse deklaratat nuk kanë rol në fushë, ato kanë rol në moralin e Interit.

Mos të harrojmë se Interi ka ‘’ inat ‘’ nga të dyja anët. Mourinho po sulmohet nga koalicioni Anti-Inter, dhe nga ana tjetër është shkarkuar nga Abramovich më 2007. Missioni i gjeniut të futbollit botëror do të jetë hakmarrja ndaj të dyja palëve. Interi do të mbroj nderin e vet, dhe jo të Series A. E gjithë kjo mund të ndikoj drejtpërsëdrejti në moralin e lojtarëve, për ti nxituar ata të tregojnë se kush janë në fushë.

Mjaft më me deklarata. Edhe pse Chelsea hyn si favorit i lehtë në këtë takim, nuk duhet harruar se Interi këtë sezonë nuk ka asnjë humbje në Giuseppe Meazza, dhe njëkohësisht Jose Mourinho nuk ka pësuar humbje si vendas në kampionate vendore që 8 vite.

Pse do të triumfoj Interi ? Inter do të triumfoj në garën më të madhe europiane për shkak të ndryshimit të strukturës. Ka super sulm, dhe një super mesfushor që quhet Sneijder. Chelsea ka pranuar 73% të golave nga ndërprerja dhe nuk ka nevojë të kujtohen goditjet e lira të Sneijderit, që shëndrohen në gola nga Pandev, Milito dhe nga një Eto’o tek i cili kthehem më vonë. Balotelli nuk duhet harruar, si një specialist nga harkimet. Nëse Inter dëshiron të mposht Chelsean nesër duhet të shpartallojë mbrojtjen e fortë të Chelseat.

Futbollisti kyçi i Interit në këtë takim do të jetë Samuel Eto’o. Eto’o ndoshta nuk është në formën jetësore, por ai ka përvojën jetësore. Eto’o fitoi dy herë Ligën e Kampionëve, dhe morri pjesë në shumë takime ndaj Chelseat. Ai ka përvojën e duhur dhe instinktin e duhur për të dënuar Chelsean.


Forma e Interit

20 Shkurt v Sampdoria (Vendas) – 0-0 (Serie A)
14 Shkurtv Napoli (Mysafir) – 0-0 (Serie A)
10 Shkurt v Parma (Mysafir) – 1-1 (Serie A)
7 Shkurt v Cagliari (Vendas) – 3-0 (Serie A)
3 Shkurt v Fiorentina (Vendas) – 1-0 (Coppa Italia)

Christian Chivu është jashtë aksionit deri në Mars, kurse Marco Materazzi dhe Davide Santon janë të dyshimtë. Mario Balotelli do të kthehet në kërkim të një vendi në formacion të Interit. Julio Cesar që pësoi të dielën aksident pranë San Siros, mësohet se nuk ka marrur lëndime serioze, por ende mbetet i dyshimtë për sfidën.

Formacioni i mundshëm (4-3-1-2): Julio Cesar; Maicon, Lucio, Samuel, Zanetti; Cambiasso, Muntari, Thiago Motta; Sneijder; Eto’o, Milito

Chelsea


Chelsea ndoshta me traditë është skuadër e re në Ligën e Kampionëve, por në mileniumin e ri, skuadra blu ka dështuar të hyjë në gjysmëfinale vetëm një herë në gjashtë vitet e fundit.

Sezonin e kaluar Chlesea shkoi në gjysmëfinale, ku padrejtësisht u eliminua pothuajse vet nga gjyqtari më i kritikuar i kohës Tom Henning Ovrebo.

Chelsea po kalon formë tmerrësisht të mirë në Premier Ligë. Me katër pikë larg liderit Manchester United, me 22 gola të pranuar nga 27 ndeshje në PL, dhe me katër gola të pranuar në katër ndeshje të Ligës së Kampionëve, Chelsea është njëra ndër skuadrat më të forta në Europë.

Sidoqoftë, Chelsea nuk është përballur me konkurentë të fortë në Ligën e Kampionëve, kurse Interi kishte punë me një Barcelonë që po shkelte çdo gjë atëkohë. Kjo mund të ndikojë në rrjedhën e ndeshjes.
Ancelotti di gjithçka për Interin por jo si Mourinho për Chelsaen. Ancelotti e njeh mjaft mirë futbollin Italian sidomos atë të Interit pas 8 vitesh qëndrim te Milani.

Rreziku permanent për Interin është sulmuesi më në formë fizikisht aktualisht Didier Drogba. Droba është shkatërrues në mbrojtjet kundërshtare. Drogba është i fortë nga distanca por do të ketë punë me një Julio Cesar që është pa kurfarë dyshimi portieri më i mirë në botë.

Forma e Chelseat

20 Shkurt v Wolverhampton (Mysafir) – 0-2 (Premier League)
13 Shkurt v Cardiff City (Vendas) – 4-1 (FA Cup)
10 Shkurt v Everton (Mysafir) – 2-1 (Premier League)
7 Shkurt v Arsenal (Vendas) – 2-0 (Premier League)
2 Shkurt v Hull City (Mysafir) – 1-1 (Premier League)

Alex dhe Belleti kthehen për sfidën ndaj Interit. Essien, Bosingva dhe Ashley Cole mungojnë ashtu si Yuri Zhirkov. Deco nuk do të luaj, kurse Lampard është i gatshëm për sfidën.

Formacioni i mundshëm (4-3-3): Cech; Belletti, Terry, Carvalho, Ivanovic; Mikel, Ballack, Cole; Lampard, Drogba, Anelka.

Epilogu

Kjo sfidë do të jetë shumë e vështirë me vetë faktin se Interi është i pamposhtshëm në shtëpi, dhe Chelseat do ti duhet një paraqitje fantastike në këtë sfidë, për të mposhtur një Inter kolosal në shtëpi. Ancelotti do të duhet të ketë kujdes nga Mourinho, pasi që ky i fundit mund të ja punoj një grackë italianit sikurse Leonardos, me taktikë defanzivo-ofanzive.

Një gjë është e sigurtë. Ose nuk do të kemi fare gola, ose do të kemi shumë. Nëse ndodhë një hapje në fillim të takimit do të presim një sfidë të zjarrtë. Sidoqoftë, sfida do të jetë e zjarrtë, dhe me rëndësi të madhe, si nga ana e nderit, ashtu dhe nga ana e triumfit.

Parshikimi im: Inter 2-0 Chelsea

Parashikimi i Safirit: Inter 2-1 Chelsea

Parashikimi i Mentorit: Inter 1-2 Chelsea

Çfarë mendoni për parashikimet tona? A do të përfundoj sfida sipas parashikimeve? Shkruani parashikimet tuaja, pasi që në debatin që organizohet pas ndeshjes Inter vs Chelsea do të përmenden vizitorët që e kanë parashikuar saktë këtë sfidë…

Arnolld Korenica & Safir Metbala, LajmeSport.com

Analizat e zgjeruara rreth Inter – Chelsea:

CL Debat: 5 Arsye pse Inter do ta mposht Chelsean

CL Debat: 5 Arsye pse Chelsea do ta mposht Interin

Tags: Champions League, Chelsea, Inter