Drogba magjik në Bridge

Chelsea ka shënuar fitore të madhe ndaj Arsenalit me rezultat 2-0 në Stamford Bridge.

Pjesa e parë

Ndeshja filloi qetë dhe pa aksione dhe nxitim të menjëherëshëm për të shënuar. Iniciativën e morrën vendasit.

Pas tetë minutash lojë nga një harkim, John Terry godet me kokë, dhe topi shkon në këmbët e Didier Drogbës së pagabueshëm.

Në minutën e 15 vjen një top i mirë për Nasrin i cili humb hapin dhe nuk arrin ta kaloj portierin Petr Cech.

Dy minuta më vonë Cesc Fabregas bën një pasim maestral dhe gjen në himalaje Andrei Arshavinin e lirë që nuk arrin të shënojë i vetëm përballë portierit Cech.

Pas 23 minuta lojë, dhe pas një kundërsulmi, Didier Drogba lirohet për mrekulli dhe godet me të majtën fuqishëm për ta mposhtur Almunian për herë të dytë.

Rastet dhe posedimin e kishte Arsenali, por Didier Drogba u treguar i saktë atëherë kur kërkohej më shumë.

As Ashley Cole nuk u tregua i saktë, dhe gabon në hap me portierin Almunia, për të nxjerrë një goditje këndi që nuk prodhon asgjë.

Chelsea shkoi në pushim me dy gola epërsi, tepër e relaksuar, edhe pse posedimi ishte në anën e Arsenalit, konkretizimi mungonte. Këtu vërehej mungesa e një sulmuesi ekstrem për sulmin e Arsenalit.

Pjesa e dytë

Pjesa e dytë ishte tejet interesante me shumë raste shënimi por pa gola.

Rasti i parë serioz në pjesën e dytë vjen nga gjuajtja e lirë kur Fabregas përpak sa nuk shënon por Cech ishte në vend, nga topi i kthyer Nicklas Bendtner ishte i paaftë për të shënuar, ndodhi kjo në minutën e 69.

Në minutën e 75 harkon bukur Malouda që gjen Ballackun e lirë i cili dështon të shënojë.

Duhet të përmendet patjetër ajo goditja e lirë e Didier Drogbas që qëlloi transversalen. Almunia siç e keni parë ishte i fotografuar në panoramën e Stamford Bridge në atë moment.

Chelsea me këtë fitore del në pozitën e parë me dy pikë më shumë se Manchester United kurse Arsenali tanimë mund të themi se është jashtë garës për titull pasi që distanca me United dhe Chelsea është shumë shumë e madhe.

Tabela e Premier Ligës

8′ 1-0 Didier Drogba [Chelsea FC]

23′ 2-0 Didier Drogba [Chelsea FC]

/LajmeSport.com

Tags: Chelsea, Drogba, premier league