CL Debat: Interi dhe United favorit ndaj Chelseat dhe Milanit ?

LajmeSport.com shikon edhe një herë për së afërmi gjasat e duleve Itali vs Angli në Ligën e Kampionëve, dhe mendimet e mia dua ti ndaj dhe me ju, lexues të nderuar.

Përsëri kemi një alla Déjà vu. Faza Knock Out e Ligës së Kampionëve që fillon javën e ardhshme, na shfaqin edhe më shumë duele drithëruese Italo-Angleze. Historia tregon se skuadrat angleze viteve të fundit janë zgjuar nga gjumi dhe shqelmuan rivalët e tyre italian.

Shtrohet pyetja, çfarë mund të presim nga gjigantët milanez?

Shorti i Ligës së Kampionëve di të jetë aq i padrejtë. I bërë një javë para krishtlindjeve, lë kohë edhe dy muaj për të shqyrtuar formën e skuadrave.
Duelet Milan vs Man.Utd dhe Inter vs Chelsea do të sqarojnë më mirë situatën, se sa ka përparuar futbolli Italian sezonin e fundit.

Po filloj me duelin e parë, ose duelin e ujqve të vjetër. Milani në kohën kur u tërheq shorti ishte në një fazë prej 13 ndeshjeve pa humbje, në një besim të madh në sulmin, por me dyshim në mbrojtjen.
Manchester United në këtë fazë ishte në rënie të formës, duke pësuar dhe humbjen shekullore nga Fulhami.

Sot, situata është krejtësisht e kundërt. Milanit nuk i shkuan mirë punët në vitin 2010. Derbi della Madonnina (turpërues) tregoi se ku gjendet mbrojtja e Interit. Pa Nestën, Milani nuk ka gjallëri në mbrojtje.
United nga ana tjetër, ka një bilanc perfekt në katër ndeshjet e fundit me 15 gola të shënuar.

Sipas kësaj që shohim, në duelin që zhvillohet pas një jave, Manchester United, do të hyjë si favorit absolut ndaj një Milani në krizë të rezultateve. Nëse Nani ndez motorët si ndaj Arsenalit, vërtetë nuk e di se çfarë do ti ndodhë Milanit.

Ndeshja tjetër, Inter vs Chelsea është crème della crème i Ligës së Kampionëve këtë sezonë.

Chelsea që nuk di për humbje që 13 ndeshje është vërtetë një skuadër që premton shumë me një mesfushë tejet stabile. Por, Chelsa nuk bëri dhe aq paraqitje impresive që nuk e bën favorit të kësaj sfide.

Nerazzurët kanë shfaqur një paraqitje impresive në ndeshjet e fundit. Dobësia e Chelseat (ndërprerjet) janë arma e Interit. Pandev në top formë së bashku me Militon po shqyejnë portat një nga një. Mourinho sipas të gjitha gjasave do të vendos njerëzit më me përvojë në mesfushën e vet, ashtu si ndaj Milanit me një formacion stabil me katër mbrojtës dhe tre mesfushorë defanziv. Kjo garanton sukses të vërtetë. Stabiliteti në mbrojtën kaltër e zi i bën ata favoritë absolut të kësaj sfide.

Sidoqoftë, gjërave që do të ndodhin nuk i dihet asgjë…

Çfarë mendoni ju për derbin Italia vs Anglia në Ligën e Kampioënve?

Arnolld Korenica, LajmeSport.com

Tags: Champions League, Chelsea, Inter, man.utd, Milan