Chelsea shkatërrohet !

Manchester City i ka dhënë një leksion futbollistik Chelseat midis Stamford Bridge para tifozëve të vet njëkohësisht duke e turpëruar me rezultat 4-2.

Chelsea në pjesën e parë mbyti Manchester Cityn. Pas rasteve të shumta të Didier Drogbas dhe Frank Lampardit, dhe posedimit të lartë të topit, gjithë ai mund shpaguhet në fund të pjesës së parë kur dhe ndryshon rrjedha e takimit.

Frank Lampard pas 43 minutash lojë shënon për epërsinë e parë dhe të fundit të Chelseat në këtë takim.

Aksioni i radhës i Cityt ishte fatal për blutë e Londrës. Pas një degazhimi të Shay Given, John Obi Mikel së bashku me Terryn gabojnë, dhe e vendosin Carlos Tevezin vetë para portierit Hillario, dhe natyrisht se Tevez nuk dështon për 1-1.

Pjesa e dytë ishte e jashtëzakonshme.

Chelsea filloi me furinë e njëjtë pjesën e dytë por ky avaz nuk do të vazhdonte gjatë.

Craig Bellamy pas një kundërsulmi fantastik të organizuar me Carlos Tevezin, gjendet së bashku me argjentinasin para Obi Mikelit dhe Terryt, dhe Bellamy mashtroi Obi Mikelin duke shënuar nga një kënd i vështirë për 2-1 dhe epërsinë e Cityt. Paraqitje e dobët nga Hillario.

Chelsea në vazhdim të takimit u shpërqëndrua dhe City ishte çështje kohe kur do ta përgadiste pergamenën e kapitulimit të Chelseat.

Në minutën e 75, Juliano Belleti nuk mbajti qëndrim të sigurtë para Gareth Barryt, dhe ky fundit ja morri topin si një amater i vërtetë që është Bellety, dhe në depërtim e sipër, Barry nxjerr një penalti inekzistente, e njëkohësisht e përshëndet Juliano Belletin me një karton të kuq.
Tevez u tregua i saktë para Hilarios dhe shënon bukur për 3-1.

Kjo nuk ishte e tëra. Në minutën e 81, Michael Ballack e tepron me ashpërsi, dhe merr kartonin e dytë të verdhë për të shkuar natyrisht në zhveshtore.

Nga situata 10-8 në fushë për Cityn, doli një kundërsulm 4-2 për Cityn, nga e cila Bellamy shënon golin e dytë në këtë takim për 4-1.

Në fund të takimit Nicolas Anelka rrëzohet në zonë dhe nxjerr një penalti sa për prestigj të cilën e konkretizon Lampard me golin e dytë në këtë takim për 4-2 dhe rezultatin përfundimtar.

Kjo ndeshje tregoi edhe njëherë se Chelsea nuk është në formën më të mirë, dhe pas humbjes nga Interi, Mancini mbrojti përsëri nderin e tij, duke e treguar superioritetin ndaj Ancelottit ashtu si në të kaluarën në Serie A.

Kjo fitore e Cityt është lajm i mirë për Manchester United që tani është në pozitën e dytë me 60 pikë, një më pak se Chelsea me 61. Arsenal do të zhvillojë takimin në ora 18:30 me Stoke Cityn në transfertë, ndeshje të cilën do të keni rast të ndiqni në LajmeSport.com, dhe, nëse Arsenal triumfon, gara për titull do të ishte më e hapur se kurrë.

Manchester City nga ana tjetër dalëngadalë po e përforcon pozitën e katërt në tabelë.

/LajmeSport.com

Tags: Chelsea, Man.City, premier league