Palermo djeg Juventusin

February 28, 2010

Palermo ka turpëruar Juventusin para tifozëve të vet në Olimpico të Torinos me rezultat 2-0, duke ju krijuar telashe bianconerëve në luftën për pozitën e katërt.

Juventusi kishte posedimin dhe rastet në këtë sfidë mirëpo ndeshjen e rrëmbyen sicilianët.

Është Fabrizzio Miccoli ai që pas një ore lojë kalon në epërsi mysafirët.

Heshtjen në impiant e kompletoi kroati Igor Budan në minutën e 81.

Me këtë kapitulim Juventusi definitivisht nuk i ka punët mirë duke marrë parasysh ndeshjet e vështira në vazhdim të kampionatit.

Tabela e Series A pas 26 javësh duket kështu

1. Inter 58 pikë
2. Milan 54 pikë
3. Roma 51 pikë
4. Palermo 43 pikë
5. Napoli 41 pikë
6. Juventus 41 pikë
7. Sampdoria 40 pikë
8. Cagliari 38 pikë
9. Genoa 38 pikë
10. Chievo 35 pikë
11. Fiorentina 35 pikë
12. Parma 33 pikë
13. Bari 32 pikë
14. Bologna 31 pikë
15. Udinese 27 pikë
16. Catania 27 pikë
17. Lazio 26 pikë
18. Livorno 23 pikë
19. Atalanta 21 pikë
20. Siena 20 pikë

/LajmeSport.com

Written by admin · Filed Under Kampionati Italian, Kryesoret | 9 Comments 

Ferguson shpjegon arsyet se pse Rooney nuk luajti nga fillimi

February 28, 2010

Menaxheri i Manchester United Sir Alex Ferguson sqaron arsyet se pse nuk e la Rooneyn të luaj nga fillimi, dhe përkrah vendimin e mos përjashtimit të Vidic nga Phil Dowd.

Vidic e rrëzoi Gabriel Agbonlahorin në zonën e rreptësisë si lojtar i fundit, dhe Aston Villa fitoi penalti por Vidic nuk u përjashtua, e për këtë arsye Martin O’Neill ishte tejet i nervozuar me këtë vendim.

“ Mendoj se ishte vendim i drejtë, por ne u rikthyem nga disavantazhi.”

“ Ishte fillim i keq në ndeshje vërtetë, por ne treguam karakter.”

“ Michael Owen morri një gol të mrekullueshëm dhe luajti shumë mirë në pjesën e parë, por fatkeqsisht ai morri një lëndim në komblik dhe është dashur të dal nga loja.”

“ Rooney erdhi dhe shënoi golin e fitores, në formën që është pritur të jetë.”

“ Ne kemi shumë ndeshje të mëdha përpara nesh, dhe kjo është arsyeja pse ai sot luajti vetëm 45 minuta.”

“ Pushimi i tij është shtysë për të gjithë, ska qka të bisedohet këtu.” Përfundoi Ferguson.

/LajmeSport.com

Written by admin · Filed Under Kampionati Anglez | 3 Comments 

Rooney i ngazëllyer me ngritjen e trofeut

February 28, 2010

Rooney u shpreh tejet i ngazëllyer me fitimin e kupës së parë këtë sezonë, duke falenderuar lojtarët dhe duke u shprehur për ngritjen e trofeut si ndjenjë madhështore.

Rooney erdhi si zëvëndësim i Owen në fund të pjesës së parë dhe në minutën e 74 ai shënoi një gol fantastik me kokë.

“ Është ndjenjë madhështore dhe jam i ngazëllyer.”

“ Mendoj se ne krijuam raste më të mira në ndeshje, por përshëndes paraqitjen e Aston Villës.”

“ Ata luajtën mirë sot dhe mendoj se ishte një finale e mirë.”

Rooney shënoi pas një harkimi preciz të Valencias, duke shënuar një gol fenomenal me kokë.

“ Mendoj se Antonio Valencia dhe Ji Sung Park ishin briliant.”

/LajmeSport.com

Written by admin · Filed Under Kampionati Anglez | 7 Comments 

Pato merr lëndim serioz

February 28, 2010

Braziliani mund të jetë jashtë aksionit për një kohë të pacaktuar…

Sulmuesi i Milanit Alexandre Pato ka pësuar një lëndim serioz, bëhet fjalë për një zgjatje të muskulit e që është pasojë e takimit ndaj Atalantës sot pasdite. Pato shënoi dy herë në fitore duke i gjallë shpresat për titull.

20 vjeçari e ka pësuar këtë zgjatje të muskulit të kofshës së djathë në minutën e 80 dhe menjëherë u largua nga fusha.

Nuk dihet se sa do të mungoj Pato, por spekulohet për një periudhë relativisht të gjatë kohore.

/LajmeSport.com

Written by admin · Filed Under Kampionati Italian | 22 Comments 

Nesta nuk rikthehet në kombëtare

February 28, 2010

Hapi i radhës skandaloz i Marcello Lippit duket të ketë marrë jetë. Alessandro Nesta nuk do të rikthehet në kombëtare pasi që Marcello Lippi ka vendosur të ftoj fytyra të reja në kombëtaren Azzure.

Portier: Marchetti, De Sanctis, Sirigu.

Mbrojtës: Bonera, Bonucci, F. Cannavaro, Cassani, Chiellini, Legrottaglie, Crisito

Mesfushorë: Cossu, De Rossi, Gattuso, Maggio, Marchisio, Montolivo, Palombo, Pepe, Pirlo

Sulmues: Borriello, Di Natale, Pazzini, Quagliarella

Për herë të parë në kombëtare janë ftuar Leonardo Bonucci, Andrea Cossu, Salvatore Sirigu përderisa për herë të dytë ftesë kanë marë sulmuesi në top formë Marco Boriello dhe Daniele Bonera.

Italia do të ketë punë me Kamerunin në Montecarlo të mërkurën mbrëma në ora 20:45.

/LajmeSport.com

Written by admin · Filed Under Kampionati Italian | 4 Comments 

Cole mendon penzionimin

February 28, 2010

Sipas The Mirror, mbrojtësi i Chelseat Ashley Cole është duke e menduar seriozisht largimin nga futbolli…

Mbrojësi i bluve të Londrës në të kaluarën ishte subjekti i shumë spekulimeve, siç është sjellja e femrave të ndryshme në dhomën e tij të hotelit ku qëndroi skuadra e Chelseat gjatë një turneu në ShBA.

Tani, Anglezi është jashtë aksionit për shkak të një lëndimi në gju që do ta mbaj atë jashtë fushave të blerta deri në fund të sezonit. Duke mos qenë në gjendje që të tregoj paraqitje të mira në fushë, ai së fundmi ishte pjesë e skandalit të ndarjes me bashkëshorten e tij Cherryl Cole, dhe për këtë arsye, ai po mendon të largohet nga futbolli.

Sidoqoftë, disa burime tjera rreth lojtarit thonë se Ashley Cole mund të vendos të qëndroj në futboll dhe të mos e përfundoj karrierën para kohe.

Në ndërkohë raportohet një takim urgjent mes Abramovichit dhe Ashely Cole, dhe duket se pronari i Chelseat ja ka bërë me dije 29 vjeçarit se ai është ende i dëshiruar dhe se nuk dëshiron të dëgjoj për ndonjë penzionim të tij.

/LajmeSport.com

Written by admin · Filed Under Kampionati Anglez | Leave a Comment 

Bayern lider i BundesLigës

February 28, 2010

Bayern Munchen pas një kohe të gjatë ka arritur të rikthejë pozitën e parë në BundesLigë pas fitores së madhe por minimale ndaj Hamburgut me rezultat 1-0.

Ndeshja ishte e barabartë në të dyja intervalet por Bayerni në fund doli triumfues.

Një gol i Franck Riberys vendosi gjithçka në minutën e 78, për të kaluar Bayernin në pozitën e parë të BundesLigës.

Bayern, siç e kemi përmendur më lartë, është në pozitën e parë me 52 pikë, me dy më shumë se Leverkusen dhe 12 pikë më shumë se Hamburgu që është në pozitën e katërt me 40 pikë.

/LajmeSport.com

Written by admin · Filed Under Kampionati Gjerman, Kryesoret | 7 Comments 

United fiton titullin e parë! (VIDEO)(Foto)

February 28, 2010


Manchester United është fituesi i trofeut Carling Cup. Djajtë e kuq mposhtën në finalen e madhe të Wembleyt Aston Villën me rezultat 2-1.

Ndeshja ishte e jashtëzakonshme në të dyja fraksionet.

Në pjesën e parë, Agbonlahor depërton në thellësi të zonës së Manchesterit ku ndalet në mënyrë të palejuar nga Ferdinand, arbitri akordon 11 metërsh.
James Milner ishte i pagabueshëm dhe shënon pas 5 minutash lojë për 1-0.

Tetë minuta më vonë, Dimitar Berbatov asiston për Michael Owen që shënon si në kohërat më të mira të tij për 1-1. Atmosfera impozante në impiant.

Pak para përfundimit të pjesës së dytë, Wayne Rooney inkuadrohet në lojë në vend të Michael Owen.

Rooney tregoi klasin në pjesën e dytë, dhe shënon për titullin e parë këtë sezonë për rezultatin 2-1.

Ky është titulli i parë i Manchester United këtë sezonë. Përpos në këtë garë, Manchester United po garon edhe në Ligën e Kampionëve dhe në Premier Ligë ku i ka punët shumë mirë.

Fotot e festimit do të jenë së shpejti te vendi, vetëm tek ne, ndërsa golat shikojini më poshtë…








James Milner (penalti) 1-0


Michael Owen 1-1

Wayne Rooney 2-1

Written by admin · Filed Under Kampionati Anglez, Kryesoret | 27 Comments 

Branca: Fitorja është e ekipit, Balotelli po përmirësohet

February 28, 2010

Mourinho i suspenduar nuk ka patur të drejtë të shprehet për media dhe do të na duhen tri jave për të ja dëgjuar zërin përsëri, për këtë arsye, zëvëndësuesi i tij Marco Branca deklarohet me retorikë të njëjtë.

“ Kjo ishte fitore e ekipit që erdhi nga një javë e lodhshme. Sampdoria, Champions League dhe tani Udinese, por jam i kënaqur për shkak të lojës dhe intensitetit të treguar në të.”

“ Nuk është fitore decizive pasi që janë edhe shumë ndeshje për tu luajtur.”

“ Balotelli? Ai ngadalë po kupton se si të sjellet dhe po përmirësohet, ai është profesionist i vërtetë por ne duhet të qëndrojmë prapa tij dhe ta ndjekim atë. Është kënaqësi të punosh me të dhe ne jemi të kënaqur me përmirësimin e tij.” Theksoi Branca.

“ Mourinho? Ne jemi ekip me mentalitet të tillë. Ne të gjithë flasim kështu dhe deklarohemi kështu. Mourinho nuk është i vetmi, prandaj Serie A duhet të ketë më shumë respeket për ne.” përfundoi Branca.

/LajmeSport.com

Written by admin · Filed Under Kampionati Italian | 6 Comments 

Milan vazhdon me fitore

February 28, 2010


Milan ka shënuar fitore shumë të rëndësishmë në San Siro kundër Atalantas 3-1.

Kjo javë e Serie A ishtë plot me gola këtë e vërteton më mirë edhe kjo ndeshje në të cilën kishtë plot 4 gola. Nga nëntë ndeshje të kësaj jave në Serie A kishte 33 gola.

Pato në minutën e 30 shënon për epërsinë e Milanit. Se Pato është në formë të mirë e vërteton edhe goli i tij i dytë në minutën e 41.

Në minutën e 56 Valdes shtang të gjithë tifozet rosoner kur shënon për 2-1. Por Boriello në minutën e 62 shënon për të siguruar fitoren e rosonerëve.

Me këtë fitore AC Milan mbetet në vendin e dytë me 54 pikë, katër më pak se lideri Inter.

Vërejtje: Komentet fyese, raciste, banale apo me qëllim reklamimi do të largohen automatikisht.

/lajmesport.com

Written by admin · Filed Under Kampionati Italian, Kryesoret | 9 Comments 

Next Page »