![newsmlmmd.737e4a66a1d7a1954351ac7ddae66943.1013b[1]](http://www.lajmesport.com/wp-content/uploads/2010/01/newsmlmmd.737e4a66a1d7a1954351ac7ddae66943.1013b1-300x199.jpg)
Cikli i specialiteteve për derbin më të madh europian Inter vs Milan është duke vazhduar sot, me Interin në fokusin tim kryesor.
Thënë realisht, Interi ka gjasa të vogla për ta fituar këtë derbi. E para e punës Milani është duke kaluar formë të shkëlqyer kurse Interi po zvarritet nëpër disa rezultate që po arriten me qykë të zorrit.
Por, shtrohet pyetja, a duhet të kenë shpresë tifozët e Interit se skuadra e tyre mund të triumfojë në këtë derbi?
Ja ku e keni përgjigjen.
Interi është për mua favoriti i Derbit të Madonninës. Jo vetëm për shkak se jam tifoz i Interit por dhe për shkaqe që do japi më poshtë.
Interi siç e dijmë do të luaj pa lojtarë krucial të cilët janë të lënduar. Stankovic, Motta, Muntari, Cambiasso, Khrin dhe Chivu.
Sipas kësaj, Inter do ketë të gatshëm vetëm dy mesfushorë, Javier Zanettin dhe Sneijder.
E gjithë kjo, mund të na çoj në një përfundim të thjeshtë.
Mourinho do të duhet patjetër të luaj me sulmues në mesfushë.
Teoria më e mundshme është formacioni 4-2-3-1.
Mbrojtja e Interit është mjaftë stabile, por pikëpyetja qëndron në mesfushë.
Si do të neutralizohen Ronaldinho dhe Beckham që po lëvrojnë në lojë?
Chivu mungon dhe për atë ka dy teori. Vendin e tij do ta zë ose Samuel ose Zanetti. Është shumë e mundshme që Samuel ta zë vendin e tij, kurse në qendër të mbrojtjes të jenë Lucio dhe Cordoba.
Samuel është stopues perfekt ashtu si Zanetti. Kështu telashe të mëdha do të ketë Beckham në krahun e tij kurse për Ronaldinhon mos të flasim që do të ketë të bëj me mbrojtësin më të mirë të krahut të djathtë në botë Douglas Maicon.
Në mesfushë nuk do të dihet asgjë deri para sekondës së fundit. Cambiasso është i lënduar, por mund të rrezikohet nga Mourinho që ta shoqëroj Zanettin në mesfushën defanzive.
Sulmi do të jetë më ndryshe ndaj Milanit. Sneijder do të zhvendoset në pozitën ku luan si zakonisht në qendër të mesfushës.
Për sulm do të përkujdesen tre sulmues por të radhitur ndryshe.
Mesfushor ofanziv i krahut të djathtë do të jetë Goran Pandev, kurse mesfushor sulmues i krahut të djathtë do të jetë Mario Balotelli. Në qendër të sulmit do të luaj Diego Milito.
Mënyra e lojës do të jetë siç e shihni dhe vetë me harkime. Kjo mënyrë garanton siguri në mbrojtje dhe rezikshmëri të lartë në sulm dhe nga ndërprerjet pasi që Balotelli dhe Sneijder janë Profesor Doktorë të ndërprerjeve.
Në pjesën e parë të kësaj sfide sipas kësaj skeme, Interi do të mbrohet, dhe do luaj me kundërsulme, të shpejta nga krahu i majtë dhe i djathtë aty ku gjenden Pandev dhe Milito.
Në pjesën e dytë, Interi do të sulmoj me tre njerëz varësisht nga rezultati. Do të ketë shumë rotacione në formacionin e komplikuar të Mourinhos.
Përpos kësaj duhet shikuar dhe ana mentale. Interi nuk hyn si favorit në këtë takim por hyn si outsider total. Kjo pikë mund të jetë fatale për Milanin që është duke e konsideruar favorit absolute. Interi nuk duhet të nënçmohet aspak.
Në këtë derbi nuk ka favorit. Spektakli është i garantuar. Kushdo që të jetë fituesi me rëndësi është loja që do të shohim.
Formacioni i Interit 4-2-3-1: Julio Cesar, Maicon, Cordoba, Lucio, Samuel, Zanetti, Cambiasso, Balotelli, Sneijder, Pandev, Milito.
Arnolld Korenica, LajmeSport.com
Pingback: Katalog – Inter vs Milan | Lajme Sport
Pingback: Gjasat e Milanit në derbi | Lajme Sport