Ronaldinho: Do ta udhëheq Milanin në derbi drejt fitores

Ylli i Milanit,Ronaldinho është duke kaluar në formë të shkëlqyer dhe beson se ai mund të rrëmbej tri pikë në Derbi della Madonnina kundër liderit të Serie A, Inter.

“Pse jo?” deklaroi 29-vjeçari për Corriere dello Sport.

“Po kaloj në formë të shkëlqyer dhe Milan po luan mjaft mirë. Do të jetë ndeshje e rëndësishme për ne”.

Ronaldinho shënoi golin e fitores kundër Interit,saktësisht në derbin e tij të parë në shtator të vitit 2008.

Rossonerët janë aktualisht 6 pikë prapa Interit por me një ndeshje më pak të zhvilluar.

“Scudetto?Pse jo?”,tha duke qeshur reprezentuesi brazilian.

“Jemi kthyer në garë tani dhe jemi ngjitur më lart në tabelë.Kemi gjithçka për të bërë më shumë”.

Raportohet se drejtorët e Milanit dëshirojnë t’ia zgjasin Ronaldinhos kontratën dhe ta mbajnë atë në San Siro deri në vitin 2013.

“Nuk do të kisha pasur asgjë kundër nëse do ta përfundoja karrierën në Milan”,shpjegoi ai.

“Shpresoj të jem në gjendjen si Paolo Maldini ose Romario. Dëshiroj të luaj futboll sa më gjatë të mundem dhe kjo është arsyeja që ndihem i lumtur dhe i përkryer”.

/LajmeSport.com

Tags: derbi, fitore, Milan, Ronaldinho, Udhëheq