Vendi: Emirates Stadium
Koha: 31 Janar 2010, ora 17:00
Sot me fillim nga ora 17:00 zhvillohet super derbi i premier ligës angleze, derbi që mund të vendos titullin, Arsenal vs Manchester United.
Arsenal po kalon nëpër një formë të shkëlqyer. Arsenal është shumë pranë rivalëve në luftën për titull.
Gjithçka mund të varet nga kjo sfidë. Loja e Arsenalit bazohet në mesfushë por problemi kryesor qëndron në sulm.
Arsenali ka mundësi të hyjë në këtë sfidë pa sulmues.

Lojtari kryesor i Arsenalit pritet të jetë super mesfushori Cesc Fabregas që po kërkohet nga e tërë Europa. Vetëm zoti e di se çfarë do të mund të ndodhte me Arsenalin po të mos ishte ky njeri, prandaj ai do të jetë bartësi numër një.
Forma e Arsenalit
27 Janar Arsenal – Aston Villa 0-0
24 Janar Stoke City – Arsenal 1-3
20 Janar Arsenal – Bolton 4-2
17 Janar Bolton – Arsenal 0-2
9 Janar Arsenal – Everton 2-2
Emmanuel Eboue do të riktheht për këtë sfidë. Paraqitja e Sol Campbell do të varet shumë nga rikuperimi i Vermaelen që është i dyshimtë.
Arsenali nuk ka sulmues. Eduardo është i lënduar, kurse Bendtnder nuk është plotësisht i gatshëm. Vela është jashtë aksionit, kurse Van Persie mungon deri në fund të sezonit. Samir Nasri pritet të luaj nga fillimi.
Formacioni i mundshëm i Arsenalit: (4-5-1): Almunia, Campbell, Clichy, Gallas, Sagna, Nasri, Fabregas, Rosicky, Denilson, Arshavin, Bendtner.
Manchester United vjen në Emirates më i fortë se kurrë. Pas shkeljve të një pas njëshme tani duket se do ta ketë radhën Arsenali.
Manchester United ka aplikuar një lojë fantastike kohëve të fundit, lojë e cila i bën djajtë e kuq shumë shumë të frikshëm. Gjasat e Arsenalit ashtu si të United janë të barabarta por hyjnë me dallim në formë në këtë sfidë.

Sot, kandidati kryesor për lojtarin më të mirë të botës, Rooney, është dhe lojtari kyç i United sipas LajmeSport.com. Ky njeri ka shënuar 26 gola në të gjitha garat, 19 në Premier Ligë. Mbetet të shihet se sa do të arrij ta ndal Sol Campbell.
Forma e Manchester United
27 Janar Man.Utd – Man.City 3-1
23 Janar Man.Utd – Hull City 4-0
19 Janar Man.City – Man.Utd 2-1
16 Janar Man.Utd – Burnely 3-0
9 Janar Birmingham – Man.Utd 1-1
Manchester United nuk do të mund të llogaris në Rio Ferdinand që është i suspenduar me katër ndeshje. Vidic është rikthyer dhe do të luaj në këtë takim. Mungesa tjera nuk ka, përveç që Anderson është lënë jashtë kësaj sfide.
Formacioni i mundshëm i United:(4-2-2-2) Van der Saar, Vidic, Evans/Neville, Evra, Broën/Neville, Carrick, Scholes, Giggs, Nani, Valencia, Rooney.
Parashikimi im: Arsenal 1-2 Manchester United
Arnolld Korenica, LajmeSport.com
Tags: Arsenal, man.utd, premier league