Barcelona triumfon në El Classico

Barcelona ka shënuar fitore në El Classico ndaj Real Madridit me rezultat minimal 1-0 por shumë të merituar para 120 mijë tifozëve blaugran në Camp Nou.

Pjesa e parë

Në mënyrë befasuese që nga minuta e parë startuan edhe Messi edhe Ronaldo, Ibra nuk dukej në fushë.

Fillimi i takimit ishte tepër dinamik, me magjitë e para të shfaqura nga Messi dhe Ronaldo.

Goditja e parë në takim drejt portës vjen në minutën e 6 kur Henry pranon një pasim nga Messi dhe më pas godet, Casillas në vend.

Në minutën e 13 Xavi bën një pasim maestral për Messin që nuk e arrin topin, lojë më e mirë e Barcelonës në këto momente. Emocione të mëdha në Camp Nou, lojë tipike El Classico.

Loja zhvillohej kryesisht në mesfushë, duke mos rrezikuar asnjëra prej skuadrave për ndonjë iniciativë.

Në minutën e 19 Reali ndez motorët. Marcelo me një pasim fantastik me finte gjuan nga loja 5 lojtarë të barcës dhe gjen Kakan që më pas pason për Ronaldon i cili vetë me Valdesin dështon të shënoj. Intervenim perfid nga Valdes.

Një minutë më vonë Ronaldo me një top magjik e gjen Kakan i cili vonohet, para të cilit Valdes largon topin për në himalaje.

Henry pas një depërtimi godet nga një kënd i vështirë, përpak sa nuk shënon, Casillas i pamposhtshëm. Ndodhi kjo në minutën e 37.

Një minutë më vonë Iniesta depërton në zonë dhe bukur godet por edhe më bukur intervenon portieri më i mirë në botë Iker Casillas.

Kjo ishte e tëra nga pjesa e parë e cila ishte mjaftë dinamike por pa gola.

Pjesa e dytë

Me të filluar pjesa e dytë largohet Henry,futet në lojë Zlatan Ibrahimovic.

Në minutën e 53 Higuain pati një rast fenomenal për ta kaluar në epërsi ekipin e tij.

Dhe njeriu që i kushtoi Barcelonës më se 80 milion euro, Zlatan Ibrahimovic, shënon për 1-0 në mintuën e 56, pas një harkimi të bukur të Daniel Alves, dhe duke shënuar edhe më bukur në portën e Casillasit fantastik deri në ato momente.

Busquets merr kartonin e dytë të verdhë dhe i skuqur shkon në shtëpi në minutën e 62.

Në minutën e 65 Marcelo harkon kurse Ronaldo nuk shënon me kokë. Ronaldo pas këtij rasti zëvëndësohet nga Benzema.

Pique përpak sa nuk shënon më kokë në minutën e 69.

Në minutën e 75 përpak sa nuk shënon Abidal, ashtu si Higuain në anën tjetër.

Benzema nuk arriti të shënoj nga 3 metra pas një tollovie gjatë një harkimi nga këndi. Reali po tregohej i rrezikshëm nga ndërprerjet.

Messi në minutën e 89 nuk arriti të shënoj pas një pasimi fenomenal të Ibrahimovicit, Casillas në vend. Diarra në minutën e fundit dërgohet në zhveshtore me karton të kuq.

Deri në fund të takimit nuk ndodhi asgjë. Reali nuk arriti të barazojë rezultatin dhe kështu arkëtoi humbjen e dytë këtë sezonë, kurse Barcelona merr kreun pas kësaj fitoreje historike në Camp Nou, me dy pikë më shumë se Real Madridi në pozitën e dytë.

Tabela e La Liga

/LajmeSport.com

Tags: Barcelona, El Classico, La Liga, Real madrid