Mexes mund të jetë mbrojtësi më i mirë në botë nëse… – Luciano Spalleti
July 31, 2009
Trajneri i Romës flet për mbrojtësin Philippe Mexes, që sipas Spalettit ndonjëherë eshtë duke ekzagjeruar entuziazmin e tij.
Dje Roma filloi mirë sezonin e ri, duke mundur skuadrën Belge Gent 3-1 në kuadër të rundit të tretë të kualifikimeve për Ligën Europa.
Mbrojtësi Mexes shënoi golin që e ktheu Romën në lojë, në fillim të pjesës së parë. Mbrojtësi Francez është vlerësuar shumë nga trajneri Spaletti, por i cili gjithashtu mendon se Mexes duhet të i shmang avancimet e shpeshta në sulm gjatë lojës.
“Çdo lojtar, çdoherë duhet të i rrespektojë detyrat e tij” citohet të ketë thënë Spaletti. “Ekipi që ka kualitet, duhet gjithmonë të ketë një balancim”
“Mexes shkon shumë në sulm. Nëse ai e kontrollon entuziazmin e tij me më shumë maturitet, mund të jetë një avantazh shumë i madh për ekipin. Ndonjëherë ai bën gjëra që nuk i përkasin atij. Nëse ai respekton rregullat e tij, ai mund të jetë mbrojtësi më i mirë në botë.”
Mexes iu bashkua Romës në vitin 2004 nga Auxerre, dhe deri më sot ka bërë 130 paraqitje, duke u bërë kështu shtyllë e fortë e mbrojtjes së Romës.
/LajmeSport.com
Lila: “Superkupa do më bënte të kompletuar sa i përket trofeve”
July 31, 2009
“Fitova kupën e Shqipërisë me ish-klubin tim Besa, fitova Superligën me Tiranën, dhe fitimi i superkupës do kompletonte trofetë e fituara” – deklaroi mbrojtësi i skuadrës së kryqeytetit Shqiptar, si dhe mbrojtësi i kombëtares Shqiptare.
Kavajasi Andi Lila duket i entuziazmuar me skuadrën e re, Tirana. Ai i është shprehur mirënjohës drejtuesëve të klubit, si dhe ka shfaqur ambiciet e tij me klubin Tiranas.
“Kur erdha në Tiranë jam pritur shumë mirë. Unë kam deklaruar se do fitojmë Superligën, dhe siç shihet arritëm synimit. Tani synim e kemi Superkupën.”
“Në finale të superkupës takohemi me Flamurtarin, i cili na mundi në finale të kupës së Shqipërisë. Jam i sigurt se nuk do gabojmë edhe në superkupë.”
“Tani erdhi Ilija Lonçareviç si kryetrajner që ka përvojë dhe bënë në mënyrë shum profesionale punën e tij, dhe kjo sigurisht është në të mirë të skuadrës.”
Ai gjithashtu ka shfaqur ambiciet e tij me përfaqësuesen.
“Dua fanellë titullari me kombëtaren. Kam qenë non-stop pjesë e skuadrës kohëve të fundit në pregaditje, si dhe kam shfaqur aftësitë e mia, besoj se trajneri Kuzhe do i merr në konsiderat të gjitha.” – përfundoi Lila.
/LajmeSport.com
Lazio publikon 22 lojtarët që do jenë pjesë e klubit në superkupë
July 31, 2009
Përforcimi më i fundit i klubit nga Roma, Cruz konfirmohet si pjesë e skuadrës, kurse siç edhe pritej, Goran Pandev, Lorenzo De Silvestri dhe Cristian Ledesma janë lënë jashtë skuadrës.
Me superkupën që do fillojë pak më shumë se një javë më vonë, Lazio ka publikuar listën 22-lojtarëve të klubit.
Superkupa do mbahet në Bejing, kurse Cruz pritet që sot të i bashkohet skuadrës atje.
Sidoqoftë, presidenti i klubit, Lilito, kishte disa fjalë për 3 lojtarët që nuk janë ftuar për këtë ndeshje të rëndësishme.
“Jemi gati të i mbrojmë interesat tona në çfarëdo mënyre” – tha ai për La Gazzetta dello Sport. “Nuk do hezitojmë të dënojmë ata që nuk rrespektojnë rregullat.”
“Pandev ka pranuar se muajt e fundit nuk ka luajtur mirë, pasi që ka qenë i hutuar për kontratën, gjë të cilën poashtu do ta kemi në konsideratë.”
Skuadra e Lazios: Muslera, Bizzarri, Cribari, Diakite, Kolarov, Lichtsteiner, Radu, Scaloni, Siviglia, Baronio, Brocchi, Dabo, Foggia, Matuzalem, Mauri, Meghni, Eliseu, Del Nero, Inzaghi, Rocchi, Cruz, Zarate
/LajmeSport.com
Do të doja të luaja në Palermo bashkë me Xhemajlin – deklaron Matteo Rubin
July 31, 2009
Mbrojtësi i majtë i Torinos theksoi se do donte të i bashkangjitej klubit të Palermos, dhe gjithashtu tregoi se Xhemajli është në rrugë të njejtë.
“Do isha i lumtur nëse një klub si Palermo interesohet për mua, por unë nuk di asgjë rreth kësaj, thjesht kam lexuar në gazeta” – deklaroi 22-vjeçari për mediterraneonline.
“Palermo ka luajtur shumë mirë sezonin e fundit, dhe këtë sezon me trajnerin e ri, do jetë skuadër edhe më e mirë.”
Gjithashtu ai tregoi se edhe Xhemajli është në planet e trajnerit të ri të Palermos, Zenga.
“Blerimi më tregoi se Palermo është interesuar për të, dhe se ai ka dëshirë të e bartë fanelën e këtij klubi.”
Ai gjithashtu shprehi brengosjen e tij për kalimin e Rossinas në Zenit St Petesburg, por beson se nuk do ketë problem në zëvendësimin e tij.
“Torino ka humbur një lojtar shumë të mirë, por është Di Michele ai që do e zëvendësoj atë, dhe kjo nuk duket se do jetë problem” – përfundoi ai.
/LajmeSport.com
Zyrtare: Alberto Zapater kompleton lëvizjen në Genoa
July 31, 2009
Sajti zyrtar i Genoas konfirmon se ka nënshkruar me tash ish-sulmuesin e Real Zaragozas, Alberto Zapater.
Ai tregoi se ishte shumë i lumtur që kaloi në Genoa, dhe se iu dha një mundësi shumë e madhe, që edhe e shfrytëzoi.
Zapater vjen pas disa nënshkrimeve tjera të Genoas, si Palacio, Crespo, Andrea Esposito, Houssine Kharja dhe Sergio Floccari.
Klubi i Genoas është forcuar shumë këtë sezon, duke u treguar akti në merkato, pasi siq shihet e ka marrë tepër seriozisht sezonin 2009-2010 të Serie A.
/LajmeSport.com
Fitore e vëllezërve Seferi në Gostivar
July 31, 2009
Dy vellezërit e njohur në trojet tona, fituan luftat e tyre në vendlindjen e tyre në Gostivar.
Nuri Seferi u përballë me Tamas Polster nga Hungaria i cili zëvendësoi bashkëkombasin e tij Jozef Nagy, i cili e anuloi përballjen për shkak të një lëndimi.
Nuri Seferi mposhti Tamas Polsterin në raundin e dytë me K.O, dhe shënoi fitoren e 24 , nga 30 duele që i zhvilloi në boksin profesionist.
Në duelin tjetëre të mbrëmjes u përballën Sefer Seferi kundër Gyorgy Mihalik. Poashtu edhe Sefer Seferi doli fitues në raundin e dytë me K.O.
Muajve të fundit boksierët shqiptar treguan dhëmbët e tyre, dhe korën fitore të vlefshme në arenën ndërkombëtare, shpresojmë që ky sukses të vazhdojë.
Wolsfburg blen Martins nga Newcastle
July 31, 2009
Nigeriani e la Premier Ligën, për të kaluar në Bundes Ligë.
Martins kaloi nga Newcastle në Wolfsburg për shumën 9 milionë funte, konfirmon sajti zyrtar i klubit Gjerman.
Marrëeshja midis klubeve është arritur dje, kurse sot pritet nënshkrimi nga lojtari.
Martins iu bashkangjit Newcastles nga Interi 3 vjet më parë për 10 milionë funte, dhe që nga ajo kohë shënoi 35 gola në rreth 80 takime.
Trajneri i Wolfsburg, Armin Veh, duket shumë i kënaqur pas blerjes së fundit të klubit.
“Ky është pikërisht lojtari që na duhet për sulmin tonë, si ndihmë për Grafiten dhe Dzekon” tha trajneri. “Tani kemi mundësinë të përdorim 2 ose 3 sulmues në lojë.”
/LajmeSport.com
Pirlo në Chelsea ?
July 31, 2009
Mesfushori Italian i kishte thënë kolegëve të tij nga skuadra e Interit se derbi i së dielës ishte derbi i tij i fundit në fanelën e Rossonerëve.
Tifozët e Milanit janë duke shikuar ndër sytë të tyre se si është duke shkuar një ndër figurat kryesore të klubit , tek ish trajneri Carlo Ançelotti.
Ish trajneri i Milanit nuk e ka lënë sekret dëshirën për ta sjell Pirlon në Stamford Bridge, dhe sipas Corriere dello Sport, 30 vjeçari i ka dhënë lamtumirën lojtarëve të Interit, pas derbit Della Madonnina që u zhvillua në Boston.
“ Ky është derbi im i fundit” raportohet të ketë thënë.
Raportet mediatike thonë se gjiganti londinez ka bërë ofertë prej 14.5 milion eurosh , ku përfshihen shërbimet e Claudio Pizzaro dhe huazimi i Michael Mancienne, huazim i cili u refuzua në fillim të javës.
Por, ka ende për tu negociuar dhe bisedimet pritet të vazhdojnë ditëve të ardhshme.
Pirlo ka kontratë me Milanin deri në qershor të 2011 me pagë sezonale 5 milion euro, por duket se i është ofruar një kontratë katër vjeçare te Chelsea që peshon 6.5 milion euro në sezonë.
Milani më herët është ndarë nga superylli Brazilian Kaka, i cili iu bashkua gjigantit Spanjoll Real Madridit në një mega marveshje prej 67.5 milion euro.
Zyrtare – Cruz kalon tek Lazio
July 31, 2009
34-vjeçari vendosi për fituesit e Coppa Italia shumë shpejt.
Lazio nënshkroi me lojtarin veteran, pas marrëveshjes së arritur midis klubit nga kryeqyteti dhe futbollistit Argjentinas.
Veterani tani është duke i bërë testet mjekësore, sipas lalazioinrete dhe tuttomercatoëe.
Argjentinasi nënshkroi kontratë një-vjeqare me Lazion, që peshon 1.6 milionë euro (për sezon), me mundësi zgjatje edhe për një sezon tjetër. Cruz ishte duke kërkuar për klub të ri, qysh prej se i skadoi kontrata me kampionin Inter.
Cruz erdhi pasi pritet që Pandev duket se do e lë klubin e Lazios. Lazio shpreson se Cruz do i ndihmojë që të shkëlqej si në sezonin e fundit, kur fituan Coppa Italian.
Në fakt, paraqitja e parë e Cruz mund të bëhet më 8-gusht pikërisht kundër ish-klubit të tij në superkupën e Italisë.
Edhe klubi tjetër nga kryeqyteti, Roma, tregoi interesim për sulmuesin Cruz, por duket se Lazio e mundi kësaj here rivalin e qytetit.
/LajmeSport.com
R.I.P Sir Bobby Robsson
July 31, 2009
Futbollisti dhe trajneri legjendar Sir Bobby Robsson vdiq sot në moshën 76 vjeçare pas një sëmundje të rëndë.
Njeriu që përveç se u bë i famshëm për drejtimin e skuadrava në Premier League, ai në vitet 50 ishte një ndër lojtarët më të famshëm të kohës.
Ai , në fillim të karierës së tij si trajner , drejtori Fulhamin, më pas Ipswichin, kombëtaren e Anglisë, PSV, Sportingun, Porton, Barcelonën dhe Newcastle.
Sukses të madh e arriti si trajner i Ipswichit , fitues i kupës UEFA , fitues i FA Cup dhe dy her nënkampion i anglisë.
Jashtë Anglisë Sir Bobby arriti suksesin më të madh. Në fillim dy herë kampion i Holandës me PSV, kampionatin Portugez me Porton dhe Ligën e Kampionëve me Barcelonën.
Sir Bobby do të jetë një ndër emrat më të shquar të futbollit. Ai dha kontribut në të gjitha sferat pas penzionimit nga futbolli. Pra, njeriu që ishte simbol i futbollit anglez , njeriu i cili ishte idol për shumë trajner të kohës tonë, njeriu i cili jetën e kaloi me futbollin, u preftë në paqe.
Lajmet e Fundit
- Përcaktoni fituesin e duelit Slloveni – Angli
- Capello: Nuk jam i çmendur, Anglia mund të fitoj KB
- Mexes refuzon rinovimin e kontratës
- Juventus transferon Marco Storarin
- Argjentina vazhdon aventurën
- Përfundon Botërori për Francën
- Uruguaji dhe Meksika vazhdojnë më tej
- Militos i rritet paga, pengohet largimi i Burdissos
- KB 2010- Revolucion Francez
- Zambrotta: Të eliminohemi – E pamenduar për Italinë
Kategoritë
- Analiza Sportive
- Basketboll
- Boks
- Champions League
- Europa League
- Formula 1
- Futboll
- Kampionati Anglez
- Kampionati Botëror 2010
- Kampionati Francez
- Kampionati Gjerman
- Kampionati Italian
- Kampionati Spanjoll
- Klasifikime
- Komente Live
- Kryesoret
- Parashikime Sportive
- Sporte Të Tjerë
- Sporti Shqiptar
- Tenis
- Video Galeri
